Lindsay Lohan ແລະ Mo Wen Wei ( Karen Mok )
(GMT+08:00) 2012-03-21 10:10:15 cri
Mo Wen Wei ( Karen Mok ) ນັກຮ້ອງຍິງຂອງຮົງກົງມີຄວາມສາມາດຫຼາຍດ້ານ ເວົ້າໄດ້ ຫຼາຍພາສາ ແລະ ຫຼິ້ນເຄື່ອງດົນຕີໄດ້ຫຼາຍປະເພດ ເຂົ້າວົງການບັນເທິງໃນຖານະເປັນນັກຮ້ອງ ແລະ ຍັງປະສົບຜົນສຳເລັດສູງໃນດ້ານການສະແດງພ້ອມ. Karen Mok ກຳເນີດໃນຮົງກົງ ໃນປີ1970ໄດ້ຮັບການສຶກສາທີ່ດີມາແຕ່ນ້ອຍເວົ້າໄດ້ 5ພາສາ ຄືພາສາຈີນກວາງຕຸ້ງ ພາສາຈີນກາງ ອັງກິດ ຝະຣັ່ງ ແລະອີຕາລີ. ນອກຈາກການສຶກສາພື້ນຖານດ້ານວັດທະນະທຳແລ້ວ ຍັງໄດ້ຮັບການສຶກສາວິຊາສິລະປະອີກເຊັ່ນ ເປຍໂນ ພິນບູຮານຈີນ ແລະ ອື່ນໆ.
ໃນປີ1989 ພາຍຫຼັງຮຽນຈົບມັດທະຍົມປາຍ Karen Mok ໄດ້ເສັງເຂົ້າມະຫາວິທະຍາໄລລອນດອນອັງກິດ ສຶກສາວິຊາວັນນະຄະຂອງດີອີຕາລີ ແຕ່ຍ້ອນວ່າມັກດົນຕີຫຼາຍຍັງໄດ້ເລືອກຮຽນວິຊາດົນຕີອີກ.
ຄວາມສາມາດດ້ານການຮ້ອງເພງຖືກບໍລິສັດເພງແຫ່ງໜຶ່ງຂອງຮົງກົງຄົ້ນພົບ ແລະ ບໍລິສັດກໍໄດ້ອອກອາລະບ້ຳເພງພາສາກວາງຕຸ້ງຊຸດທຳອິດ ແຕ່ວ່າອາລະບ້ຳນີ້ຂາຍໄດ້ພຽງແຕ່ 800ແຜ່ນເທົ່ານັ້ນ ຕໍ່ມາໄດ້ຫັນໄປເຊັນສັນຍາກັບບໍລິເພງຂອງໄຕ້ຫວັນ ແລະ ໄດ້ອອກາອາລະບ້ຳເພງພາສາກວາງຕຸ້ງ ຊຸດທີ2 ແຕ່ ກໍຍັງບໍ່ໄດ້ຮັບຜົນສຳເລັດຄືເກົ່າ.
ເມື່ອປະສົບອຸປະສັກອັນໃຫຍ່ຫຼວງໃນດ້ານການຮ້ອງເພງ Karen Mok ກໍຕັດສິນໃຈຫັນໄປສະແດງຮູບເງົາ.
ປີ1996ໄດ້ເຂົ້າຮ່ວມການສະແດງຮູບເງົາເລື່ອງໜຶ່ງທີ່ກຳກັບການສະແດງໂດຍທ່ານວາງເຈ່ຍເວີ້ຍ ແລ້ວຊິງໄດ້ລາງວັນຕົວປະກອບດິເດັ່ນຂອງລາງວັນຮູບເງົາຮົງກົງ. ການສະແດງຮູບເງົາໄດ້ຊ່ວຍ Karen Mok ສ້າງພາບໃໝ່ໃນການພັດທະນາວຽກງານສິລະປະ. ພ້ອມດຽວກັນນັ້ນຍັງໄດ້ພົບໂອກາດທີ່ດີ ເຮັດໃຫ້ວຽກງານການຮ້ອງເພງພັດທະນາດີຂຶ້ນ.
ປີ1997 Karen Mok ໄດ້ອອກອາລະບ້ຳເພງພາສາຈີນກາງຊຸດທຳອິດ ອາລະບ້ຳຊຸດນີ້ໄດ້ຮັບຜົນສຳເລັດສູງ ແລະ ເປັນຂີດໝາຍທີ່ເຮັດໃຫ້ Karen Mok ຫຼຸດພົ້ນອອກຈາກເງົາມືດແຫ່ງການຫຼົ້ມເຫຼວໃນວຽກງານການຮ້ອງເພງ ແລະ ສ້າງຖານະບົດບາດ ເອກະລັກລີລາການຮ້ອງເພງ ໃນວົງການເພງ.
