ສິນຄ້າລາວບຸກເບີກຕະຫຼາດຈີນເປັນກ້າວໆ
ງານວາງສະແດງສິນຄ້າຈີນອາຊຽນຄັ້ງທີ9ພວມດຳເນີນໄປຢູ່ສູນວາງສະແດງສາກົນນະຄອນໜານໜິງຂອງຈີນ. ໂດຍອີງອາໄສງານວາງສະແດງຄັ້ງນີ້,ສິນຄ້າລາວພວມບຸກເບີກຕະຫຼາດຈີນເປັນກ້າວໆ.
ຫໍວາງສະແດງລາວໃນງານວາງສະແດງສິນຄ້າຈີນອາຊຽນຄັ້ງ9ມີຜູ້ຊົມເຂົ້າຊົມຢ່າງຟົດຟື້ນ.ເມື່ອເຂົ້າໄປໃນຫໍແລ້ວ, ກໍເຫັນລູກຄ້າຫຼາຍຄົນມີຄວາມສົນໃຈຫຼາຍຕໍ່ສິນຄ້າທີ່ມາຈາກລາວ.ຢູ່ໜ້າຮ້ານຂາຍເຄື່ອງແຜ່ນແພ,ນາງຈຳປາ ເຈົ້າຂອງຮ້ານພວມແນະນຳຜ້າຝ້າຍທຳມະຊາດລາວແກ່ລູກຄ້າຈີນ
ຈຸດພິເສດຂອງພວກເຮົາແມ່ນ, ພວກເຮົາໃຊ້ສີທຳມະຊາດມາຍ້ອມຜ້າຝ້າຍ, ຜ້າໄໝແລະສົ້ງເສື້ອຂອງພວກເຮົາ, ມີຄຸນນະພາບດີແລະບໍ່ເຊື່ອມພິດ.
ໃນຖານະທີ່ເປັນຜູ້ອຳນວຍການໃຫຍ່ຂອງບໍລິສັດເຄື່ອງແຜ່ນແພ"yoursilk", ນາງຈຳປາບອກນັກຂ່າວວ່າ, ນີ້ເປັນຄັ້ງທຳອິດທີ່ໄດ້ເຂົ້າຮ່ວມງານວາງສະແດງສິນຄ້າຈີນອາຊຽນ,ໃນຄັ້ງນີ້, ບໍ່ພຽງແຕ່ໄດ້ຂາຍເສື້ອຜ້າອາພອນຢ່າງຫຼວງຫຼາຍເທົ່ານັ້ນ,ຍັງມີໂອກາດໄດ້ພົບປະແລກປ່ຽນກັບນັກທຸລະກິດຈີນອີກດ້ວຍ.
ຜູ້ທີ່ມາຖາມແລະຢາກຊື້ສິນຄ້າຂອງເຮົານີ້ມີຫຼາຍຄົນ. ຍ້ອນວ່າສິນຄ້າສ່ວນຫຼາຍຂອງເຮົາຍັງຢູ່ລາວ,ສະນັ້ນ, ພວກເຮົາລ້ວນແຕ່ໄດ້ແລກປ່ຽນອີເມວ, ເພື່ອຕິດຕໍ່ກັນໃນພາຍໜ້າ.
ວັດຖຸດິບຂອງຜະລິດຕະພັນລ້ວນແຕ່ຊື້ມາຈາກພໍ່ແມ່ປະຊາຊົນ, ດຽວນີ້, ນາງຈຳປາເລີ່ມເປັນຫ່ວງນຳການສະໜອງວັດຖຸດິບ, ແຕ່ວ່າ, ເມື່ອນາງຄິດວ່າ, ຖ້າຂາຍໄດ້ຫຼາຍ, ຍ່ອມຈະນຳເອົາຜົນປະໂຫຍດມາໃຫ້ພໍ່ແມ່ປະຊາຊົນລາວຜູ້ທີ່ຜະລິດເຄື່ອງແຜ່ນແພ,ນາງຮູ້ສຶກພູມໃຈທີ່ສຸດ:
ຖ້າພວກເຮົາສາມາດພັດທະນາທຸລະກິດຈອງຊື້ກັບນັກທຸລະກິດຈີນ, ໄດ້ຮັບໃບສັ່ງຊື້ຂອງຈີນຫຼາຍກວ່າເກົ່າ, ເຊື່ອວ່າ, ຈະເປັນສິ່ງທີ່ຊຸກຍູ້ຈິດໃຈໃຫ້ພໍ່ແມ່ປະຊາຊົນທຳການຜະລິດເຄື່ອງແຜ່ນແພທີ່ມີຄຸນນະພາບດີອອກມາຢ່າງຫຼວງຫຼາຍ,ລາຍຮັບຂອງເຂົາເຈົ້າກໍຈະສູງຂຶ້ນ, ແລະກໍຈະມີຊີວິດທີ່ດີກວ່າເກົ່າ.
