ບົດສຳພາດທ່ານມັດ ສູນມາລາ ຫົວຫນ້າກົມແຜນການແລະການຮ່ວມມືກະຊວງຍຸທາທິການ ສປປ ລາວ
ນາງແສງແກ້ວ(ຜູ່ທີຫນຶ່ງເບື້ອງຊ້າຍ)ສຳພາດທ່ານມັດ ສູນມາລາ ຫົວຫນ້າກົມແຜນການແລະການຮ໋ວມມືກະຊວງຍຸທາທິການ ສປປ ລາວ
1. ເສັ້ນທາງຫຼັກໆທີ່ລາວໄປຈີນມີເສັ້ນທາງໃດແດ່? ສະພາບຂອງເສັ້ນທາງເປັນແນວໃດ? ຄົນ ແລະ ສິນຄ້າໄປມາສະດວກບໍ່?
ສຳລັບເສັ້ນທາງຫຼັກໆຫຼັກທີ່ລາວໄປຈີນມີ 2 ເສັ້ນທາງ, ເສັ້ນທາງທີໜື່ງແມ່ນເສັ້ນທາງ A3 ອາຊຽນໄຮເວນ້ຳເບີ 3 ເສັ້ນທາງ A3 ເລີ່ມຈາກດ່ານຊາຍແດນບໍ່ຫານ ແລະ ບໍ່ເຕັນ ຜ່ານເມືອງວຽງພູຄາ ແລະ ເຂົ້າມາບໍ່ແກ້ວເມືອງຫວ້ຍຊາຍ, ເຊິ່ງແມ່ນການຮ່ວມມືລະຫວ່າງ 3 ປະເທດ ມີລາວ, ໄທ ແລະ ຈີນ. ເສັ້ນທາງດັ່ງກ່າວສ້າງສຳເລັດແລ້ວ. ຍັງລໍຖ້າການເປີດນຳໃຊ້ຂົວຂ້າມນ້ຳຂອງແຫ່ງທີ 5 ເຊິ່ງຈະເປີດນຳໃຊ້ໃນວັນທີ 2 ເດືອນ ຕຸລາ ປີ 2013. ຖ້າວ່າເສັ້ນທາງດັ່ງກ່າວສຳເຫຼັດການຂົນສົ່ງຈາກຈີນແມ່ນສາມາດສ້າງຄວາມສະດວກໃຫ້ແກ່ການຄົມມະນາຄົມຈາກຜ່ານມາທາງບໍ່ຫານ-ບໍ່ເຕັນທາງພາກເໜືອຂອງລາວຕໍ່ໄປທາງຈີນ ຫຼື ອາຊຽນໄດ້ສະດວກສະບາຍ.
ເສັ້ນທາງຫຼັກທີສອງ, ແມ່ນເສັ້ນທາງຫຼວງນ້ຳທາຕາມເສັ້ນທາງເລກ 13 ເໜືອເຊິ່ງຈະຜ່ານແຂວງຫຼວງນ້ຳທາ, ແຂວງອຸດົມໄຊ, ແຂວງຫຼວງພະບາງ ລົງມາຮອດນະຄອນຫຼວງວຽງຈັນ. ການຂົນສົ່ງອອກຈາກນະຄອນຫຼວງວຽງຈັນອອກໄປທາງໂຮ່ຈີມິນທາງໄຕ້ຂອງຫວຽດນາມ, ໄປກຳປູເຈຍ ນີ້ແມ່ນເສັ້ນທາງຫຼັກລະຫວ່າງລາວກັບຈີນ ແລະ ຈີນກັບອາຊຽນທີ່ຈະນຳໃຊ້ໃນອານາຄົດ. ແລະ ຍັງມີເສັ້ນທາງທີ່ຕິດກັບ 3 ແຂວງຂອງລາວ ມີແຂວງຫຼວງນ້ຳທາ, ແຂວງບໍ່ແກ້ວ ແລະ ແຂວງຜົ້ງສາລີ.
ສຳລັບສະພາບຂອງເສັ້ນທາງແມ່ນທາງ A3 ແລ້ວໆເປັນເສັ້ນທາງໄຮເວ ເຊິ່ງສາມາດແລ່ນດ້ວຍຄວາມໄວ 80-100 ກິໂລແມັດຕໍ່ຊົ່ວໂມງ ສະດວກສະບາຍ ສຳລັບເສັ້ນທາງເລກທີ 13 ເໜືອ ແຕ່ນະຄອນຫຼວງວຽງຈັນຂື້ນໄປມາງເລກທີ 13 ເໜືອຍົກຕົວຢ່າງ: ແຕ່ບໍ່ເຕັນລົງໄປຫາອຸດົມໄຊ ເສັ້ນທາງດັ່ງກ່າວຈີນໄດ້ໃຫ້ການຊ່ວຍເຫຼືອຍົກລະດັບແລ້ວ. ປັດຈຸບັນ, ຍັງຂໍການຊ່ວຍເຫຼືອຈາກຈີນໃຫ້ຍົກລະດັບເສັ້ນທາງແຕ່ອຸດົມໄຊມາຫາປາກມອງຫາຫຼວງພະບາງ ຖ້າວ່າເສັ້ນທາງດັ່ງກ່າວຫາກສຳເລັດກໍ່ຈະສ້າງການຂົນສົ່ງກໍ່ຈະເພີ່ມຂື້ນ ແລະ ຈະສ້າງຄວາມສະດວກສະບາຍໃຫ້ແກ່ການສັນຈອນ. ນອກນັ້ນ, ຍັງມີເສັ້ນທາງທີ່ເຄີຍໃຊ້ມາແຕ່ກ່ອນນັບແຕ່ແຂວງຜົ້ງສາລີຫາປາຄາ ແລະ ເມືອງສິງຫາດ່ານໄກ້ໆບໍລິເວນນັ້ນ. ປະຊາຊົນກໍ່ໄປມາຫາສູ່ກັນໄດ້ສະດວກດີ.
2. ລາວມີແຜນຈະສ້າງສິ່ງກໍ່ສ້າງພື້ນຖານທີ່ຕິດຕໍ່ກັບຈີນແນວໃດແດ່ໃນອະນາຄົດ? (ສົມມຸດເສັ້ນທາງຫຼວງ ເສັ້ນທາງລົດໄຟ)
ຍັງມີຫຼາຍແຜນທີ່ຈະສ້າງເສັ້ນທາງຕື່ມອີກ ເພື່ອຕິດຕໍ່ລະຫວ່າງລາວ-ຈີນ ເພາະສອງປະເທດລາວຈີນ ເປັນປະເທດເພື່ອນມິດຍຸດທະສາດໃນການຮ່ວມມືກັນຮອບດ້ານໃນການພັດທະນາເສດຖະກິດ-ສັງຄົມນັ້ນ. ບັນດາ 3 ແຂວງເປັນແຂວງເປັນແຂວງຫຼັກທີ່ຈະຕິດຈອດກັບ ສປ. ຈີນ, ປັດຈຸບັນ, ລາວ ໄດ້ຮັບອະນຸມັດທຶນຈາກ ສປ. ຈີນ ແລ້ວ, ເພື່ອກໍ່ສ້າງທາງແຕ່ລານຕຸຍລົງມາຫາບຸນເໜືອ. ປັດຈຸບັນແມ່ນກຳລັງດຳເນີນການກໍ່ສ້າງຢູ່ ແລະ ປັດຈຸບັນ, ພວກເຮົາຍັງກຳລັງຂໍໃຫ້ ສປ. ຈີນ ຊ່ວຍເຫຼືອ ນັບແຕ່ເສັ້ນທາງອຸດົມໄຊທີ່ແລ້ວນີ້ ລົງຕໍ່ມາຮອດນະຄອນຫຼວງວຽງຈັນ ໃຫ້ຍົກເປັນລະດັບອາຊຽນ. ນອກນີ້, ຍັງຂໍການຊ່ວຍເຫຼືອຈາກ ສປ. ຈີນ ເພື່ອກໍ່ສ້າງຂົວແມ່ນ້ຳຂອງຢູ່ປາກແບ່ງ ເຊິ່ງກຳລັງດຳເນີນການກໍ່ສ້າງໄດ້ 30 % ແລ້ວ, ຂົວດັ່ງກ່າວແມ່ນອອກສູ່ປະເທດໄທ. ຖ້າເສັ້ນທາງດັ່ງກ່າວສຳເລັດແລ້ວມັນຈະສ້າງເງື່ອນໄຂສະດວກໃຫ້ແກ່ການຂົນສົ່ງຂອງຈີນ ຫຼື ບັນດານັກທ່ອງທ່ຽວຈີນລົງໃສຮອດອຸດົມໄຊແລ້ວສາມາດອອກໄປໄທ, ໄປດຽນວຽນຟູກໍ່ໄດ້. ນອກຈາກນັ້ນ, ການກໍ່ສ້າງທາງທີ່ຕິດຕໍ່ກັບຈີນຍັງມີຫຼາຍເສັ້ນທາງທີ່ພວກເຮົາຈະໄດ້ນຳສະເໜີໃນຂັ້ນຕໍ່ໄປ.
