Fefe Dobson ແລະ The Flower
ນ:ເຂົ້າມາໄລຍະນີ້ພວກເຮົາກໍ່ມີປະຫວັດຂອງນັກຮ້ອງສາວທີ່ມັກຮັກໃນແນວເພງປ໋ອບມາແນະນຳໃຫ້ມິດລາຍການໄດ້ຮູ້ຈັກ ! ກັບການເປີດໂຕອະລາບ້ຳທຳອິດ ຈົນເປັນທີ່ມາຂອງລາງວັນອະລາບ້ຳດີ່ເດັ່ນ ໃນງານເຂົ້າຊິງລາງວັນ Juno Awardsຂອງປະເທດການາດາ ທີ່ຈັດຂື້ນໃນປີ 2003 ! ກັບຍອດຂາຍ 307.000ແຜ່ນທົ່ວອາເມຣິກາພາຍໃນ1ອາທິດ ໂດຍມີ4ເພງດັງຄື: Bye Bye Boyfriend, Take Me Away, Everything ແລະ Don't Go !
ລ:ມາຮູ້ຈັກສາວໄວອາຍຸ27ປີຄົນນີ້ Felicia Lily Dobson ຫລືເປັນທີ່ຮູ້ຈັກໃນນາມ Fefe Dobson ! ສາວຄົນນີ້ເກີດໃນວັນທີ 28ກຸມພາ1985 ທີ່ເມືອງ Scarborough, ລັດ Ontario ປະເທດການາດາ ! ເກີດໃນຄອບຄົວທີ່ມີພໍ່ເປັນຄົນປະເທດຈາເມກ້າ ແລະແມ່ເປັນຄົນ3ສັນຊາດອັງກິດ-ອາໂບລິຈິນໍ ແລະຝຣັ່ງ ! Fefe ມີປະຫວັດການເປັນນັກຮ້ອງຕັ້ງແຕ່ສະໃໝຮຽນຢູ່ມັດທະຍົມປາຍ Wexford Collegiate ທີ່ສ້າງຕັ້ງຂື້ນໃນປີ1965 !
ນ:ແລະຍ້ອນວ່າ Fefe ເປັນນັກຮຽນດີເດັ່ນ ແລະ ນັກຮ້ອງສຽງດີຂອງໂຮງຮຽນດັ່ງກ່າວ, ຄູສອນຮ້ອງເພງຂອງລາວLucia ຈິ່ງໄດ້ຂຽນປະຫວັດຫຍໍ້ໃຫ້ກັບລາວ ເພື່ອເປັນການຍ້ອງຍໍ ແລະເປັນແບບຢ່າງໃຫ້ກັບໝູ່ຄົນອື່ນໆທີ່ຮຽນນຳກັນ ! ຈາກນັ້ນຄູຄົນນີ້ກໍ່ໄດ້ໃຫ້ການຊ່ວຍເຫລືອ ແລະສົ່ງເສີມໃຫ້ລາວໂດຍຕະຫລອດມາ ເປັນຕົ້ນກໍ່ມີການບັນທຶກສຽງເພື່ອສານຄວາມຝັນການຢາກເປັນນັກຮ້ອງຂອງລາວໃຫ້ກາຍເປັນ ຈິງ !
(ເພງ)
ນ:ຄວາມຝັນການເປັນນັກຮ້ອງຂອງ Fefe Dobsonເກືອບຈະເປັນຈິງ ພາຍຫລັງມາທອດສອບສຽງກັບຄ້າຍເພງ Jive Records ! ໂດຍຄ້າຍເພງດັ່ງກ່າວ ສັງເກດເຫັນເຖິງພອນສະຫວັນໃນການແຕ່ງເພງຂອງ Fefeໃນໄວອາຍຸພຽງແຕ່13ປີເທົ່ານັ້ນ ! ແຕ່ເນື່ອງຈາກໂຕຂອງລາວເອງຍັງບໍ່ກ້າທີ່ຈະຕັດສິນໃຈ ຈິ່ງໄດ້ປະຕິເສດໂອກາດການຮ່ວມງານກັບຄ້າຍເພງດັ່ງກ່າວໄປ !
ລ:ຈົນມາຮອດປີ 2003, Fefe Dobsonw ໄດ້ມີຊື່ສຽງກັບການເປັນນັກຮ້ອງມືສະໝັກຫລີ້ນຕາມຮ້ານອາຫານ ແລະຮ້ານບັນເທີງຕ່າງໆ ແລະໃນປີດຽວກັນ ຜູ້ບໍລິຫານຄ້າຍເພງUniversal Music Canada ຄື: Randy Lennox ໄດ້ໃຫ້ຄວາມສົນໃຈແລະຊວນໃຫ້ລາວມາເປັນນັກຮ້ອງຮ່ວມສັງກັດໃນທີ່ສຸດ ກັບອະລາບ້ຳເປີດໂຕຊື່: Fefe Dobson ທີ່ກາຍເປັນອະລາບ້ຳດັງອັນດັບ1ຢູ່ອາເມຣິກາເວລານັ້ນ !
ນ:ແລະຈາກຄວາມດັ່ງຂອງອະລາບ້ຳດັງກ່າວ ເຮັດໃຫ້ Fefe ໄດ້ຮັບລາງວັນອະລາບ້ຳດີເດັ່ນແຫ່ງປີ ກັບຍອດຂາຍ307.000ແຜ່ນພາຍໃນ1ອາທິດ ! ແລະກໍ່ມີຜົນງານເພງອື່ນໆອອກມາລວມທັງໝົດ 3ອະລາບ້ຳຄື: Fefe Dobson(2003), Sunday Love(2006) ແລະJoy(2010) !
