Huo jian huo ແລະ Carmen Electra
(GMT+08:00) 2012-03-31 15:23:06 cri
Huo jian huo ເປັນທັງນັກຮ້ອງ ແລະນັກສະແດງຈາກໄຕ້ຫວັນຂອງຈີນ, ເກີດໃນວັນທີ 26 ເດືອນ ທັນວາ ປີ 1979 ອາຍຸປັດຈຸບັນ 32 ປີ.ກ່ອນການເຂົ້າສູ່ວົງການບັນເທີງ ເມື່ອຕອນອາຍຸ 17 ປີ ໄດ້ມີເປົ້າໝາຍໃນການເປັນນັກຮ້ອງ ຈຶ່ງໄດ້ເຂົ້າຮ່ວມໃນການຝຶກອົບຮົມ ກ່ຽວກັບການຮ້ອງເພງ ແລະການເຕັ້ນ ເປັນເວລາດົນເຖິງ 2 ປີ . ແລະ ຫຼັງຈາກນັ້ນ ກໍ່ໄດ້ອອກ album ທຳອິດ ແລະ ກາຍເປັນທີ່ຮູ້ຈັກຂອງຫຼາຍໆຄົນ ໃນວົງການບັນເທີງ.
ຫຼັງຈາກນັ້ນ ໄດ້ຮັບໜ້າທີ່ໃນການເປັນທະຫານພັນທະ ແລະ ພາຍຫຼັງສິ້ນສຸດການປະຕິບັດໜ້າທີ່ໃນປີ 2000, ກໍໄດ້ສະແດງລະຄອນທາງໂທລະພາບ ເຊິ່ງເປັນການເລີ່ມຕົ້ນການສະແດງເປັນຄັ້ງທຳອິດ, ແຕ່ການຕອບຮັບນັ້ນບໍ່ຄ່ອຍດີປານໃດ.
ມາຮອດໃນປີ 2003 ເປັນປີທີ່ເວົ້າໄດ້ວ່າ Huo jian huo ປະສົບຜົນສຳເລັດສູງ ໃນທຸກໆວຽກງານໃນວົງການບັນເທີງ ແລະໃນນັ້ນແມ່ນ ເນັ້ນໜັກໃນດ້ານການສະແດງ ແລະການຖ່າຍແບບ. ແລະລະຄອນໂທລະພາບທີ່ສ້າງຊື່ສຽງໃຫ້ກັບ Huo jian huo ນັ້ນແມ່ນ ລະຄອນເລື່ອງ idol ແລະພາຍໃນປີດຽວກັນນີ້ ແມ່ນມີການຖ່າຍລະຄອນໂທລະພາບຫຼາຍເຖິງ 6 ເລື່ອງດ້ວຍກັນ ເຊິ່ງໄດ້ເຮັດໃຫ້ລາຍຮັບ ແລະ ຕາຕະລາງການເຮັດວຽກນັ້ນ ເພີ່ມຂິຶ້ນຢ່າງໄວ.
ພາຍໃນເຄິ່ງປີ ສາມາດສ້າງລາຍໄດ້ສູງເຖິງ 5 ລ້ານໂດລາສະຫະລັດ ແລະປັດຈຸບັນ ໜຸ່ມຄົນນີ້ຍັງຄົງມີຫຼາກຫຼາຍວຽກໃນວົງການບັນເທີງ ແລະ ຍັງຄົງໄດ້ຮັບຄວາມນິຍົມຈາກບັນດາຜູ້ຊົມຕ່າງໆ.
ສ່ວນຜົນງານລ່າສຸດ ທີ່ອອກອາກາດ ໃນປີ 2012 ແມ່ນການສະແດງລະຄອນໂທລະພາບ ເລື່ອງຍາວ Xing Ming Shi Ye ຊື່ເລື່ອງໝາຍເຖິງ ທີ່ປຶກສາທາງດ້ານກົດໝາຍ ເປັນລະຄອນຍ້ອນຍຸກ ໃນຮູບແບບການສືບສວນສອບສວນ ຮັບບົດເປັນ Chu Meng Tian ທີ່ມີການຖ່າຍທຳ ມາແຕ່ໄລຍະເດືອນຕຸລາ ຫາເດືອນທັນວາຂອງ ປີ 2011.
