|
ຕາມຂ່າວCRI: ໂດຍຜ່ານຈາກຜູ່ຮັບຜິດຊອບກອງບັນຊາການໃຫຍ່ໜ້າທີ່ການບິນອະວະກາດບັນທຸກມະນຸດ"ເຊີນໂຈ່ວ7" ແລະ ຄະນະກຳມະການເລືອກເຟັ້ນນັກບິນອະວະກາດເປັນເອກະສັນກັນລົງມະຕິ, ຕົກລົງໃຫ້ທ່ານຈາຍຈື້ກ່າງ, ລີວໂປມີງ ແລະ ຈີງໄຫເພີງປະກອບເປັນໜ່ວຍນັກບິນອະວະກາດທີ່ປະຕິບັດໜ້າທີ່ການບິນອະວະກາດບັນທຸກມະນຸດ"ເຊີນໂຈ່ວ7".
ທ່ານຈາຍຈື້ກ່າງເກີດໃນເດືອນຕຸລາ 1966, ເປັນຄົນນະຄອນລົງຈ່ຽງຂອງແຂວງເຮລອງຈ່ຽງ.ທ່ານເຂົ້າເປັນທະຫານໃນເດືອນມິຖຸນາ 1985, ຂັບຍົນ 950 ຊົ່ວໂມງຢ່າງປອດໄພ, ທ່ານເປັນນັກບິນລະດັບທີຫນຶ່ງຂອງກອງທັບອາກາດ. ທ່ານຈາຍຈື້ກ່າງງໄດ້ກາຍເປັນນັກບິນອະວະກາດຊຸດທຳອິດຂອງຈີນຢ່າງເປັນທາງການໃນເດືອນມັງກອນ 1998.ກ່ອນເຂົ້າສັງກັດຫນ່ວຍບິນຂອງຍານອະວະກາດເສີນໂຈ່ວ 7, ທ່າຍຍັງເຄີຍຖືກເລືອກເຂົ້າໃນໜ່ວຍນັກບິນອະວະກາດບັນທຸກມະນຸດຂອງຈີນໃນປີ2003 ແລະ ເຄີຍເຂົ້າເປັນສະມາຊິກຫນ່ວຍ ບິນຍານອະວະກາດເສີນໂຈວ 6 ທີ່ບັນທຸກມະນຸດໃນເດືອນມິຖຸນາ 2005.ປະຈຸບັນ ທ່ານເປັນນັກບິນອະວະກາດລະດັບທີສອງຂອງຫນ່ວຍນັກບິນອະວະກາດກອງທັບປົດປ່ອຍປະຊາຊົນຈີນ. ມີຕຳແໜ່ງຮອງນາຍພົນ,ເປັນທະຫານພັນເອກ.
ທ່ານລິວໂປມິງເກີດໃນເດືອນກັນຍາ 1966, ເປັນຄົນນະຄອນອີອ່ານຂອງແຂວງເຮລອງຈ່ຽງ.ທ່ານເຂົ້າເປັນນັກບິນທະຫານໃນເດືອນມິຖຸນາ 1985, ຂັບຍົນ 1050 ຊົ່ວໂມງຢ່າງປອດໄພ, ທ່ານເປັນນັກບິນລະດັບທີຫນຶ່ງຂອງກອງທັບອາກາດ, ປະຈຸບັນ ທ່ານເປັນນັກບິນອະວະກາດລະດັບທີສອງຂອງຫນ່ວຍນັກບິນອະວະກາດກອງທັບປົດປ່ອຍປະຊາຊົນຈີນ.ທ່ານລິວໂປມິງໄດ້ກາຍເປັນນັກບິນອະວະກາດຊຸດທຳອິດຂອງຈີນຢ່າງເປັນທາງການໃນເດືອນມັງກອນ 1998.ກ່ອນເຂົ້າສັງກັດຫນ່ວຍບິນຂອງຍານອະວະກາດເສີນໂຈວເລກ 7, ທ່ານຍັງເຄີຍເຂົ້າເປັນສະມາຊິກຫນ່ວຍ ບິນຍານອະວະກາດເສີນໂຈວເລກ 6 ທີ່ບັນທຸກມະນຸດໃນເດືອນມິຖຸນາ 2005.
ທ່ານຈິງໄຮເພິງເກີດໃນເດືອນສິງຫາ 1966, ເປັນຄົນນະຄອນຢຸ້ນເສີນຂອງແຂວງຊ່ານຊີ.
ທ່ານເຂົ້າເປັນນັກບິນທະຫານໃນເດືອນມິຖຸນາ 1985, ຂັບຍົນ 1200 ຊົ່ງໂມງຢ່າງປອດໄພ, ທ່ານເປັນນັກບິນລະດັບທີຫນຶ່ງຂອງກອງທັບອາກາດ, ປະຈຸບັນ ທ່ານເປັນນັກບິນອະວະກາດລະດັບທີສອງຂອງຫນ່ວຍບິນກອງທັບປົດປ່ອຍປະຊາຊົນຈີນ.
ທ່ານຈິງໄຮເພິງໄດ້ກາຍເປັນນັກບິນອະວະກາດຊຸດທຳອິດຂອງຈີນຢ່າງເປັນທາງການໃນເດືອນມັງກອນ 1998. ກ່ອນເຂົ້າສັງກັດຫນ່ວຍບິນຂອງຍານອະວະກາດເສີນໂຈວເລກ 7, ທ່ານຍັງເຄີຍເຂົ້າເປັນສະມາຊິກຫນ່ວຍ ບິນຍານອະວະກາດເສີນໂຈວເລກ 6 ທີ່ບັນທຸກມະນຸດໃນເດືອນມິຖຸນາ 2005.
|
