Jacob Guay ແລະ Qing chun mei shao nu
(GMT+08:00) 2012-03-20 10:09:45 cri
青春美少女 Qing chun mei shao nu ປະກອບ ດ້ວຍຍິງ5ຄົນ, ສະມາຊິກຂອງວົງລ້ວນແຕ່ເປັນຜູ້ຍິງທີ່ມີ ອາຍຸແຕ່10ປາຍປີ ຫາ 20ປີ, ຖ້າກາຍ21ປີແລ້ວກໍ່ເລືອກຄົນໃໝ່ເຂົ້າແທນ, ນັບແຕ່ມື້ສ້າງຕັ້ງວົງມາຮອດປະຈຸບັນໄດ້15ປີປະກອບມີ4ລຸ້ນ
ໃນປີ1996, ບໍລິສັດພັດທະນາສິລະປະໂທລະພາບ ແລະ ຮູບເງົາ Qing chun niao ປັກກິ່ງໄດ້ໄປເຂດແຂວງຕ່າງໆໃນທົ່ວປະເທດເພື່ອຄັດເລືອກເດັກຍິງທີ່ຮ້ອງເພງແລະເຕັ້ນເກັ່ງ.ໃນທີ່ສຸດໄດ້ເລືອກເອົາ 5 ຄົນປະກອບເປັນວົງ ເປັນ Qing chun mei shao nu ລຸ້ນທຳອິດ,
ທາງບໍລິສັດໄດ້ຝຶກອົບຮົມເດັກຍິງ 5ຄົນນີ້ໃນດ້ານຕ່າງໆເຊັ່ນການຮ້ອງເພງ,ເຕັ້ນລຳ, ການສະແດງ, ແລ້ວວົງນີ້ກໍ່ໄດ້ຮັບໂອກາດຕາງໜ້າຈີນໃນການເຂົ້າຮ່ວມກິດຈະກຳແລກປ່ຽນວັດທະນະທຳທີ່ຍີ່ປຸ່ນ
ປີ1998ໄດ້ອອກອາລະບ້ຳຊຸດທຳອິດທີ່ມີຊື່ວ່າ happy baby, ອາລະບ້ຳຊຸດນີ້ໄດ້ຮັບຄວາມນິຍົມຫຼາຍ. Qing chun mei shao nu ໄດ້ດັງຂຶ້ນໃນທ້າຍປີ1990, ຕໍ່ມາໄດ້ປ່ຽນສະມາຊິກວົງມາເປັນລຸ້ນທີ2, ທີ3, ໄດ້ມີຫຼາຍເພງອອກມາ,ແລະບາງເພງກໍ່ໄດ້ຮັບຄວາມນິຍົມຫຼາຍ. ແຕ່ເມື່ອທຽບກັບວົງລຸ້ນທຳອິດແລ້ວ,ແມ່ນໄດ້ຮັບຜົນສຳເລັດບໍ່ດີປານໃດ.ຊື່ສຽງຂອງວົງກໍ່ຄ່ອຍໆຈາງລົງ.
ຈົນມາຮອດຕົ້ນປີ2009, ເພງເກົ່າຂອງວົງທີ່ອອກໃນປີ2004 ຄືເພງI miss you ດັງຂຶ້ນແບບຂ້າມຄືນຈາກເວັບໄຊແລ້ວເຜີຍແຜ່ໄປທົ່ວປະເທດ. ສະພາບດັງຂອງເພງນີ້ໜ້າເຫຼືອເຊື່ອແລະກໍ່ເຮັດໃຫ້ວົງ Qing chun mei shao nu ດັງຂຶ້ນຄືນໃໝ່.
ປະຈຸບັນ, Qing chun mei shao nu ເປັນລຸ້ນທີ4 ທີ່ຫ້າວຫັນຝຶກການຮ້ອງເພງແລະເຕັ້ນລຳເພື່ອກະກຽມຕະເວນຈັດຄອນເສີດດ່ຽວທົ່ວໂລກ2011,ຄືຄັ້ງທຳອິດຈະຈັດທີ່ນະຄອນຫຼວງປັກກິ່ງ,ຈາກນັ້ນມີຍີ່ປຸ່ນ, ສ ເກົາຫຼີ, ອົດສຕຼາລີ
