Scotty McCreery ແລະ Liu Li Yang
Jeno Liu ຫຼື Liu Li Yang ນັກຮ້ອງ ແລະ ນັກສະແດງຍິງ ທີ່ສ້າງຊື່ສຽງ ແລະ ໄດ້ຮັບຄວາມນິຍົມ ຈາກເວທີການປະກວດຮ້ອງເພງ ໃນເວທີ ການປະກວດ Super Girl ລຸ້ນທີ 3 ໃນປີ 2006 ທີ່ໄດ້ຮັບຄະແນນໂຫວດ ສູງເຖິງ 350.000 ຄະແນນ ແລະເຮດໃຫ້ສາມາດໄດ້ຮັບລາງວັນຮອງຊະນະເລີດຈາກເວທີດັ່ງກ່າວ Jeno Liu ເກີດໃນວັນທີ 24 ເດືອນຕຸລາ ໃນປີ 1982 ທີ່ນະຄອນຫຼວງປັກກິ່ງຂອງຈີນ ແລະ ເຄີຍຜ່ານເວທີ ການປະກວດຮ້ອງເພງ ສາມາດຍາດໄດ້ລາງວັນຊະນະເລີດ ຈາກການແຂ່ງຂັນຮ້ອງເພງ ໃນກວາງໂຈ່ວ ເຊິ່ງເປັນເມືອງເອກ ຂອງແຂວງ ກວາງຕົ່ງນັ້ນເອງ Jeno ຈົບການສຶກສາຈາກ ມະຫາວິທະຍາໄລ ລອນດອນ ຂອງປະເທດອັງກິດ ໃນລະດັບປະລິນຍາໂທ ສາຂາ ການໂຄສະນາ ແລະ ການຕະຫຼາດ ໄດ້ເລີ່ມເຂົ້າສູ່ວົງການພາຍຫຼັງ ທີ່ໄດ້ຜ່ານການປະກວດ ໃນປີ 2006 ແລະ ມີຜົນງານການໂຄສະນາ ເຊິ່ງແມ່ນຜົນງານທຳອິດ ອອກມາ ແຕ່ໃນເວລາທີ່ ຖ່າຍທຳການສະແດງໂຄສະນານັ້ນ ໄດ້ເກີດອຸປະຕິເຫດ ແລະ ມີຜົນກະທົບຕໍ່ການ ອອກຕະເວນຄອນເສີດ ກັບ Super Girl ແຕ່ພາຍຫຼັງທີ່ໄດ້ຮັບການປິ່ນປົວ ກໍໄດ້ກັບຄືນ ສູ່ການຮ້ອງເພງ ພ້ອມທັງ ອອກຜົນງານເພງ ເຊິ່ງພາຍໃຕ້ ການສັງກັດ ໃນບໍລະສັດເພງ EE Music ໃນລະຫວ່າງ ປີ 2006 – 2007 ຕໍ່ມາໃນວັນທີ 4 ເດືອນມັງກອນ ປີ 2008 ໄດ້ ເຊັນສັນຍາ ກັບບໍລິສັດເພງ Him International Music Jeno ມີອະລະບ້ຳເພງທັງໝົດ 4 ອະລະບ້ຳ ແລະ ອະລະບ້ຳລ່າສຸດ ປ່ອຍອອກມາໃນທ້າຍປີ 2011 ທີ່ຜ່ານມາ
