ຈີນແລະກຳປູເຈຍອຳລາກັບສົມເດັດພະໂນໂຣດົມ ສີຫານຸ,ອະດີດກະສັດກຳປູເຈຍດ້ວຍຄວາມເສົ້າສະຫຼົດໃຈ
(GMT+08:00) 2012-10-18 14:45:34 cri
ສົມເດັດພະໂນໂຣດົມສີຫາໂມນີ ເຈົ້າຊີວິດກຳປູເຈຍ,ສົມເດັດຮຸນແຊນ ນາຍົກລັດຖະມົນຕີກຳປູເຈຍກໍ່ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ລັດຖະບານແລະປະຊາຊົນຈີນໂດຍກ່າວເນັ້ນວ່າຈີນແມ່ນເພື່ອນມິດທີ່ຈິງໃຈຂອງກຳປູເຈຍຢ່າງສະເໝີຕົ້ນສະເໝີປາຍ.ກຳປູເຈຍຍິນດີຮ່ວມກັບຈີນສືບທອດແລະເຊີດຊູມິດຕະພາບອັນເປັນມູນເຊື້ອລະຫວ່າງກຳປູເຈຍກັບຈີນຕະຫຼອດໄປ.
ເວລາ14ໂມງ50ນາທີຂອງວັນທີ17ຕຸລານີ້,ຍົນພິເສດໄດ້ນຳເອົາໂລງສົບຄຳທີ່ບັນຈຸພະສົບຂອງສົມເດັດພະໂນໂຣດົມສີຫານຸ ອະດີດກະສັດກຳປູເຈຍໄດ້ລົງຈອດຢູ່ສະໜາມບິນສາກົນພະນົມເປັນ.ມື້ດຽວກັນ,ຊາວເມືອງນະຄອນຫຼວງພະນົມເປັນເກືອບທຸກຄົນແລະປະຊາຊົນຈຳນວນຫຼວງຫຼາຍທີ່ເດີນທາງມາຈາກແຫ່ງຕ່າງໆ,ຍິງຊາຍເຖົ້າແກ່ນ້ອຍໃຫຍ່ເຕົ້າໂຮມກັນຢູ່ສອງຟາກທາງທີ່ລົດບັນຈຸໂລງສັບຄຳແລ່ນຜ່ານ,ບາງຄົນຊູຮູບພາບຂອງສົມເດັດພະໂນໂຣດົມສີຫານຸ,ບາງຄົນຖືດອກໄມ້ທູບທຽນ,ບາງຄົນນັ່ງຄຸເຂົ່າ.ຕາມປົກກະຕິແລ້ວ,ຂີ່ລົດຈາກສະໜາມບິນໄປເຖິງພະລາຊະວັງໃຊ້ເວລາພຽງປະມານ20ນາທີເທົ່ານັ້ນ,ແຕ່ມື້ນັ້ນໄດ້ໃຊ້ເວລາເຖິງຊົ່ວໂມງເຄິ່ງ.
ປະຊາຊົນກຳປູເຈຍຖືສົມເດັດພະໂນໂຣດົມສີຫານຸເປັນພະລາຊະບິດາແຫ່ງຊາດ,ການຈາກໄປຂອງສົມເດັດເຮັດໃຫ້ປະຊາຊົນເສົ້າສະຫຼົດໃຈຢ່າງລົ້ນເຫຼືອ.ພາຍຫຼັງໄດ້ຮູ້ຂ່າວວ່າສົມເດັດສະຫວັນນະຄົດແລ້ວ,ມີປະຊາຊົນຫຼາຍໆຄົນໄດ້ໄປຈັດພິທີໄວ້ອາໄລຢູ່ຕໍ່ໜ້າພະລາຊະວັງດ້ວຍຄວາມເປັນເຈົ້າການ.ພະສັງຄະລາດບົວກຼີຊຶ່ງເປັນໜຶ່ງໃນພະສັງຄະລາດສອງອົງທີ່ມີຊື່ສຽງຂອງກຳປູເຈຍກ່າວຕໍ່ຂ່າວວ່າ:
"ອາຕະມາຮູ້ສຶກເສົ້າສະຫຼົດໃຈຫຼາຍຕໍ່ການສະຫວັນນະຄົດຂອງພະຣະບາດສົມເດັດພະໂນໂຣດົມສີຫານຸ,ພະຣະບາດສົມເດັດພະໂນໂຣດົມສີຫານຸແມ່ນພະຣາຊະບິດາແຫ່ງຊາດຂອງປະຊາຊົນກຳປູເຈຍ,ປະຊາຊົນກຳປູເຈຍທົ່ວທັງຊາດຮູ້ສຶກເສົ້າສະຫຼົດໃຈຫຼາຍຕໍ່ການສະຫວັນນະຄົດຂອງພະຣະບາດສົມເດັດ,ພະຣະບາດສົມເດັດພະໂນໂຣດົມສີຫະນຸເຮັດໃຫ້ປະຊາຊົນກຳປູເຈຍມີຊີວິດການເປັນຢູ່ທີ່ສະຫງົບສຸກແລະມີສັນຕິພາບ."
ຄະນະຜູ້ແທນຈີນທີ່ນຳໂດຍທ່ານຕ້າຍປີງໂກວ ທີ່ປຶກສາແຫ່ງລັດຈີນໄດ້ໃຫ້ການອາລັກຂາຂົນສົ່ງໂລງສົບຄຳທີ່ບັນຈຸພະສົບຂອງສົມເດັດພະໂນໂຣດົມສີຫານຸໄປເຖິງພະລາຊະວັງ.ພາຍຫຼັງສົມເດັດພະໂນໂຣດົມສີຫານຸສະເດັດສະຫວັນນະຄົດແລ້ວ,ການຊ່ວຍເຫຼືອຈັດສັນຕ່າງໆທີ່ລັດຖະບານຈີນປະຕິບັດມານັ້ນໄດ້ເຮັດໃຫ້ປະຊາຊົນກຳປູເຈຍມີຄວາມຮູ້ສຶກເຖິງມິດຕະພາບອັນຈິງໃຈຖານບ້ານໃກ້ເຮືອນຄຽງອີກເທື່ອໜຶ່ງ.ປະຊາຊົນກຳປູເຈຍຫຼາຍຄົນໃນເວລາໃຫ້ສຳພາດຕໍ່ນັກຂ່າວCRIກໍ່ໄດ້ສະແດງຄວາມຂອບອົກຂອບໃຈຕໍ່ເລື່ອງນີ້.ທ່ານປຽນທຽນ ທະຫານປ້ອງກັນພະລາຊະວັງໃຫ້ສຳພາດຕໍ່ນັກຂ່າວCRIວ່າ
"ໃນນາມເປັນຄົນກຳປູເຈຍ,ຂ້າພະເຈົ້າຂໍຂອບໃຈນຳຈີນຊຶ່ງເປັນເພື່ອນມິດທີ່ຍິ່ງໃຫຍ່.ເພາະວ່າຂ້າພະເຈົ້າໄດ້ເບິ່ງລາຍການໂທລະພາບແຫ່ງຊາດກຳປູເຈຍແລ້ວຮູ້ວ່າລັດຖະບານຈີນໃຫ້ຄວາມສຳຄັນຫຼາຍຕໍ່ການສະຫວັນນະຄົດຂອງສົມເດັດພະໂນໂຣດົມສີຫານຸ,ແລະກໍ່ໄດ້ເອົາໃຈໃສ່ເປັນຢ່າງດີຕໍ່ພິທີຊາປະນະກິດສົບ,ໃນນາມເປັນຄົນກຳປູເຈຍ,ຂ້າພະເຈົ້າຂໍຂອບໃຈນຳຈີນດ້ວຍຄວາມຈິງໃຈ."
