ກຳ​ແໜ້ນ​ປະ​ຈຸ​ບັນ

ໃນ​ນິ​ທານ​ເລື່ອງ​ນີ້, ເທວະ​ດາ​ອົງ​ນີ້​ຍ້ອນ​ບໍ່​ໄດ້​ເອົາ​ໃຈ​ໃສ່​ນຳ​ປັດ​ຈຸ​ບັນ, ຈຶ່ງ​ເສຍ​ບ້ານ​ເສຍ​ເມືອງ​ແລະ​ເສຍ​ໝົດ​ທຸກ​ສິ່ງ​ທີ່​ເປັນ​ຂອງ​ຕົນ. ໃນ​ຊີ​ວິດ​ຕົວ​ຈິງ, ຄົນ​ທັງ​ຫຼາຍ​ກໍ່​ຄ້າຍ​ຄື​ກັບ​ເທວະ​ດາ​ອົງ​ນີ້, ມັກ​ດຳ​ລົງ​ຊີ​ວິດ​ຢູ່​ໃນ​ເງົາ​ຂອງ​ອະ​ດີດ, ບາງ​ທີກໍ່​ມັກ​ເກັບ​ຕົວ​ຢູ່​ໃນ​ຄວາມ​ໃຝ່​ຝັນ​ຕໍ່​ອະ​ນາ​ຄົດ, ​ແຕ່​ຊ້ຳພັດ​ເບິ່ງ​ຂ້າມ​ປັດ​ຈຸ​ບັນ​ທີ່​ສຳ​ຄັນ​ທີ່​ສຸດ. ບໍ່​ວ່າ​ຈະ​ດີ​ໃຈ​ຫຼື​ເສຍ​ໃຈ, ບໍ່​ວ່າ​ມີ​ໄຊຫຼື​ເສຍ​ໄຊ, ທັງ​ໝົດ​ເຫຼົ່າ​ນີ້​ໄດ້​ກາຍ​ເປັນ​ອະ​ດີດ​ຜ່ານ​ໄປ​ແລ້ວ, ແລະ​ບໍ່​ວ່າ​ສິ່ງ​ທີ່​ຈະ​ມາ​ເຖິງ​ນັ້ນ​ຈະ​ດີ​ງາມ​ຊ່ຳ​ໃດ, ມັນ​ກໍ​ພຽງ​ແຕ່​ແມ່ນ​ຈິນ​ຕະ​ນາການ, ມັນ​ບໍ່​ທັນ​ເປັນ​ຄວາມ​ຈິງ​ເທື່ອ, ມີ​ແຕ່​ປັດ​ຈຸບັນ​ນີ້​ທໍ່​ນັ້ນ, ຈຶ່ງ​ແມ່ນ​ເວ​ລາ​ທີ່​ພວກ​ເຮົາ​ຈັບ​ໄດ້​ບາຍ​ເຖິງ, ຖ້າ​ກຳ​ໄວ້​ໄດ້, ພວກ​ເຮົາ​ກໍ່​ສາ​ມາດກ້າວ​ໄປ​ສູ່ຄວາມ​ສຸກ​ເທື່ອ​ລະ​ກ້າວ, ​ຖ້າ​ບໍ່​ດັ່ງ​ນັ້ນ, ມັນ​ຈະ​ເປັນ​ຄວາມ​ຝັນ​ຕະ​ຫຼອດ​ໄປ.

ທ່ານ​ເຊັກ​ສ​ເປຍ, ນັກ​ວັນ​ນະ​ຄະ​ດີ​ອັງ​ກິດ​ທີ່​ມີ​ຊື່​ສຽງ​​ໂດ​ງດັງ​​ໄປ​ທົ່ວ​ໂລກ​ເຄີຍ​ເວົ້າ​ວ່າ: "ຢູ່​ເທິງ​ໂມງ​ໃຫ​ຍ່​ທີ່ບອກ​ເວ​ລາ ມີ​ແຕ່​ໂຕ​ໜັງ​ສື​ຄຳ​ດຽວ, ນັ້ນ​ກໍ່​ຄື: ປະ​ຈຸ​ບັນ."

ໃນ​ຊີ​ວິດ​ຄົນ​ເຮົາ, ເວ​ລາ​ທີ່​ສາ​ມາດ​ປ່ຽນ​ແປງ​ໂຊກ​ຊະ​ຕາ​ຂອງ​ເຮົາ​ໄດ້​ນັ້ນ, ມີ​ແຕ່​ປັດ​ຈຸ​ບັນ, ການ​ໃຝ່​ຝັນ​ຕໍ່​ອະ​ນາ​ຄົດ​ແມ່ນ​ເລື່ອງ​ສະ​ແດງ​ໃຫ້​ເຫັນ​ເຖິງ​ທ່າ​ທີ​ເຫັນ​ໄປ​ໃນ​ແງ່​ດີ​ຕໍ່​ຊີ​ວິດ, ແຕ່​ວິ​ທີ​ດີ​ທີ່​ສຸດ​ເພື່ອ​ກຽມ​ໄວ້​ເພື່ອ​ຕ້ອນ​ຮັບມື້​ອື່ນ ກໍ່​ແມ່ນ​ໃຊ້​ຄວາມ​ສາ​ມາດ​ແລະ​ຄວາມ​ຫ້າວ​ຫັນ​ຂອງ​ຕົນ​ເຂົ້າ​ໃນ​ວຽກ​ງານ​ປັດ​ຈຸ​ບັນ.

ສຸດ​ທ້າຍ, ວິ​ໄລ​ວັນ​ຂໍ​ມອບ​ສຸ​ພາ​ສິດ​ອັງ​ກິດ​ຄຳ​ໜຶ່ງ​ໃຫ້​ທຸກ​ທ່ານ, ຄື: "yesterday is history, tomorrow is mystery, only today is a gift, that's why we call it preasent" ໝາຍ​ຄວາມ​ວ່າ: ມື້​ວານ​ນີ້​ແມ່ນ​ປະ​ຫວັດ​ສາດ, ມື້​ອື່ນ​ແມ່ນ​ຄວາມ​ເລິກ​ລັບ, ມີ​ແຕ່​ມື້​ນີ້​ຈຶ່ງ​ແມ່ນ​ຂອງ​ຂວັນ. ສະ​ນັ້ນ, ໃນ​ພາ​ສາ​ອັງ​ກິດ, ຄຳ​ທີ່​ວ່າ "ປະ​ຈຸ​ບັນ"(preasent), ຍັງ​ມີ​ຄວາມ​ໝາຍ​ວ່າ "ຂອງ​ຂວັນ".


1 2