ເຈົ້າບໍ່ຕ້ອງຢືນຢັນ
(GMT+08:00) 2014-08-18 11:05:09 cri
ມີຫຼາຍຄົນ ເສຍຄວາມພະຍາຍາມຫຼາຍ ໃນການຢືນຢັນໃຫ້ຜູ້ອື່ນຮູ້ວ່າ ຕົວເອງເປັນຄົນທີ່ສະຫຼາດ ເປັນຄົນທີ່ງາມ ຫຼືວ່າ ເປັນຄົນທີ່ມີຄວາມສາມາດ, ແຕ່ພັດບໍ່ຮູ້ຄົ້ນຫາແລະຮັບເອົາຄວາມສະຫຼາດ, ຄວາມມີສະເໜ່, ຄວາມງາມທີ່ມີມາແຕ່ເກີດຂອງຕົນ.
ມີແຕ່ໃນເວລາທີ່ເຈົ້າບໍ່ຕ້ອງຢືນຢັນ, ເຈົ້າຈຶ່ງສາມາດເປັ່ງແສງອອກມາ, ເຈົ້າຈຶ່ງສາມາດສະແດງຕົວເອງອອກມາຢ່າງຈິງໃຈແລະທຳມະຊາດ, ຈຶ່ງຈະມີໂອກາດໄດ້ເຫັນ ສະຕິປັນຍາແລະຊັບສົມບັດຢູ່ໃນໃຈຂອງຕົນ ມັນຈະໄຫຼອອກມາເໝືອນດັ່ງບໍ່ນ້ຳທີ່ບໍ່ຂາດສາຍ. ແລ້ວ ຄວາມໝັ້ນໃຈຈຶ່ງຈະສະແດງອອກມາໃນທຸກສາຍຕາແລະກິລິຍາຂອງທ່ານ. ຮອດຍາມທີ່ເຈົ້າບໍ່ຢືນຢັນຕໍ່ຜູ້ອື່ນອີກ, ຜູ້ອື່ນຈຶ່ງຈະຮັບເອົາເຈົ້າແລະມັກເຈົ້າ ຍ້ອນວ່າເຈົ້າເປັນເຈົ້າຊື່ໆນັ້ນແຫຼະ.
ແຕ່ວ່າ, ເລື່ອງນີ້ຍາກຫຼາຍ, ບາງຄົນ ໃຊ້ໝົດຊີວິດ ເພື່ອຢືນຢັນຕົວເອງຕໍ່ຜູ້ອື່ນ, ເພື່ອເອົາໃຈຜູ້ອື່ນ ແຕ່ຕົວເອງພັດບໍ່ຮູ້ສຶກຕົວ, ສິ່ງທີ່ເພິ່ນຢາກໄດ້ນັ້ນ ພັດແມ່ນການຕີລາຄາຂອງຜູ້ອື່ນ, ບໍ່ເຄີຍດຳລົງຊີວິດແບບເປັນຕົວເອງ, ຈັ່ງແມ່ນເສຍດາຍຫຼາຍ.
