|
|
 |
| (GMT+08:00)
2008-08-21 14:28:14
|
 |
|
ບົດບັນທຶກປະຈຳວັນນັກຂ່າວໃນວັນທີ11ສິງຫາ
cri
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ມື້ນີ້ແມ່ນວັນທີ11ສິງຫາ2008, ມື້ນີ້, ໂອລິມປິກປັກກິ່ງໄດ້ດຳເນີນມາຮອດມື້ທີ4ແລ້ວ. ຄຽງຄູ່ກັບການແຂ່ງຂັນຂອງງານໂອລິມປິກນັບມື້ນັບດຸເດືອດ, ນັກທ່ອງທ່ຽວຕ່າງປະເທດນັບມື້ນັບຫຼາຍໄດ້ພາກັນມາຈີນ, ມາປັກກິ່ງ, ພ້ອມກັນສະເຫວີຍຄວາມມ່ວນຊື່ນຂອງງານໂອລິມປິກ. ຄັນຊັ້ນ, ນັກທ່ອງທ່ຽວ
ທັງຫຼາຍຈະຈ່າຍຄ່າກິນ, ຄ່າຢູ່ແລະຄ່າເດີນທາງແນວໃດ? ການໃຊ້ຈ່າຍູ່ປັກກິ່ງມີຄວາມປອດໄພ, ສະດວກແລະວ່ອງໄວຫຼືບໍ່? ນີ້ແມ່ນບັນຫາຕົວຈິງທີ່ນັກທ່ອງທ່ຽວທັງຫຼາຍເອົາໃຈໃສ່ນຳ. ໃນລາຍການພາກນີ້, ແສງທອງຈະພາທ່ານໄປຊອກຮູ້ເນື້ອໃນໃນດ້ານນີ້:
ເປັນທີ່ຮູ້ດີແລ້ວວ່າ, ເມື່ອໄປທ່ຽວຕ່າງປະເທດ, ການໃຊ້ບັດທະນາຄານຈ່າຍຄ່າກິນຄ່າຢູ່ແມ່ນສະດວກກວ່າໝູ່, ໃນໄລຍະຈັດງານໂອລິມປິກຄັ້ງນີ້, ເວົ້າສຳລັບນັກທ່ອງທ່ຽວທີ່ຢາກໃຊ້ບັດທະນາຄານນັ້ນ, ບໍ່ຕ້ອງເປັນຫ່ວງນຳເລື່ອງນີ້ເລີຍ. ຕາມຂ່າວແຈ້ງວ່າ, ຮ້ານຄ້າຢູ່ປັກກິ່ງ ທີ່ໄດ້ເຊັນສັນຍາໃຊ້ບັດທະນາຄານ ມີ1ແສນ1ໝື່ນຮ້ານ. ແສງທອງສັງເກດເຫັນຮ້ານຄ້າຢູ່ໃນບ້ານໂອລິມປິກຫຼືຢູ່ມໍ່ສະໜາມກິລານັ້ນ, ມີ90%ຂຶ້ນໄປລ້ວນແຕ່ສາມາດໃຊ້ບັດທະນາຄານເງິນຢວນຈີນແລະເງິນຕາຕ່າງປະເທດ. ບໍ່ວ່ານັກທ່ອງທ່ຽວປະເທດໃດ, ຖ້າທ່ານມີບັດທະນາຄານ, ທ່ານກໍສາມາດຈ່າຍເງິນດ້ວຍບັດທະນາຄານຢູ່ໃນຮ້ານຄ້າທີ່ມີເຄື່ອງໝາຍUNIONPAY ຫຼື VISAເປັນຕົ້ນ.
ເມື່ອທ່ານມາຮອດປັກກິ່ງ, ຖ້າທ່ານຢາກປ່ຽນເງິນຕາຕ່າງປະເທດເປັນເງິນຢວນຈີນ, ທ່ານກໍສາມາດປ່ຽນຢູ່ສາຂາທະນາຄານແຫ່ງຕ່າງໆຢູ່ນະຄອນຫຼວງປັກກິ່ງໄດ້ຢ່າງສະບາຍ.
ປະຈຸບັນ, ປັກກິ່ງມີສາຂາທະນາຄານ2ພັນ400ກວ່າແຫ່ງສາມາດແລກປ່ຽນເງິນຕາຕ່າງປະເທດ. ໃນນັ້ນລວມທັງສາຂາທະນາຄານແລະອົງການແລກປ່ຽນເງິນຕາຕ່າງປະເທດທີ່ຕັ້ງຢູ່ໃນອາຄານຜູ້ໂດຍສານເລກ1, ເລກ2ແລະເລກ3ຂອງສະໜາມບິນສາກົນນະຄອນຫຼວງປັກກິ່ງ, ອົງການແລກປ່ຽນເງິນຕາທີ່ຕັ້ງຢູ່ໃນໂຮງແຮມ, ສາຂາທະນາຄານຢູ່ໃນຕົວເມືອງປັກກິ່ງແລະເຄື່ອງຈັກແລກປ່ຽນເງິນຕາຕ່າງປະເທດແບບອັດຕະໂນມັດ. ຖ້າທ່ານຢາກແລກປ່ຽນເງິນຕາຕ່າງປະເທດ, ທ່ານຖືປາສໂປຂອງຕົນໄປນຳ, ທ່ານກໍສາມາດແລກປ່ຽນເອົາເງິນຢວນຈີນໄດ້ຢ່າງສະບາຍ. ຢູ່ອົງການເຫຼົ່ານີ້, ລ້ວນແຕ່ມີຄູ່ມືແນະນຳການບໍລິການແລກປ່ຽນເງິນຕາເປັນສະບັບພາສາຈີນແລະພາສາອັງກິດ, ໄດ້ແນະນຳວິທີແລກປ່ຽນເງິນຕາຢ່າງລະອຽດ. ເມື່ອທ່ານອ່ານແລ້ວ, ກໍເຂົ້າໃຈໂລດ, ສາມາດເວົ້າໄດ້ວ່າ, ສະດວກສະບາຍທີ່ສຸດ.
ເມື່ອແສງທອງໄປເອົາຂ່າວຢູ່ໃນບ້ານໂອລິມປິກ, ຢູ່ນອກທະນາຄານລ້ວນແຕ່ໄດ້ຕິດປ້າຍທີ່ມີຕົວໜັງສື ແລກປ່ຽນເງິນຕາ ທັງເປັນພາສາຈີນແລະພາສາອັງກິດ. ຢູ່ໃນທະນາຄານມີເຄື່ອງຈັກຈັດແຖວແບບເອກເລັກໂຕຼນິກ, ໃນນີ້ກໍມີລາຍການຈັດແຖວສຳລັບແລກປ່ຽນເງິນຕາຄືກັນ, ສາມາດໃຫ້ບູລິມະສິດແກ່ລູກຄ້າທີ່ຢາກແລກປ່ຽນເງິນຕາ. ຢູ່ໜ້າຈໍໃນທະນາຄານ, ຍັງມີລາຄາຊື້ຂາຍເງິນຕາຕ່າງປະເທດນຳອີກຢ່າງຈະແຈ້ງ, ຖ້າທ່ານມີເງິນໂດລາ, ເງິນເອີໂຣເປັນຕົ້ນ, ລ້ວນແຕ່ສາມາດແລກປ່ຽນເປັນເງິນຢວນຈີນຢູ່ທະນາຄານທຸກແຫ່ງຢູ່ໃນນະຄອນຫຼວງປັກກິ່ງ. ນອກນີ້, ພະນັກງານໃນທະນາຄານເຫຼົ່ານີ້ລ້ວນແຕ່ເວົ້າພາສາອັງກິດໄດ້ຢ່າງຫຼ່ຽນໄຫຼ, ເພື່ອຮັບໃຊ້ທ່ານທີ່ຢາກແລກປ່ຽນເງິນຕາ.
ໃນກໍລະນີທີ່ແສງທອງຢາກເວົ້າອີກຢ່າງໜຶ່ງເປັນພິເສດວ່າ. ຖ້າທ່ານເດີນທາງຈາກປັກກິ່ງກັບຄືນປະເທດ, ຖ້າເງິນຢວນຈີນຂອງທ່ານຍັງໃຊ້ບໍ່ໝົດ, ນັ້ນຈະເຮັດແນວໃດ? ນີ້ກໍບໍ່ເປັນຫຍັງ, ທ່ານຍັງສາມາດໄປປ່ຽນເງິນຢວນຈີນເປັນເງິນໂດລາຄືນຢູ່ສາຂາທະນາຄານ. ທ່ານກໍ່ສາມາດໄປປ່ຽນເງິນຢູ່ໃນອົງການທະນາຄານທີ່ພວກເຮົາເວົ້າມາໃນມື້ກີ້ນີ້. ສິ່ງທີ່ຄວນເອົາໃຈໃສ່ນັ້ນແມ່ນ: ອີງຕາມຂໍ້ກຳນົດຂອງກົມຄຸ້ມຄອງເງິນຕາຕ່າງປະເທດແຫ່ງຊາດຈີນ, ມີແຕ່ທ່ານມີປາສໂປ, ທ່ານຈິ່ງສາມາດແລກປ່ຽນເງິນສູງສຸດ5ໝື່ນໂດລາຄືນ, ໃນປະເທດຈີນ, ຜູ້ໜຶ່ງສາມາດປ່ຽນເອົາເງິນໂດລາຄືນບໍ່ໃຫ້ສູງກວ່າ1ພັນໂດລາ. ຖ້າເກີນຈຳນວນດັ່ງກ່າວ, ຕ້ອງຖືປາສໂປແລະໃບຢັ້ງຢືນການປ່ຽນເງິນຢວນຈີນໄປປ່ຽນເອົາເງິນໂດລາຄືນຢູ່ສາຂາທະນາຄານຕ່າງໆ.
ເອົາລະທ່ານຜູ້ຟັງທີ່ໂຄລົບ, ບົດບັນທຶກປະຈຳວັນຂອງແສງທອງໃນມື້ນີ້ຂໍສ້ຽງສຸດລົງພຽງເທົ່ານີ້, ຂະນະນີ້, ແສງທອງກໍອວຍພອນໃຫ້ເພື່ອນທັງຫຼາຍທີ່ມາຊົມການແຂ່ງຂັນຢູ່ຈີນມີຄວາມເບີກບານມ່ວນຊື່ນ.
|
|
|
