Elena Alexandra Apostoleanu ແລະ Yin Guo Xiong Di
(GMT+08:00) 2012-03-20 10:36:22 cri
因果兄弟 ( Yin Guo Xiong Di ) ເປັນວົງນັກຮ້ອງທີ່ປະກອບດ້ວຍອ້າຍນ້ອງສອງຄົນ, ຊື່ຂອງວົງນີ້ແມ່ນໄດ້ມາຈາກຊື່ຂອງສອງອ້າຍນ້ອງ. ອ້າຍຊື່ວ່າເຟີງຢິນ ເປັນນັກຫຼິ້ນກິຕາທັງເປັນນັກຮ້ອງໃນວົງ, ມີລະດັບການສຶກສາ ປະລິຍາຕີສອງວິຊາຄື ຄຸ້ມຄອງວິສາຫະກິດ ແລະ ເສດຖະສາດ.
ນ້ອງຊື່ວ່າເຟິງໂກວ, ເປັນນັກຫຼິ້ນກິຕາ ທັງເປັນນັກຜະລິດດົນຕີ, ຮຽນຈົບຈາກວິທະຍາໄລດົນຕີ. ສອງອ້າຍນ້ອງກຳເນີດໃນຄອບຄົວສິລະປະງີ້ວ, ເຖິງວ່າ ສອງອ້າຍນ້ອງມີຄວາມຝັນຕ່າງກັນກໍ່ຕາມ ແຕ່ໃນທີ່ສຸດເຂົາເຈົ້າລ້ວນແຕ່ໄດ້ເລືອກດົນຕີເປັນອາຊີບ.
因果兄弟 ເລີ່ມກ້າວເດີນເສັ້ນທາງດົນຕີໃນປີ2000, ເຂົາເຈົ້າຈາກແຂວງອ່ານຮຸຍທີ່ເປັນບ້ານເກີດເມືອງນອນໄປນະຄອນເຊິນເຈິ້ນ, ຕັ້ງວົງ ຈົ້ງຊິນ ທີ່ຮ້ອງເພງ Metal ແລະ Punk ແລະເປັນນັກຮ້ອງປະຈຳຮ້ານແຫ່ງຕ່າງໆ.
因果兄弟 (Yin Guo Xiong Di) ຍຶດໝັ້ນຮ້ອງເພງທີ່ແຕ່ງເນື້ອຮ້ອງແລະທຳນອງເພງເອງ ນັບແຕ່ກ້າວສູ່ວົງການເພງມາຜົນງານເພງຂອງເຂົາເຈົ້າລ້ວນແຕ່ແມ່ນກຳເນີດຈາກຄວາມຮູ້ສຶກຕໍ່ຊີວິດຕົວຈິງ. ຈຸດເດັ່ນທີ່ສຸດຂອງວົງແມ່ນເນັ້ນໃສ່ຜູ່ຟັງທົ່ວໄປ, ຈຸດເດັ່ນອີກຈຸດໜຶ່ງກໍ່ແມ່ນເນັ້ນໃສ່ຄວາມແທ້ຈິງ ແລະ ແຕ່ລະເພງລ້ວນແຕ່ແມ່ນແຕ່ງຂຶ້ນດ້ວຍເລື່ອງຈິງ.
