|
CRI ລາຍງານວ່າ: ວັນທີ 1 ກໍລະ ກົດ ພາຍຫຼັງກະຊວງສາທາລະນະສຸກຈີນປະກາດບົດລາຍງານສຳຫຼວດມູນເຫດເກີດໂລກຊາສຢູ່ປັກກ່ິງແລະແຂວງອານຮຸ່ຍໃນປີ 2004 ແລ້ວ, ວັນທີ 2 ກໍລະກົດນີ້ ຢູ່ມານີລາ ນະຄອນຫຼວງຟິລິບປິນ, ສຳນັກງານອົງການອະນາໄມໂລກປະຈຳພາກພື້ນປາຊີຟິກຕາເວັນຕົກອອກຖະແຫຼງການວ່າ, ອົງການອະນາໄມໂລກຊົມເຊີຍຈີນໃຊ້ມາດຕະການຢ່າງວ່ອງໄວຄວບຄຸມໂລກຊາສ, ແລະຈະຮ່ວມມືກັບຈີນຢ່າງສະໜິດແໜ້ນ, ເພ່ີມທະວີຄວາມປອດໄພໃນການຄົ້ນຄວ້າຊີວະຊາດ.
ວັນທີ 1 ກໍລະກົດ ກະຊວງສາທາລະນະສຸກຈີນໄດ້ປະກາດບົດລາຍງານວ່າ, ໂລກຊາສທ່ີເກີດຂຶ້ນຢູ່ປັກກ່ິງແລະແຂວງອານຮຸ່ຍຂອງຈີນໃນເດືອນເມສາປີນີ້ແມ່ນຕິດແປດມາຈາກຫ້ອງທົດລອງ, ແມ່ນເຫດການໜ້າທ່ີຮັບຜິດຊອບທ່ີສຳຄັນລາຍໜ່ຶງຍ້ອນການຄຸ້ມຄອງຄວາມປອດໄພໃນຫ້ອງທົດລອງບໍ່ເໝາະສົມ ປະຕິບັດກົດລະບຽບບໍ່ເຄ່ັງຄັດ ພະນັກງານເຕັກນິກປະຕິບັດງານຜິດກົດລະບຽບ ມາດຕະການປ້ອງກັນຄວາມປອດໄພບໍ່ແຂງແຮງ, ຈ່ຶງພາໃຫ້ຫ້ອງທົດລອງຖືກເຊ່ືອມພິດແລະພະນັກງານຕິດແປດພະຍາດ.
|
