David Guetta ແລະ Yan Ya Lun
(GMT+08:00) 2012-02-29 15:50:20 cri
Yan Ya Lun ຫຼື Aaron Yan ນັກຮ້ອງ ນັກສະແດງ ແລະ ເປັນທັງນາຍແບບ ຈາກໄຕ້ຫວັນຂອງຈີນ ເຊິ່ງເປັນ ໜຶ່ງໃນສະມາຊິກ ຂອງສິລະປິນ ກຸ່ມ Fahrenheit ໜຸ່ມຄົນນີ້ ເກີດວັນທີ 20 ພະຈິກ ໃນປີ 1985 ກັບອາຍຸປັດຈຸບັນ ແມ່ນ 26 ປີ ສາມາດ ນຳໃຊ້ ພາສາ ຈີນກາງ ກວາງຕຸ້ງ ແລະ ພາສາ ຈີນຮົກກ້ຽນ ໄດ້ຢ່າງຄ່ອງແຄ້ວ ຍັງສາມາດ ເວົ້າພາສາອັງກິດ ແລະ ພາສາຍີ່ປຸ່ນ ນຳອີກ
Aaron Yan ພ້ອມຄອບຄົວ ໄດ້ຍ້າຍໄປຢູ່ ທີ່ ສະຫະລັດອາເມລິກາ ຕັ້ງແຕ່ ຍັງນ້ອຍ ແລະ ໄດ້ຮຽນ ຢູ່ໂຮງຮຽນ ປະຖົມແຫ່ງໜຶ່ງ ເປັນເວລາ 5 ປີ ຫຼັງຈາກນັ້ນ ໄດ້ກັບມາສຶກສາຕໍ່ ໃນໄຕ້ຫວັນຂອງຈີນ ຕໍ່ມາໄດ້ສຶກສາໃນ Chinese Culture University ໃນສາຂາ ສື່ສານມວນຊົນ
Aaron Yan ໄດ້ປ່ອຍຜົນງານເພງ ທັງໝົ້ດ 4 ອະລະບ້ຳເພງຈີນ ແລະ 3 ບົດເພງ ໃນພາສາຍີ່ປຸ່ນ ຮ່ວມກັບກຸ່ມ ພ້ອມທັງ DVD ທີ່ບັນທຶກການສະແດງ Concert Aaron ມີການສະແດງ ຄອນເສີດເປັນຄັ້ງທຳອິດ ໃນ ໄທເປ ເຊິ່ງແມ່ນເມືອງເອກ ຂອງໄຕ້ຫວັນຂອງຈີນ ໃນມື້ຄົບຮອບ ວັນເກີດ 25 ປີແລະ ສິ່ງທີ່ບົ່ງບອກ ເຖິງກະແສການຕອບຮັບທີ່ດີ ນັ້ນແມ່ນ ການຂາຍປີ້ ສາມາດຂາຍໝົດ ໃນເວລາ 18 ນາທີ ພາຍຫຼັງມີ່ ເລີ່ມມີການເປີດຂາຍ ແລະ ເງິນທັງໝົດ ທີ່ໄດ້ຈາກການຂາຍນັ້ນ ແມ່ນບໍລິຈາກ ເພື່ອການກຸສົນ
Aaron ໄດ້ມີອະລະບ້ຳດ່ຽວ The Next Me ອອກມາ ໃນວັນທີ 25 ມີນາ ປີ 2011 ພາຍໃຕ້ສັງກັດ Him International Music ແລະ ມີການສະແດງຄອນເສີດ ເມື່ອວັນທີ 11 ມິຖຸນາ ປີ 2011 ທີ່ຜ່ານມາ ເພື່ອສະຫຼອງໃຫ້ແກ່ ອະລະບ້ຳດ່ຽວຊຸດ ທຳອິດ ຈັດຂຶ້ນໃນໄຕ້ຫວັນຂອງຈີນແລະ ໃນວັນທີ 21 ຂອງເດືອນດຽວກັນ ໄດ້ຈັດການສະແດງ ທີ່ນະຄອນຫຼວງປັກກິ່ງແລະ ລ່າສຸດ ໃນວັນທີ 31 ຂອງເດືອນກໍລະກົດ ຈັດຂຶ້ນ ທີ່ຊຽງໄຮ
