ບົດສຳພາດທ່ານສີສະຫວາດ ທິຣະວົງ ປະທານສະພາການຄ້າແລະອຸດສາຫະກຳແຫ່ງຊາດລາວ
(GMT+08:00) 2013-09-05 09:50:11 cri
(ທ່ານສີສະຫວາດ ທິຣະວົງ ປະທານສະພາການຄ້າແລະອຸດສາຫະກຳແຫ່ງຊາດລາວໃຫ້ສຳພາດຕໍ່ນັກຂ່າວ CRI)
1.ສະພາການຄ້າ ແລະ ອຸດສາຫະກຳແຫ່ງຊາດໄດ້ສ້າງຕັ້ງຂື້ນໃນປີໃດ? ມີພາລະບົດບາດແນວໃດ?
ສະພາການຄ້າ ແລະ ອຸດສາຫະກຳແຫ່ງຊາດລາວ ຖືກສ້າງຕັ້ງຂື້ນໃນປີ 1989 ເພື່ອເປັນຕົວແທນໃຫ້ແກ່ພາກທຸລະກິດ. (ສຄອ) ແຫ່ງຊາດລາວ ຍັງເປັນຂົວເຊື່ອມຕໍ່ລະຫວ່າງແງການລັດ ແລະ ຫົວໜ່ວຍທຸລະກິດ,ເປັນຕົວແທນໃຫ້ແກ່ຜູ້ໃຊ້ແຮງງານ, ກຸ່ມທຸລະກິດ, ວະສາຫະກິດຕ່າງໆ ແລະ ເຄື່ອນໄຫວຢູ່ໃນ ສປປ ລາວ.
ປັດຈຸບັນ, ສຄອ ແຫ່ງຊາດເປັນຕົວແທນໃຫ້ແກ່ 1000 ກວ່າບໍລິສັດ ໂດຍມີສະມາຊິກຂອງ ສຄອ ແຂວງ, ສະມາຄົມ ແລະ ກຸ່ມທຸລະກິດ. ອັນນີ້ໄດ້ເຮັດໃຫ້ ສຄອ ແຫ່ງຊາດ ກາຍເປັນຕົວແທນທີ່ກວ້າງຂວາງແກ່ທຸກພາກສ່ວນທຸລິກິດໃນ ສປປ ລາວ.
ພາລະບົດບາດ ເພື່ອໃຫ້ສົມກັບວ່າເປັນຂົວຕໍ່ລະຫວ່າງພາກລັດ ແລະ ພາກທຸລະກິດ. ສຄອ ແຫ່ງຊາດລາວ ມີໜ້າທີ່ນຳສະເໜີບັນຫາຕ່າງໆຂອງສະມາຊິກ ແລະ ພາກທຸລະກິດໃຫ້ພາກລັດຮັບຮູ້ ແລະ ພິຈາລະນາທິດທາງແກ້ໄຂການນຳສະເໜີບັນຫາຕ່າງໆນັ້ນຈະຊ່ວຍໃຫ້ນະໂຍບາຍ ແລະ ກົດໝາຍທີ່ພົວພັນກັບທຸລະກິດໄດ້ຮັບການປ່ຽວແປງ ແລະ ປັບປຸງ ເພື່ອອຳນວຍຄວາມສະດວກໃຫ້ນັກລົງທຶນພາຍໃນ ແລະ ຕ່າງປະເທດຢູ່ໃນ ສປປ ລາວ.
ສຄອ ແຫ່ງຊາດລາວ ຍັງເປັນຕົວແທນໃຫ້ແກ່ພາກທຸລະກິດໃນການເຈລະຈາ ດ້ານທຸລະກິດ, ການຄ້າ ແລະ ແຮງງານໃນລະດັບພາກພື້ນ ແລະ ສາກົນ ເພື່ອຂົນຂວາຍ ແລະ ຂະຫຍາຍການຄ້າ ແລະ ການລົງທຶນ.
ນອກຈາກນັ້ນ, ສຄອ ແຫ່ງຊາດຍັງສ້າງຄວາມເຂັ້ມແຂງໃຫ້ການບໍລິການ ແລະ ການບໍລິຫານແກ່ບັນດາ ສຄອ ແຂວງ, ສຄອ ນະຄອນຫຼວງ ແລະ ບັນດາສະມາຄົມ ແລະ ກຸ່ມທຸລະກິດ ເພື່ອໃຫ້ອົງການຈັດຕັ້ງເຫຼົ່ານັ້ນ ສາມາດຕອບສະໜອງາກນບໍລິການຕໍ່ບັນດາຫົວໜ່ວຍທຸລະກິດ ສຄອ ແຫ່ງຊາດ ໄດ້ສ້າງໂອກາດພົບປະ ແລກປ່ຽນຄຳຄິດຄຳເຫັນ ເພື່ອພັດທະນາທັກສະໃໝ່ໆ ໃນການດຳເນີນທຸລະກິດໃຫ້ທັນຍຸກທັນສະໄໝ ແລະໃຫ້ເສດຖະກິດຂອງ ສປປ ລາວ ມີຄວາມສາມາດກຽມພ້ອມເຂົ້າໃນການເຊື່ອມໂຍງເສດຖະກິດໃນພາກພື້ນ ແລະ ສາກົນ.
2.ປີນີ້, ຈີນ-ອາຊຽນ ສ້າງສາຍພົວພັນຄູ່ຮ່ວມມືຍຸດທະສາດຄົບຮອບ 10 ປີ, ໃນງານວາງສະແດງສິນຄ້າຈີນ-ອາຊຽນຄັ້ງທີ 10. ທີ່ຈັດຂື້ນໃນລະຫວ່າງວັນທີ 3 ຫາວັນທີ 6 ກັນຍານີ້, ຈະຈັດກອງປະຊຸມສຸດຍອດລະລຶກການສ້າງສາຍພົວພັນຄູ່ຮ່ວມມືຍຸດທະສາດຈີນ-ອາຊຽນ ຄົບຮອບ 10 ປີ. ໂດຍສະເພາະແມ່ນຫົວຂໍ້ " ການຂະຫຍາຍຕົວຂອງາກນຮ່ວມມືໃນພາກພື້ນ, ໂອກາດໃໝ່, ແຮງຊຸກຍູ້ໃໜ່ ແລະ ໄລຍະໃໜ່ " ທ່ານມີຄວາມຄິດຄວາມເຫັນແນວໃດຕໍ່ການຂະຫຍາຍຕົວຂອງສາຍພົວພັນຄູ່ຮ່ວມມືຍຸດທະສາດຈີນ-ອາຊຽນໃນ 10 ປີທີ່ຜ່ານມາ?
ໃນນາມສະພາການຄ້າ ແລະ ອຸດສາຫະກຳແຫ່ງຊາດ ຕະຫຼອດໄລຍະ 10 ປີທີ່ຜ່ານມາ, ໂດຍລວມແລ້ວການຮ່ວມມືຈີນ-ອາຊຽນ ໄດ້ມີບົດບາດສຳຄັນຫຼາຍຕໍ່ກັບາກນສ້າງສະຖຽນລະພາບ ທາງການເມືອງ ເສດຖະກິດໃນຂົງເຂດ ແລະ ພາກພື້ນ ໂດຍໄດ້ສະແດງອອກເຊັ່ນວ່າ: ນັບແຕ່ປີ 2003 ເປັນຕົ້ນມາ, ອາຊຽນໄດ້ເປີດກວ້າງການຮ່ວມມືກັບບັນດາປະເທດມະຫາອຳນາດ ທາງເສດຖະກິດຢ່າງຈິງຈັງ, ເຊິ່ງວ່າ: ສປປ ລາວ ກໍ່ມີຜົນປະໂຫຍດຈາກຈຸດເລີ່ມຕົ້ນດັ່ງກ່າວ. ປະກອບດ້ວຍອາຊຽນບວກໜື່ງ, ອາຊຽນບວກສາມ, ອາຊຽນບວກຫົກ ເຊິ່ງເຮັດໃຫ້ສະຖານະ ແລະ ບົດບາດທາງການເມືອງຂອງບັນດາປະເທດສະມາຊິກອາຊຽນພົ້ນເດັ່ນຂື້ນ.
ການພົວພັນຮ່ວມມືທາງດ້ານການລົງທຶນການຄ້າກໍ່ມີຫຼາຍຂະແໜງການທີ່ທາງ ສປ ຈີນ ໄດ້ເຂົ້າມາໃຫ້ການຊ່ວຍເຫຼືອລົງທຶນ ແລະ ຄ້າຂາຍ ໃນ ສປປ ລາວ. ເປັນຕົ້ນ, ໃນຂະແໜງພະລັງງານຂອງພວກເຮົາ ໂດຍອີງຕາມພູມສັນຖານທີ່ຕັ້ງຂອງປະເທດ, ຄວາມອາດສາມດເປັນໄປໄດ້ໃນດ້ານການພດທະນາໂຄງການເຂື່ອນໄຟຟ້ານ້ຳຕົກຢູ່ ສປປ ລາວ 26,000 MW ແລະ ມາຮອດປະຈຸບັນ, ໄດ້ມີການສຶກສາເພື່ອພັດທະນາມີ 136 ໂຄງການ. ໃນນັ້ນ, ໂຄງການທີ່ລົງທຶນຈາກ ສປ ຈີນ ທີ່ໄດ້ສຳເລັດໄປແລ້ວນັ້ນມີ 4 ໂຄງການ, ເຊິ່ງມີກຳລັງຕິດຕັ້ງ 336 MW ມີມູນຄ່າ 432 ລ້ານໂດລາສະຫະລັດ, ໂຄງການທີ່ກຳລັງກໍ່ສ້າງໃນປັດຈຸບັນມີ 11 ໂຄງການ, ເຊິ່ງມີກຳລັງຕິດຕັ້ງ 1, 328 MW ມີມູນຄ່າ 2,260 ລ້ານໂດລາສະຫະລັດ ແລະ ໃນອານາຄົດທີ່ຈະດຳເນີນການຈັດຕັ້ງປະຕິບັດນັ້ນມີ 9 ໂຄງການ ໃນນັ້ນ, ລວມທັງເຂື່ອນນ້ຳຂອງປາກແບ່ງ ແລະ ຊານະຄາມ, ເຊິ່ງມີກຳລັງຕິດຕັ້ງ 3,074 MW ເຊິ່ງມີມູນຄ່າປະມານ 7,800 ລ້ານໂດລາສະຫະລັດ, ລວມທັງໝົດທີ່ທາງ ສປ ຈີນໄດ້ໃຫ້ການຊ່ວຍເຫຼືອລົງທຶນ ໃນການກໍ່ສ້າງເຂື່ອນໄຟຟ້າໃນ ສປປ ລາວ ເປັນມູນຄ່າປະມານ 10,500 ລ້ານໂດລາສະຫະລັດ.
ພາກສາຍສົງໂຄງການທີ່ລົງທຶນຈາກ ສປ ຈີນ ທີ່ໄດ້ສຳເລັດໄປແລ້ວນັ້ນມີ 8 ໂຄງການມມີມູນຄ່າ 312 ລ້າໂດລາສະຫະລັດ. ໂຄງການທີ່ກຳລັງກໍ່ສ້າງປັດຈຸບັນມີ 2 ໂຄງການມີມູນຄ່າ 242 ລ້ານໂດລາສະຫະລັດ, ແລະ ໃນອານາຄົດທີ່ຈະດຳເນີນການຈັດຕັ້ງປະຕິບັດນັ້ນມີ 8 ໂຄງການ, ເຊິ່ງມີມູນຄ່າປະມານ 1,470 ລ້ານໂດລາສະຫະລັດ. ລວມທັງໝົດ ສປ ຈີນ ໄດ້ໃຫ້ການຊ່ວຍເຫຼືອລົງທຶນໃນພາກສາຍສົ່ງນີ້ເປັນມູນຄ່າປະມານ 2,000 ລ້ານໂດລາສະຫະລັດ.
ນອກນັ້ນ, ກໍ່ຍັງມີໂຄງການກໍ່ສ້າງສູນບັນຊາ LDC phase1 ແລະ phase2 ມູນຄ່າ 187 ລ້ານໂດລາສະຫະລັດ. ລວມທັງໝົດໃນຂອແໜງພະລັງງານທີ່ ສປ ຈີນ ໄດ້ລົງທຶນເປັນມູນຄ່າປປະມານ 12,700 ລ້ານໂດລາສະຫະລັດ.
ສ່ວນໃນຂະແໜງບໍ່ແຮ່ມາຮອດປັດຈຸບັນມີຜູ້ລົງທຶນທັງພາຍໃນ ແລະ ຕ່າງປະເທດສຳປະທານເນື້ອທີ່ ເພື່ອເຮັດການກະກຽມ, ຂຸດຄົ້ນ ແລະ ກໍ່ສ້າງທັງໝົດມີ 67 ບໍລິສັດ, ປະກອບມີ 103 ກິດຈະການ. ໃນນັ້ນ, ຜູ້ລົງທຶນຈາກ ສປ ຈີນມີ 31 ບໍລິສັດ, ປະກອບມີ 50 ກິດຈະການທີ່ກຳລັງດຳເນີນການຂຸດຄົ້ນ ແລະ ກໍ່ສ້າງລວມທັງເປັນມູນຄ່າທັງໝົດ 3,380 ລ້ານໂດລາສະຫະລັດ.
ນອນຈາກນີ້, ກໍ່ຍັງມີການຄ້າຊາຍແດນ ເຊິ່ງວ່າປະເທດລາວມີຊາຍແດນຕິດກັບ ສປ ຈີນລ້ວນແຕ່ສາມາດເຂົ້າມາແລກປ່ຽນ ຫຼື ຄ້າຂາຍຮ່ວມກັນໄດ້ໂດຍນຳໃຊ້ຫຼັກການຄ້າຊາຍແດນເປັນແຮງກະຕຸ້ນໃນຂົງເຂດຂະຫຍາຍຕົວເຊັ່ນ: ຂະແໜງປູກຊາ, ເຂົ້າ, ຢາງພາລາ, ດອກເຜີ້ງ, ໝາກແໜ່ງ, ພືດກິນໃບ, ກາເຟ ແລະ ອື່ນໆ ຢູ່ແຂວງຜົ້ງສາລີ, ອຸດົມໄຊ, ຫຼວງນ້ຳທາ, ບໍລິຄຳໄຊ, ສາລະວັນ.
ໃນບັນດາປະເທດອາຊຽນກໍ່ຄື ສປປ ລາວ ກໍ່ໄດ້ມີສິນຄ້າສົ່ງອອກໄປ ສປ ຈີນ ຢ່າງຫຼວງຫຼາຍ ເຂົ້າຮ່ວມງານວາງສະແດງສິນຄ້າຈີນ-ອາຊຽນ ຄັ້ງທີ 10 ທີ່ນານນິນ, ເຂດປົກຄອງຕົນເອງເຜົ່າຈວ້າງກວາງຊີ, ງານວາງສະແດງຄຸຸນມິງ, ເສສວນ, ຊຽງໄຮ, ກວາງໂຈ ແລະ ສບ່ອນອື່ນໆນັ້ນກໍໝາຍເຖິງການຮ່ວມມືດ້ານການຄ້າໄດ້ຂະຫຍາຍຕົວຢ່າງວ່ອງໄວ.
ຖືວ່າເປັນການສ້າງໂອກາດໃໝ່ ແລະ ມີແຮງດັນຊຸກຍູ້ໃໝ່ໃຫ້ແກ່ ການພັດທະນາເສດຖະກິດ ໃນຂົງເຂດອາຊຽນຂະຫຍາຍໄວຂື້ນ ເພາະມີຕະຫຼາດຮອງຮັບຢູ່ຈີນແລ້ວ. ດັ່ງນັ້ນ, ການຜະລິດ ແລະ ການຂາຍໄປ ສປ ຈີນ ເຮັດໃຫ້ປະຊາຊົນມີທາງເລືອກໃໝ່ທີ່ດີຂື້ນ, ປະຊາຊົນໄດ້ຮຽນຮູ້ວິທີການຫາຢູ່ຫາກິນທີ່ນຳໃຊ້ເຕັກໂນໂລຊີທີ່ທັນສະໄໝທີ່ດີຂື້ນຫຼາຍຫວ່າເກົ່າ.
ສິ່ງດັ່ງກ່າວ ທີ່ໄດ້ກ່າວມານັ້ນມັນໄດ້ສະແດງອອກໃຫ້ເຫັນວ່າ: ການຮ່ວມມືລະຫວ່າງຈີນ-ອາຊຽນກໍ່ຄືການຮ່ວມມືລາວ-ຈີນ ເປັນຂີດໝາຍທີ່ຢັ້ງຢືນວ່າເປັນການຮ່ວມມືຮອບດ້ານຍຸດທະສາດ ແລະ ເພື່ອເປັນການສືບຕໍ່ເສີມຂະຫຍາຍສາຍພົວພັນການຮ່ວມມືອັນດີງາມ ລະຫວ່າງ 2 ປະເທດທີ່ມີມາແຕ່ດັ້ງເດີມນັ້ນ ໃຫ້ນັບມື້ນັບແໜ້ນແຟ້ນຍິ່ງຂື້ນ ຂ້າພະເຈົ້າຂໍເຊີນຊວນບັນດາເພື່ອນມິດສະຫາຍນັກທຸລະກິດຈີນ ເຂົ້າມາລົງທຶນ ແລະ ຄ້າຂາຍໃນຕະຫຼາດອາຊຽນ ໂດຍສະເພາະແມ່ນໃນ ສປປ ລາວໃຫ້ຫຼາຍຂື້ນ. ເພື່ອເສີມສ້າງຄູ່ຮ່ວມທູລະກິໃຫ້ນັບມື້ນັບເຂັ້ມແຂງ ໂດຍຫັນເອົາ ສປປ ລາວ ໃຫ້ເປັນຂົວຕໍ່ໃນການເຊື່ອມໂຍມກັບພາກພື້ນ ໂດຍພາຍໄຕ້ທັງ 2 ຝ່າຍຕ່າງມີສິດທິຜົນຜະໂຫຍດເທົ່າທຽມກັນໃນການພັດທະນາແບບຍືນຍົງ.
