ທ່ານສີຈິ້ນຜິງພົບປະນາຍົກລັດຖະມົນຕີລາວແລະຜູ້ນຳທ່ານອື່ນໆຂອງອາຊຽນ
(GMT+08:00) 2012-09-22 13:05:59 cri
ໃນການພົບປະ, ທ່ານສີຈິ້ນຜິງກ່າວວ່າ, ພາຍໃຕ້ສະຖານະການໃໝ່, ສອງຝ່າຍຄວນເລັ່ງລັດຈັດຕັ້ງປະຕິບັດຄວາມຮັບຮູ້ຄືກັນອັນສຳຄັນທີ່ຜູ້ນຳສູງສຸດຂອງສອງປະເທດໄດ້ຕົກລົງກັນເພື່ອລົງເລິກການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ, ເລັ່ງລັດຊຸກຍູ້ການຮ່ວມມືທີ່ຕິດແທດຕົວຈິງໃນຂົງເຂດຕ່າງໆ, ເສີມຂະຫຍາຍທ່າແຮງທີ່ສອງປະເທດມີລະບອບທີ່ຄືກັນແລະອຸດົມການທີ່ຄືກັນຢ່າງເຕັມສ່ວນ, ເພີ່ມທະວີຄວາມສາມັກຄີແລະຮ່ວມມືກັນ,ຮ່ວມກັນຮັບມືກັບສິ່ງທ້າທາຍຕ່າງໆ, ເພື່ອບັນລຸສະຖຽນລະພາບແລະຄວາມວັດຖະນາຖາວອນຂອງສອງປະເທດ.
ທ່ານທອງສິງກ່າວວ່າ, ລາວຂອບໃຈຈີນທີ່ໄດ້ໃຫ້ການຊ່ວຍເຫຼືອແລະສະໜັບສະໜູນອັນລ້ຳຄ່າແກ່ລາວໃນໄລຍະຜ່ານມານີ້,ຍິນດີຮ່ວມກັບຈີນຮັກສາການໄປມາຫາສູ່ກັນລະຫວ່າງຜູ້ນຳຂັ້ນສູງ, ເພີ່ມທະວີການຮ່ວມມືກັນໃນຂົງເຂດຕ່າງໆຢ່າງແໜ້ນແຟ້ນ, ເປັນບ້ານໃກ້ເຮືອນຄຽງທີ່ດີ,ເພື່ອນມິດທີ່ດີ,ສະຫາຍທີ່ດີແລະຄູ່ຮ່ວມທີ່ດີຕະຫຼອດໄປ.
