ບົດສຳພາດທ່ານສີສະຫວາດ ທິຣະວົງ ປະທານສະພາການຄ້າແລະອຸດສາຫະກຳແຫ່ງຊາດລາວ
(GMT+08:00) 2013-09-05 09:50:11 cri
3. ໃນ 10 ປີຜ່ານມາຈີນກັບບັນດາປະເທດໃນອາຊຽນ ໄດ້ດຳເນີນການຮ່ວມມືສອງຝ່າຍ ແລະ ຫຼາຍຝ່າຍຢ່າງມີປະສິດທິຜົນ, ໃນການຮ່ວມມືດ້ວຍຮູບແບບງານວາງສະແດງສິນຄ້າຈີນ-ອາຊຽນ ແລະ ເຂດການຄ້າເສລີຈີນ-ອາຊຽນ, ວິສະຫະກິດຂອງລາວ ໄດ້ມີທ່າແຮງແນວໃດ? ໄດ້ມີບົດບາດແນວໃດໃນການສົ່ງເສີມສາຍພົວພັນການຮ່ວມມືດັ່ງກ່າວ? ແລະ ໄດ້ຮັບຜົນປະໂຫຍດຫຍັງແດ່?
ພາກທຸລະກິດຂອງ ສປປ ລາວ ແມ່ນໄດ້ເອົາໃຈໃສ່ພິເສດຕໍ່ກັບການພົວພັນເສດຖະກິດການຄ້າກັບບັນດາປະເທດອາຊຽນ ແລະ ສປ ຈີນ ເຊິ່ງໃນໄລຍະຜ່ານມາໄດ້ມີການຂະຫຍາຍຕົວຢ່າງວ່ອງໄວ ແລະມີປະສິດທິຜົນ. ການຮ່ວມມືດ້ວຍຮູບການຊຽນງານວາງສະແດງສິນຄ້າຈີນ-ອາຊຽນ ແລະ ເຂດການຄ້າເສລີຈີນ-ອາຊຽນ ແມ່ນມີບົດບາດສຳຄັນຫຼາຍຕໍ່ການສົ່ງເສີມການພົວພັນການຄ້າລະຫວ່າງຈີນ-ອາຊຽນກໍ່ຄືການພັວພັນການຄ້າລະຫວ່າງລາວ-ຈີນ ແລະ ລາວ-ອາຊຽນ ໃຫ້ນັບມື້ນັບຂະຫຍາຍຕົວ, ໜັ້ນຄົງຍາວນານ.
ສປປ ລາວ ໄດ້ຮັບຜົນປະໂຫຍດຢ່າງຫຼວງຫຼາຍຈາກການຮ່ວມມືໃນຮູບການດັ່ງກ່າວ, ເປັນການສ້າງໂອກາດໃກ້ວິສະຫະກິດຂອງ ສປປ ລາວ ນຳຜະລິດຕະພັນຂອງຕົນອອກສູ່ຕະຫຼາດສາກົນ. ເຮັດໃຫ້ສາມາດສົ່ງສິນຄ້າອອກໄດ້ຢ່າງຫຼວງຫຼາຍ, ແລະ ຍັງເປັນເວທີໃນການຮຽນຮູ້, ຖອດຖອນບົດຮຽນ, ພົບປະແລກປ່ຽນປະສົບການກັບບັນດາປະເທດອື່ນໆ ແລະ ຍັງເປັນບ່ອນຈັດຊື້ສິນຄ້າ, ເຕັກໂນໂລຊີທີ່ທັນສະໄໝ ແລະ ອື່ນໆ ເພື່ອນຳມາປັບປຸງຜະລິດຕະພັນຂອງຕົນໃຫ້ໄດ້ທັງປະລິມານ ແລະ ຄຸນນະພາບ ພ້ອມກັນນັ້ນ, ຍັງເປັນການສົ່ງເສີມການຮ່ວມມືລະຫວ່າງທຸລະກິດຈີນ-ອາຊຽນ ໃຫ້ນັບມື້ນັບແໜ້ນແຟ້ນບັນລຸເປົ້າໝາຍ ການພັດທະນາເສດຖະກິດ ແລະ ສັງຄົມ. ແນ່ນອນແລ້ວວ່າ, ວິສາຫະກິດຂອງ ສປປ ລາວ ແມ່ນຈະເປັນກຳລັງໜື່ງທີ່ສຳຄັນ ໃນການຂະຫຍາຍການພົວພັນການຄ້າ ແລະ ການສ້າງສະຖຽນລະພາບທາງການເມືອງ-ເສດຖະກິດ ໃນຂົງເຂດ ແລະ ພາກພື້ນ.
4. ນັບແຕ່ເປີດງານວາງສະແດງສິນຄ້າຈີນ-ອາຊຽນຄັ້ງທຳອິດ 10 ປີຜ່ານມາ, ວະສາຫະກິດລາວ ໄດ້ມີການຂະຫຍາຍຕົວແນວໃດ? ( ປະລິມານ ແລະ ຄຸນນະພາບຂອງວິສາຫະກິດທີ່ໄດ້ເຂົ້າຮ່ວມງານວາງສະແດງມີການເຕີບໂຕແນວໃດ? )
ໃນໄລຍະ 10 ປີຜ່ານມາ, ວະສາຫະກິດຂອງ ສປປ ລາວ ໄດ້ເຂົ້າຮ່ວມງານວາງສະແດງສິນຄ້າຈີນ-ອາຊຽນ ແມ່ນມີຈຳນວນເພີ່ມຂື້ນໃນທຸກໆປີ, ເຊິ່ງເຫັນໄດ້ໃນປີ 2004 ມີວິສາຫະກິດລາວເຂົ້າຮ່ວມບໍ່ເຖິງ 10 ບໍລິສັດ, ມາຮອດປີ 2007 ເພີ່ມຂື້ນເປັນ 28 ບໍລິສັດ, 2009 ມີ 38 ບໍລິສັດ, ແລະ ປີ 2013 ນີ້ມແມ່ນມີທັງໜົດ 54 ບໍລິສັດ. ຕົວເລກດັ່ງກ່າວແມ່ນສະແດງໃຫ້ເຫັນວ່າ: ວິສາຫະກິດຂອງ ສປປ ລາວ ແມ່ນມີຄວາມສົນໃຈໃນຜະລິດຕະພັນທີ່ນຳໄປວາງສະແດງແມ່ນລວມມີ. ຜະລິດຕະພັນເຟີນີເຈີ້, ຜະລິດຕະພັນຫັດຖະກຳເຄື່ອງເງິນ, ເຄື່ອງປະດັບ, ແຜ່ນແພ, ຜະລິດຕະພັນອາຫານ ແລະ ເຄື່ອງດື່ມ, ການໂຄສະນາ ແລະ ທ່ອງທ່ຽວ.
ເຊິ່ງຜະລິດຕະພັນຕ່າງໆທີ່ໄດ້ນຳໄປວາງສະແດງກໍ່ມີການເພີ່ມຂື້ນໃນທຸກໆປີທັງປະລິມານ ແລະ ຄຸນນະພາບ ແລະ ໄດ້ຮັບຄວາມນິຍົມຊົມຊອບຫຼາຍຈາກລູກຄ້າ ສປ ຈີນ ແລະ ບັນດາປະເທດຕ່າງໆ. ໂດຍສະເພາະແມ່ນຜະລິດຕະພັນເຟີນີເຈີ້ໄມ້, ການເຟ, ເຄື່ອງເງິນ ແລະ ອື່ນໆ. ເຊິ່ງໃນແຕ່ລະປີຜະລິດຕະພັນດັ່ງກ່າວແມ່ນໄດ້ມີການປັບປຸງໃຫ້ແທດເໝາະກັບຄວາມຕ້ອງການຂອງຕະຫຼາດໃນ ສປ ຈີນ.
