ງານໂອລິມປິກລອນດອນທີ່ຟົດຟື້ນມ່ວນຊື່ນແລະສົມກຽດອັດລົງ
ການສະແດງ8ນາທີຂອງຣີໂອເດີຈານີໂຣ
ນັກສະແດງເບຼຊີນ ເຈົ້າພາບງານໂອລິມປິກຄັ້ງໜ້າໄດ້ໃຊ້ເວລາ8ນາທີເພື່ອສະແດງກ່ຽວກັບເມືອງເຈົ້າພາບຣີໂອເດີຈານີໂຣ ທີ່ເຕັມໄປດ້ວຍສີສັນການເຕັ້ນລຳແຊມບາ,ໃນນັ້ນ,ການປະກົດຕົວຂອງທ່ານເປເລ ຣາຊາບານເຕະກໍ່ແມ່ນຈຸດເດັ່ນໜຶ່ງຂອງງານ.
ນັບແຕ່ດຳລົງຕຳແໜ່ງປະທານຄະນະກຳມະການໂອລິມປິກສາກົນເປັນຕົ້ນມາ,ທ່ານຊາກ ຣອກເກີ ໄດ້ຕັ້ງໃຈເລືອກຄຳສັບໜຶ່ງກ່າວສະຫຼຸດໃນພິທີອັດງານໂອລິມປິກດັ່ງທຸກຄັ້ງທີ່ຜ່ານມາ,ທ່ານຣອກເກີແມ່ນຕີລາຄາງານໂອລິມປິກລອນດອນຄືແນວນີ້.
"ໃນເວລາ17ວັນຜ່ານມາທີ່ລືມຍາກ,ພາຍໃຕ້ການສະໜັບສະໜູນຂອງລັດຖະບານອັງກິດ,ຄະນະກຳມະການຈັດຕັ້ງງານໂອລິມປິກລອນດອນໄດ້ສຳເລັດໜ້າທີ່ວຽກງານດ້ວຍຜົນສຳເລັດທີ່ດີ.ຜູ່ຊົມໃນສະໜາມແຂ່ງຂັນແລະປະຊາຊົນອັງກິດກາຍເປັນດົນຕີລອດພື້ນທີ່ມ່ວນທີ່ສຸດໃນສະໜາມແຂ່ງຂັນ,ສຽງຮ້ອງໂຮຊົມເຊີຍທີ່ເຕັມໄປດ້ວຍຄວາມຫ້າວຫັນມີຊີວິດຊີວາຂອງພວກທ່ານໄດ້ກາຍເປັນກຳລັງແຮງໃຈສົ່ງໄປໃຫ້ແກ່ນັກກິລາ,ໄດ້ສ້າງບັນຍາກາດທີ່ມ່ວນຊື່ນຄຶກຄື້ນໃນສະໜາມກິລາແຕ່ລະແຫ່ງ.ນີ້ແມ່ນງານໂອລິມປິກທີ່ມ່ວນຊື່ນຄຶກຄື້ນແລະສົມກຽດຄັ້ງໜຶ່ງ."
ຄຽງຄູ່ກັບໄຟສັກສິດຂອງງານໂອລິມປິກຄັ້ງນີ້ຄ່ອຍໆມອດລົງ,ພວກເຮົາຈົ່ງກ່າວຄຳວ່າ"ລາກ່ອນ,ລອນດອນ,ພົບກັນໄດ້ໃໝ່ຢູ່ຣິໂອເດີຈານີໂຣຫຼັງຈາກນີ້4ປີ"
