ທ່ານ ດຣ. ທອງລຸນ ສີສຸລິດ ມີຄວາມໝັ້ນໃຈຕໍ່ກອງປະຊຸມສຸດຍອດອາເຊັມຄັ້ງທີ 9 ຈະໄດ້ສຳເລັດຜົນຢ່າງຈົບງາມ ແລະຂອບໃຈການສະໜັບສະໜຸນຂອງຈີນ
(ທ່ານ ດຣ.ທອງລຸນ ສີສຸລິດໃຫ້ສຳພາດຕໍ່ນັກຂ່າວ cri)
ຂະນະດຽວກັນ, ທ່ານ ດຣ. ທອງລຸນ ສີສຸລິດຍັງໄດ້ສະແດງຄວາມຂອບອົກຂອບໃຈດ້ວຍຄວາມຈິງໃຈຕໍ່ການຊ່ວຍເຫຼືອແລະສະໜັບສະໜູນຈາກປະເທດເພື່ອນມິດໂດຍສະເພາະແມ່ນປະເທດຈີນ. ທ່ານກ່າວວ່າ,ກ່ອນອື່ນໝົດ,ຂໍຕາງໜ້າລັດຖະບານແລະປະຊາຊົນລາວ, ສະແດງຄວາມຮູ້ບຸນຄູນແລະຂອບອົກຂອບໃຈຢ່າງໃຫຍ່ຫຼວງຕໍ່ລັດຖະບານກັບປະຊາຊົນຈີນອ້າຍນ້ອງ, ນັບຕັ້ງແຕ່ພວກຂ້າພະເຈົ້າແຈ້ງໃຫ້ຝ່າຍຈີນທີ່ລາວຈະເປັນເຈົ້າພາບຈັດກອງປະຊຸມອາເຊັມ9, ໄດ້ຂໍການຮ່ວມມືແລະສະໜັບສະໜູນຈາກຈີນ, ທາງຝ່າຍຈີນໄດ້ຕອບສະໜອງຢ່າງເຕັມສ່ວນເຕັມທີ່, ນີ້ກໍ່ເປັນສາເຫດໜຶ່ງທີ່ພວກເຮົາສາມາດຢ່າງເຕັມສ່ວນໃນການກະກຽມກອງປະຊຸມອາເຊັມ9, ຈະເປັນການສ້າງພື້ນຖານໂຄງລ່າງ,ເປັນບົດຮຽນໃຫ້ແກ່ສປປລາວ, ທັງເປັນການຊ່ວຍເຫຼືອທາງດ້ານຈິດໃຈ, ສິ່ງສຳຄັນທີ່ສຸດອັນໜຶ່ງ, ການເດີນທາງມາຢ້ຽມຢາມລາວແລະເຂົ້າຮ່ວມກອງປະຊຸມອາເຊັມ9ຂອງທ່ານນາຍົກລັດຖະມົນຕີເວິ່ນເຈ່ຍປາວໄດ້ເປັນການປຸກລະດົມກຳລັງໃຈຢ່າງໃຫຍ່ຫຼວງ, ກໍ່ຄືໃຫ້ຄວາມສຳຄັນຂອງລັດຖະບານແລະປະຊາຊົນຈີນ, ແລະເປັນໃກ້ກຽດແກ່ສປປລາວທີ່ເປັນເຈົ້າພາບ.
