ເລື່ອງອະດີດມີແຕ່ຄິດຫວນຄືນໄດ້(ສຽງ)
(GMT+08:00) 2013-12-03 14:23:00 cri
ຈີນມີກາບກອນບົດໜຶ່ງ, ປະໂຫຍກທຳອິດເວົ້າວ່າ: "ຖ້າຊີວິດສາມາດເໝືອນດັ່ງການພົບກັນຄັ້ງທຳອິດ"… ເວລາພົບກັນເທື່ອທຳອິດ, ທຸກສິ່ງທຸກຢ່າງລ້ວນແຕ່ຈົບງາມ, ທຸກນາທີທີ່ຢູ່ນຳກັນລ້ວນແຕ່ມ່ວນຊື່ນ. ເຖິງວ່າບາງທີກໍ່ມີສິ່ງທີ່ບໍ່ສົມຫວັງປານໃດ ແຕ່ກໍຍິນດີອົດທົນ, ເພາະວ່າ, ໃນເວລານັ້ນ ມີວາມຄອງຄອຍ, ສະນັ້ນ, ຈິ່ງເຊື່ອວ່າ ທຸກສິ່ງທຸກຢ່າງຈະດີຂຶ້ນ, ຄວາມຫຍຸ້ງຍາກຕ່າງໆກໍ່ຈະບໍ່ເປັນອຸປະສັກ, ເວລານັ້ນ, ຊີວິດມີແຕ່ເຕັມໄປດ້ວຍຄວາມຫວານຊື່ນແລະຄວາມດີງາມ. ຖ້າວ່າທຸກສິ່ງທຸກຢ່າງສາມາດຢຸດຢູ່ໃນເວລານັ້ນ ມັນຈະດີຊ່ຳໃດ? ແຕ່ວ່າ, ໂລກຍ່ອມຈະເກີດມີການປ່ຽນແປງ, ຄວາມຮູ້ສຶກທີ່ດີໃນເມື່ອກ່ອນ ກໍ່ອາດຈະເກີດມີການປ່ຽນແປງຢ່າງເຫຼືອເຊື່ອໃນທີ່ສຸດ, ກາຍເປັນສະພາບທີ່ໃຜກໍ່ຄາດຄະເນບໍ່ໄດ້ໃນຕອນຕົ້ນ, ຄວາມຈົບງາມໃນເວລາພົບກັນຄັ້ງທຳອິດ ກໍ່ຍິ່ງລ້ຳຄ່າຍ້ອນບໍ່ສາມາດຮັກສາໄວ້ໄດ້, ແລະໃນທີ່ສຸດ ກາຍເປັນພຽງແຕ່ຄວາມຊົງຈຳທີ່ສວຍງາມທີ່ສຸດໃນໃຈຂອງເຮົາ. ກໍ່ແມ່ນຍ້ອນເປັນແນວນີ້, ຈິ່ງມີເພງທີ່ໂອ້ອ່າວເຖິງເວລາທີ່ສູນເສຍໄປຢ່າງບໍ່ມີວັນຕ່າວຄືນມາ ຊຶ່ງໄດ້ປ່ຽນແປງຈິດໃຈຂອງຄົນແລະຫຼາຍສິ່ງຫຼາຍຢ່າງ.
ໃນນັ້ນ, ມີເພງຈີນເພງໜຶ່ງທີ່ຊື່ວ່າ "往事只能回味" ເຊິ່ງແປວ່າ "ເລື່ອງອະດີດມີແຕ່ຄິດຫວນຄືນໄດ້", ໃນຫຼາຍສິບປີທີ່ຜ່ານມາ, ເຄີຍມີນັກຮ້ອງຫຼາຍໆຄົນເຄີຍໄດ້ຮ້ອງເພງນີ້. ບໍ່ວ່າຍາມໃດ, ຟັງເພງນີ້ແລ້ວກໍ່ຈະເຮັດໃຫ້ຄົນຟັງຄິດຫວນຄືນເຖິງເລື່ອງອະດີດ, ວິໄລວັນຈຶ່ງເອົາມາແບ່ງປັນກັບເພື່ອນຄົນລາວ, ຫວັງວ່າທ່ານຄົງຈະມັກ.
ເລື່ອງອະດີດມີແຕ່ຄິດຫວນຄືນໄດ້
ວັນເວລາເສຍໄປແລ້ວຈະຕ່າວຄືນມາບໍ່ໄດ້ອີກ, ເລື່ອງອະດີດມີແຕ່ຄິດຫວນຄືນໄດ້. ຄຶດເຖິງໄວເດັກພວກເຮົາ, ເວລານັ້ນ, ທຸກສິ່ງທຸກຢ່າງກໍ່ບໍລິສຸດຜຸດຜ່ອງ, ນ້ອງກັບອ້າຍຢູ່ນຳກັນທຸກເວລາ…ປີແລ້ວປີເລົ່າ, ດອກໄມ້ບານອີກໃນທ່າມກາງສາຍລົມລະດູບານໃໝ່, ອ້າຍກໍ່ນັບມື້ນັບເຕີບໃຫຍ່ຂຶ້ນ. ໃຈຂອງອ້າຍກໍ່ປ່ຽນແປງໄປ ຕາມການວັນເວລາທີ່ຕ່າວຄືນມາບໍ່ໄດ້, ນ້ອງມີແຕ່ສາມາດຊອກຫາຄວາມອົບອຸ່ນໄດ້ໃນຄວາມຝັນ…
"ມີເພງຫຍັງບໍ່ ທີ່ເຮັດໃຫ້ເຈົ້າຄຶດເຫັນຂ້ອຍ?" ເພງປະກອບລະຄອນ "ເຈົ້າພໍ່ຊຽງໄຮ"
