ຈີນແລະກຳປູເຈຍອຳລາກັບສົມເດັດພະໂນໂຣດົມ ສີຫານຸ,ອະດີດກະສັດກຳປູເຈຍດ້ວຍຄວາມເສົ້າສະຫຼົດໃຈ
ຕາມຂ່າວCRI:ວັນທີ17ຕຸລານີ້,ໂລງສົບຄຳທີ່ບັນຈຸພະສົບຂອງສົມເດັດພະໂນໂຣດົມ ສີຫານຸ,ອະດີດກະສັດກຳປູເຈຍໄດ້ເຄື່ອນຍ້າຍອອກຈາກປັກກິ່ງດ້ວຍຍົນພິເສດກັບຄືນເຖິງປະເທດ ກຳປູເຈຍ.ຜູ່ນຳຂອງພັກແລະລັດຈີນໄດ້ໄປຍັງໂຮງໝໍປັກກິ່ງເພື່ອໄວ້ອາໄລເປັນຄັ້ງ ສຸດທ້າຍ,ແລະທ່ານຕ້າຍປິງກົວ,ທີ່ປຶກສາແຫ່ງລັດຈີນເປັນຜູ້ໃຫ້ການອາລັກຂາການຂົນສົ່ງໂລງສົບຄຳເປັນກໍລະນີພິເສດ.ໃນມື້ດຽວກັນ, ປະຕູຊິນຮວາ,ຫໍສະພາປະຊາຊົນ,ສະໜາມຫຼວງທຽນອ່ານເມິນແລະຕຶກກະຊວງການຕ່າງປະເທດທີ່ນະຄອນຫຼວງປັກກິ່ງໄດ້ລົດທຸງ ຊາດລົງເຄິ່ງເສົາເພື່ອສະແດງຄວາມໄວ້ອາໄລເຖິງດວງວິນຍານຂອງສົມເດັດພະໂນໂຣ ດົມສີຫານຸທີ່ສະເດັດສະຫວັນນະຄົດ, ຊຶ່ງເປັນການປະຕິບັດທາງການທູດໃນລະດັບສູງສຸດຢູ່ຈີນ.
ຕອນເຊົ້າວັນທີ17ຕຸລານີ້,ທ່ານຫູຈິນທ່າວ,ປະທານປະເທດຈີນ,ແລະທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ເດີນທາງໄປຍັງໂຮງໝໍປັກກິ່ງເພື່ອເຂົ້າຮ່ວມພິທີໄວ້ອາໄລສົມ ເດັດພະໂນໂຣດົມ ສີຫານຸ,ອະດີດກະສັດກຳປູເຈຍເປັນຄັ້ງສຸດທ້າຍ.
ພາຍຫຼັງພິທີໄວ້ອາໄລສິ້ນສຸດລົງແລ້ວ,ທ່ານໄຕ້ປິງກົວ, ປຶກສາແຫ່ງລັດຈີນທີ່ເປັນຜູ້ໃຫ້ການອາລັກຂາເປັນກໍລະນີພິເສດໃນການເຄື່ອນຍ້າຍພະສົບຂອງພະໂນໂຣດົມ ສີຫານຸ,ອະດີດກະສັດກຳປູເຈຍພ້ອມດ້ວຍພະຣາຊີນີ ໂນໂຣດົມໂມນີນຽດ ສີຫານຸ,ສົມເດັດພະໂນໂຣດົມ ສີຫາໂມນີ,ກະສັດກຳປູເຈຍແລະສົມເດັດຮຸນແຊນ,ນາຍົກລັດຖະມົນຕີກຳປູເຈຍໄປຍັງສະໜາມບິນນະຄອນຫຼວງປັກກິ່ງ,ເພື່ອກັບຄືນສູ່ນະຄອນຫຼວງພະນົມເປັນຂອງກຳປູເຈຍດ້ວຍຍົນພິເສດຂອງບໍລິສັດການບິນພົນລະເຮືອນຈີນ.
ເມື່ອຍົນພິເສດບິນຂຶ້ນສູ່ທ້ອງຟ້າແລ້ວ,ທ່ານໄຕ້ປິງກົວໄດ້ເຂົ້າເຝົ້າຢື້ຢາມຖາມຂ່າວສົມເດັດໂນໂຣດົມໂມນີນຽດ ສີຫານຸ,ອະດີດພະລາຊີນີກຳປູເຈຍ,ສົມເດັດໂນໂຣດົມ ສີຫາໂມນີ,ເຈົ້າຊີວິດກຳປູເຈຍ,ແລະທ່ານຮຸນແຊນ,ນາຍົກລັດຖະມົນຕີກຳປູເຈຍ.ໃນການໂອ້ລົມ,ທ່ານໄຕ້ປິງກົວຕີລາຄາສົມເດັດພະໂນໂຣດົມ ສີຫານຸທີ່ໄດ້ທຳຄວາມພະຍາຍາມເພື່ອຊຸກຍູ້ການຂະຫຍາຍໄມຕີຈິດມິດຕະພາບລະຫວ່າງຈີນກັບກຳປູເຈຍເປັນເວລາດົນນານນັ້ນດ້ວຍຄຳສັບທີ່ວ່າ "ການປະກອບສ່ວນທີ່ບັນທຶກໃນປະຫວັດສາດແລະບໍ່ອາດຈະລືມໄດ້."
ທ່ານໄຕ້ປິງກົວກ່າວວ່າ: "ສົມເດັດພະໂນໂຣດົມ ສີຫານຸມີທີ່ນັ່ງພິເສດໃນດວງໃຈປະຊາຊົນຈີນ,ການພົວພັນຈີນກຳປູເຈຍມີທີ່ນັ່ງພິເສດໃນການພົວພັນກັບຕ່າງປະເທດຂອງຈີນ.ເຖິງວ່າພະອົງໄດ້ສະຫວັນນະຄົດໄປແລ້ວກໍຕາມ,ແຕ່ພາລະກິດໄມຕີຈິດມິດຕະພາບລະຫວ່າງຈີນກັບກຳປູເຈຍທີ່ພະອົງເປັນຜູ່ລິເລີ່ມນັ້ນ,ຍ່ອມຈະໄດ້ຮັບການສືບທອດແລະຂະຫຍາຍຕົວຕໍ່ໄປ.ມິດຕະພາບຈີນກຳປູເຈຍຍ່ອມຈະໝັ້ນຄົງຍາວນານ."
ສົມເດັດໂນໂຣດົມ ໂມນີນຽດ ສີຫານຸ,ອະດີດພະລາຊີນີກຳປູເຈຍສະແດງຄວາມຂອບ ອົກຂອບໃຈຕໍ່ການດຳເນີນວຽກງານຢ່າງລະອຽດຮອບຄອບຂອງຝ່າຍຈີນໂດຍຊົງກ່າວວ່າ: "ຫຼາຍມື້ມານີ້,ຂ້າພະເຈົ້າ,ກະສັດແລະທ່ານນາຍົກຮຸນແຊນໄດ້ເຫັນການດຳເນີນວຽກງານຢ່າງລະອຽດຮອບຄອບຂອງຝ່າຍຈີນດ້ວຍຕາຂອງຕົນເອງ,ແລະຮູ້ສຶກສະເທືອນໃຈທີ່ສຸດ.ເຖິງວ່າສົມເດັດພະ ໂນໂຣດົມ ສີຫານຸໄດ້ສະຫວັນນະຄົດໄປແລ້ວກໍຕາມ,ແຕ່ການພົວພັນລະຫວ່າງຈີນກັບພວກຂ້າພະເຈົ້າຈະບໍ່ມີການປ່ຽນແປງໄປຕະຫຼອດເທົ່າໃດໆ."
