ກຳແໜ້ນປະຈຸບັນ
(GMT+08:00) 2012-05-25 15:59:35 cri
ເທວະຮູບຕອບວ່າ: "ຂ້າຊື່ວ່າ ເທວະດາສອງໜ້າ, ໜ້າໜຶ່ງຫວນຄືນອະດີດ, ຖອດຖອນບົດຮຽນຄຳສອນ, ອີກໜ້າໜຶ່ງຈ້ອງມອງອະນາຄົດ, ເຕັມໄປດ້ວຍຄວາມຫວັງ."
ນັກປັດຊະຍາຖາມອີກວ່າ: "ຊັ້ນປັດຈຸບັນເດ? ປັດຈຸບັນມີຄວາມໝາຍທີ່ສຸດ, ເຈົ້າເຄີຍສົນໃຈນຳບໍ່?"
"ປັດຈຸບັນຫວະ?" ເທວະຮູບຕົກສະເງີ້, ແລ້ວເວົ້າວ່າ "ຂ້າເອົາໃຈໃສ່ນຳແຕ່ອະດີດກັບອະນາຄົດ, ຈະມີເວລາຕິດຕາມປັດຈຸບັນໄດ້ແນວໃດ!"
ນັກປັດຊະຍາເວົ້າວ່າ: "ອະດີດໄດ້ລ່ວງໄປແລ້ວ, ອະນາຄົດຍັງບໍ່ທັນມາຮອດເທື່ອ, ສິ່ງທີ່ພວກເຮົາກຳໄດ້ນັ້ນມີແຕ່ປັດຈຸບັນເທົ່ານັ້ນ. ຖ້າບໍ່ເອົາຫົວຊານຳປັດຈຸບັນ, ເຖິງວ່າເຈົ້າຈະຮູ້ອະດີດແລະອະນາຄົດຫຼາຍກໍ່ຕາມ, ແຕ່ມັນຈະມີຄວາມໝາຍຫຍັງ?"
ເທວະຮູບຟັງແລ້ວກໍຊວາດຮູ້ເມື່ອໃນທັນທີແລະຮ້ອງໄຫ້ຂຶ້ນວ່າ: "ແຕ່ກ່ອນ, ໃນເວລາຂ້າຮັກສາເມືອງນີ້, ຂ້າເອກອ້າງວ່າຕົນສາມາດຫວນຄືນອະດີດ ທັງສາມາດເບິ່ງເຫັນອະນາຄົດ, ແຕ່ພັດບໍ່ໄດ້ກຳປັດຈຸບັນໃຫ້ດີ, ສຸດທ້າຍ, ເມືອງນີ້ຖືກສັດຕູບຸກໂຈມຕີຈົນມຸ່ນທະລາຍ, ຄວາມຈະເລີນທີ່ສວຍງາມໄດ້ຫາຍໄປແລະບໍ່ມີວັນກັບຕ່າວຄືນມາ, ຂ້າເອງກໍ່ຖືກເຂົາປ້ອຍດ່າແລະປະຖິ້ມໄວ້ໃນກອງຊາກເຮືອນນີ້ລະ.
