ພະຍາຍາມຮັບຜິດຊອບຕໍ່ໂຊກຊະຕາຂອງຕົນ
(GMT+08:00) 2012-03-07 10:38:53 cri
ກ່ຽວກັບເລື່ອງນີ້, ວິໄລວັນຢາກແບ່ງປັນເລື່ອງລາວເລື່ອງໜຶ່ງກັບທ່ານ.
ແຕ່ກ່ອນ, ມີນັກແຕ້ມຮູບໜຸ່ມນ້ອຍຜູ້ໜຶ່ງ, ລາວມີພອນສະຫວັນພົ້ນເດັ່ນ, ໃນເວລາທຳມາຫາກິນຢູ່ນະຄອນປາຣີນັ້ນ, ລາວຍັງບໍ່ທັນມີຊື່ສຽງ, ແລະກໍ່ທຸກຍາກທີ່ສຸດ. ຮູບແຕ້ມຂອງລາວຂາຍບໍ່ອອກຈັກແຜ່ນ, ຍ້ອນວ່າ, ຮ້ານຂາຍຮູບແຕ້ມຢູ່ນະຄອນປາຣີຂາຍແຕ່ຮູບແຕ້ມຂອງນັກແຕ້ມທີ່ມີຊື່ສຽງ, ນັກແຕ້ມໜຸ່ມຜູ້ນີ້ແມ່ນບໍ່ມີໂອກາດເອົາຮູບແຕ້ມຂອງຕົນໄປຂາຍຢູ່ໃນຮ້ານເຫຼົ່ານີ້ເລີຍ.
ແຕ່ເວລາຜ່ານໄປບໍ່ດົນ, ມີເລື່ອງແປກເລື່ອງໜຶ່ງເກີດຂຶ້ນ. ຄື: ເຈົ້າຂອງຮ້ານຂາຍຮູບແຕ້ມຜູ້ໜຶ່ງໄດ້ພົບລູກຄ້າໜຸ່ມຫຼາຍຄົນທີ່ເຂົ້າໄປໃນຮ້ານ ຖາມຊື້ຮູບແຕ້ມຂອງນັກແຕ້ມຮູບໜຸ່ມຜູ້ນັ້ນ, ແຕ່ເຈົ້າຂອງຮ້ານພັດບໍ່ມີ, ໃນທີ່ສຸດ, ເຈົ້າຂອງຮ້ານມີແຕ່ເບິ່ງລູກຄ້າທີ່ຜິດຫວັງເຫຼົ່ານີ້ຍ່າງອອກຈາກຮ້ານດ້ວຍຄວາມເສຍດາຍ.
