ຄວາມເຈັບທໍລະມານເໝືອນດັ່ງເກືອ
ເມື່ອຮອດແຄມໜອງ, ເຈົ້າຫົວກໍໃຫ້ຈົວນ້ອຍເອົາເກືອຫວ່ານໃສ່ໜອງ, ແລ້ວເວົ້າຕໍ່ຈົວນ້ອຍວ່າ: "ບັດນີ້, ຕັກເອົານ້ຳໃນໜອງມາຊີມເບິ່ງ."
ຈົວນ້ອຍກໍຕັກເອົານ້ຳໃນໜອງມາກິນ, ເຈົ້າຫົວຖາມວ່າ: "ລົດຊາດມັນເປັນແນວໃດ?"
ຈົວນ້ອຍຕອບວ່າ: "ເຢັນດີ."
ເຈົ້າຫົວຖາມວ່າ: "ເຄັມບໍ່?"
ຈົວນ້ອຍຕອບວ່າ: "ບໍ່."
ຕໍ່ມາ, ເຈົ້າຫົວກໍນັ່ງຄຽງຂ້າງຈົວນ້ອຍທີ່ມັກຈົ່ມຜູ້ນີ້, ພ້ອມທັງຈັບມື, ແລ້ວເວົ້າວ່າ: "ໃນຊີວິດຂອງເຮົາ, ແນ່ນອນຈະພົບຄວາມຫຍຸ້ງຍາກແລະຄວາມທຸກທໍລະມານ, ສ່ວນມັນຈະພາໃຫ້ເກີດມີຄວາມເຈັບປວດຫຼາຍໜ້ອຍປານໃດນັ້ນ, ແມ່ນຂຶ້ນກັບຄວາມອົດທົນຂອງເຮົາເອງ. ຄວາມທຸກທໍລະມານນັ້ນ ກໍຄືກັນກັບເກືອເຫຼົ່ານີ້ແຫຼະ, ຄວາມອົດທົນຂອງເຮົາກໍ່ເໝືອນດັ່ງນ້ຳ, ຄວາມເຄັມເໝືອນດັ່ງຄວາມເຈັບປວດ. ເມື່ອເຈົ້າຮູ້ສຶກເຈັບປວດຫຼາຍ, ເຈົ້າກໍເພີ່ມຄວາມອົດທົນໃຫ້ຫຼາຍຂຶ້ນ, ບໍ່ແມ່ນເອົານ້ຳຈອກໜຶ່ງມາໃສ່, ແຕ່ຫາກແມ່ນນ້ຳໝົດໜອງ, ຕອນນັ້ນ, ເຈົ້າກໍຈະຮູ້ສຶກວ່າເກືອບໍ່ເຄັມພໍປານໃດແລ້ວ."
ໃນຊີວິດຂອງຄົນເຮົາ, ເລື່ອງທີ່ບໍ່ສົມຫວັງມີເຖິງ 80 ຫາ 90 ສ່ວນຮ້ອຍ, ຄົນເຮົາດຳລົງຊີວິດໃນໂລກນີ້, ຄວາມເຈັບປວດແມ່ນຫຼີກເວັ້ນບໍ່ໄດ້. ເມື່ອເຮົາພົບຄວາມຫຍຸ້ງຍາກແລ້ວ, ຖ້າເຮົາບໍ່ທໍ້ຖອຍແລະສູ້ກັບມັນດ້ວຍຄວາມທຸ່ນທ່ຽງ, ເປັນຄົນອົນທົນແລະເຂັ້ມແຂງ, ເມື່ອເຮົາເຂັ້ມແຂງແລ້ວ, ກໍ່ຈະສາມາດຜ່ານຜ່າຄວາມຫຍຸ້ງຍາກຕ່າງໆນາໆໄດ້.
ຖ້າເປັນແນວນັ້ນແລ້ວ, ບໍ່ພຽງແຕ່ສິ່ງເຫຼົ່ານັ້ນບໍ່ສາມາດຜາບແພ້ເຮົາໄດ້, ກົງກັນຂ້າມ, ຍັງຈະກາຍເປັນປະສົບການແລະຊັບສົມບັດອັນລ້ຳຄ່າຂອງເຮົາ, ເຮັດໃຫ້ຊີວິດເຮົາສົມບູນຂຶ້ນ, ແລະກໍ່ເຮັດໃຫ້ເຮົາເອງເຂັ້ມແຂງຂຶ້ນອີກດ້ວຍ!
