Shakira ນັກຮ້ອງເພງບານໂລກ2010 Waka Waka
(ໂຄສົກ: ນ້ອຍ ລູ່ ອອກອາກາດທຸກວັນເວລາ 20:00-21:00ໂມງ)
Shakira ນັກຮ້ອງເພງບານໂລກ2010 Waka Waka
ນ:ເຂົ້າມາໄລຍະນີ້ພວກເຮົາກໍ່ມີສິລະປິນຕ່າງປະເທດທີ່ໜ້າສົນໃຈມາແນະນຳສູ່ມິດລາຍການເຊັ່ນເຄີຍ ! ພິເສດມື້ນີ້ກໍ່ເປັນນັກຮ້ອງສາວໜ້າໃສ ໃຈດີ ໄວອາຍຸ34ປີ, ເອກະລັກຂອງສາວຄົນນີ້ກໍ່ຄື ເປັນຄົນໜ້າຕາໜ້າຮັກ ມີຮອຍຍີ້ມແລະສາຍຕາທີ່ມີສະເໜ່ ! ນັກຮ້ອງຄົນນີ້ເປັນທີ່ຮູ້ຈັກກັນດີໃນນາມຂອງເພງ WaKa Waka ! ເພງປະຈຳການແຂ່ງຂັນເຕະບານໂລກ2010 ທີ່ອາຟຣິກກາໄຕ້ເປັນເຈົ້າພາບ !
ລ: ແລະສິນລະປິນທີ່ພວກເຮົາເອົາມາແນະນຳໃນມື້ນີ້ກໍ່ແມ່ນ Shakira Isabel Mebarak Ripoll ຫລືເປັນທີ່ຮູ້ຈັກໃນນາມ Shakira Waka Waka ນັກຮ້ອງລູກຊອດຄົນເລບານອນ-ໂຄລຳເບຍ ! ທີ່ມີປະຫວັດການເປັນນັກແຕ່ງເພງຕັ້ງແຕ່ຕອນອາຍຸ10ປີ ແລະການຍາດໄດ້ຕຳແໜ່ງຊະນະເລີດໃນການປະກວດຮ້ອງເພງໃນລະດັບທ້ອງຖິ່ນ ແລະລະດັບຊາດມາຫລາຍລາງວັນ !
ນ: Shakira ເກີດທີ່ເມືອງບາລັງກີຍາ ໃນວັນທີ 2ກຸມພາ1977 ທີ່ປະເທດໂຄລຳເບຍ ! ປັດຈຸບັນ ກໍ່ກາຍເປັນນັກຮ້ອງທີ່ມີຄວາມສາມາດຫລາຍດ້ານຄື: ເປັນນັກຮ້ອງ, ນັກແຕ່ງເພງ, ນັກສະແດງ, ຖ່າຍໜ້າປົກວາລະສານ ແລະນາງແບບໃຫ້ກັບສິນຄ້າດັງໆໃນໂຄລຳເບຍ ແລະທົ່ວອາເມຣິກາ !
(ເພງ)
ນ: ປັດຈຸບັນ Shakira ເປັນນັກຮ້ອງໃນແນວເພງລາຕິນປ໋ອບທີ່ພວມໄດ້ຮັບຄວາມນິຍົມສູງໃນບ້ານເກີດໂຄລຳເບຍ ແລະທົ່ວຢູໂຣບໂດຍສະເພາະຢູອາເມຣິກາ ທີ່ມີແຟນເພງໃຫ້ຄວາມສົນໃຈເປັນພິເສດ ! ເຊິ່ງປັດຈຸບັນກໍ່ມີຜົນງານເພງອອກມາຢ່າງຫລວງຫລາຍ !
ລ: ລວມທັງໝົດມີ 8ອະລາບ້ຳ ເປັນຕົ້ນມີ: Magia(1991), The Remixes, Laundry Service, She Wolf(2009) ແລະອະລາບ້ຳຍອດນິຍົມອື່ນໆ ! ເຊິ່ງທຸກອາລະບ້ຳທີ່ອອກມາກໍ່ລ້ວນແຕ່ມີຄຸນນະພາບ ແລະເປັນທີ່ຈັບຕາຂອງຜູ້ຟັງ ໂດຍສະເພາະແມ່ນແຟນເພງລາຕິນທັງຫລາຍ !
ນ: ພິເສດໃນອະລາບ້ຳ Oral Fixation Vol.2 ທີ່ອອກມາໃນປີ 2005 ເຮັດໃຫ້ Shakira ຍາດໄດ້ເຖິງ4ລັງວັນຂອງGrammyໃນປີ2006 ຄືມີ: ເພງຍອດນິຍົມແຫ່ງປີ, ລາງວັນບັນທຶກສຽງແຫ່ງປີ, ອະລາບ້ຳດີເດັ່ນ, ແລະລາງວັນນັກຮ້ອງເພງປ໋ອບທີ່ດີທີ່ສຸດ!
