ອ່ານປຶ້ມ​ໝື່ນ​ເຫຼັ້ມ, ​ເດີນທາງ​ໝື່ນ​ລີ້

(GMT+08:00) 2012-04-17 16:48:38     cri

ທ່ານອັນ​ໂຕນ ​ເຊ​ຄົຟ(Anton Chekhov), ນັກ​ປະພັນຣັດ​ເຊຍ​ເຄີຍ​ເວົ້າ​ວ່າ: ຄົນ​ເຮົາ​ມີ 3 ສະໝອງ, ຄື: ສະໝອງ​ທີ່​ໄດ້​ມາ​ແຕ່​ເກີດ, ສະໝອງ​ທີ່​ໄດ້​ມາ​ຈາກ​ປຶ້ມ​, ​ແລະ​ສະໝອງ​ທີ່​ໄດ້​ມາ​ຈາກ​ຊີວິດ​ການ​ເປັນ​ຢູ່.

ຄົນ​ເຮົາ​ເກີດ​ມາ​, ​ແຕ່ລະຄົນ​ກໍ່​ຕ່າງ​ກັນ. "ຄຳ​ສັ່ງສອນ​ຂອງ​ຄອບຄົວ​ຕະກຸນ​ອຽນ" ຊຶ່ງ​ເປັນ​ປຶ້ມ​ບູຮານ​ຈີນ​ຂຽນ​ວ່າ: ຜູ້​ສະຫຼາດບໍ່​ສອນ​ກໍ່​ເປັນ, ຜູ້​ໂງ່​ສອນ​ກໍ່​ບໍ່​ມີ​ປະ​ໂຫຍ​ດ, ສ່ວນ​ຄົນ​ທຳ​ມະ​ດານັ້ນ, ບໍ່​ສອນ​ແມ່​ນບໍ່​ມີ​ຄວາມຮູ້. ຢູ່​ໃນ​ຊີວິດ​ຕົວ​ຈິງ, ຜູ້​ເກັ່ງ​ທີ່​ມີ​ພອນ​ສະຫວັນ​ມາ​ແຕ່​ເກີດ​ແລະ​ຄົນ​ປັນຍາ​ອ່ອນ​ແມ່ນ​ມີ​ໜ້ອຍ​ທີ່​ສຸດ. ພວກ​ເຮົາ​ສ່ວນຫຼາຍ​ແມ່ນ​ຄົນ​ທຳ​ມະ​ດາ​ທີ່​ມີ​ສະຕິປັນຍາ​ທຳ​ມະ​ດາ. ສະໝອງ​ທີ່​ພໍ່​ແມ່​ໃຫ້​ນັ້ນ ​ແມ່ນ​ປ່ຽນ​ແປງ​ບໍ່​ໄດ້​ແລ້ວ, ​ແຕ່​ວ່າ, ກໍ່​ຄື​ທ່ານ​ເຊ​ຄົຟ​ເວົ້າ​ມາ​ນັ້ນ, ນອກຈາກ​ສະໝອງ​ທີ່​ໄດ້​ມາ​ຈາກ​ພໍ່​ແມ່​ຕັ້ງ​ແຕ່​ເກີດ​ແລ້ວ, ຄົນ​ເຮົາ​ຍັງ​ສາມາດ​ຮັບ​ເອົາ​ທາດ​ບຳລຸງ​ຈາກ​ປຶ້ມ​ແລະ​ຊີວິດ​ການ​ເປັນ​ຢູ່​ຢ່າງ​ບໍ່​ຢຸດ​ຢັ້ງ​ໄດ້, ພວກ​ເຮົາ​ສາມາດ​ຍົກ​ສູງ​ຄວາມ​ຮູ້​ແລະ​ສ້າງ​ຕົນ​ເອງ​ໃຫ້​ສົມບູນ​ຂຶ້ນ​ເລື້ອຍໆ ດ້ວຍ​ຄວາມ​ພະຍາຍາມ​.

ສຸ​ພາ​ສິດ​ຈີນ​ເວົ້າ​ວ່າ: ອ່ານ​ປຶ້ມ​ໝື່ນ​ເຫຼັ້ມ, ​ເດີນທາງ​ໝື່ນ���ລີ້. ຄວາມ​ເວົ້າ​ສອງ​ຄວາ​ມນີ້​ກໍ່​ແມ່ນ​ລະດົມ​ໃຈ​ໃຫ້​ຄົນ​ທັງຫຼາຍອ່ານ​ປຶ້ມຫຼາຍໆ, ດຳລົງ​ຊີວິດ​ຢ່າງ​ຕັ້ງໜ້າ, ​ເພື່ອ​ເພີ່ມຄວາມ​ຮູ້​​ແລະຍົກລະດັບຂອງ​ຕົນ​ໃຫ້​ສູງ​ຂຶ້ນ.

ປຶ້ມ​ແມ່ນ​ສິ່ງ​ໃຫ້​ທາດ​ບຳລຸງສະໝອງ​ແກ່ມ​ວນມະນຸດ, ແມ່ນ​ປຶ້ມ​ປະຫວັດ​ສາດ​ພົງສາ​ວະດານ​ຂອງ​ມວນ​ມະນຸດ, ​ແມ່ນ​ການ​ສະ​ສົມ​ບົດຮຽນ​ອຸດົມ​ສົມບູນ​ຈົນ​ນັບ​ບໍ່​ຖ້ວນ​ຂອງ​ມວນ​ມະນຸດ, ​ແລະ​ໄດ້​ຮັກສາ​​ໄວ້​ໃນ​ຖານ​ເປັນ​ຊັບ​ສົມບັດ​ຂອງ​ມວນ​ມະນຸດ, ສະ​ນັ້ນ, ປຶ້ມ​ທີ່​ດີ​ເລີດ​ແມ່ນ​ນ້ຳນົມ​ອັນ​ປະ​ເສີດ​ທີ່ຫຼໍ່ລ້ຽງ​ບຸກຄົນ​ຜູ້​ມີ​ພູມ​ປັນຍາ​ດີ​ເດັ່ນ, ​ແມ່ນ​ຂັ້ນ​ໃດ​ແຫ່ງ​ການ​ກ້າວໜ້າ​ຂອງ​ມວນ​ມະນຸດ.


1 2