CRI ລາຍ​ງານ​ວ່າ: ​ໃນ​ງານ​ຊຸມນຸມ​ນັກ​ຂ່າວ​ທ່ີ​ຈັດ​ຂຶ້ນຢູ່​ປັກ​ກ່ິງ​​ໃນ​ວັນ​ທີ 8 ກໍລະກົດ​ນີ້ ທ່ານ​ນາງ​ຈ່າງ​ສິ​​ເຢ້ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ, ປະ​ເທດ​ອື່ນໆ​ບໍ່​ຕ້ອງ​ເປັນ​ຫ່ວງ​ນຳ​ພະຍາດ​ໄຂ້ຫວັດ​ສັດ​ປີກ​ທ່ີ​ເກີດ​ຂຶ້ນ​ໃໝ່​ຢູ່​ແຂວງ​ອ່ານ​ຮຸ່ຍ​ ທາງ​ພາກ​ຕາ​ເວັນ​ອອກ​ຂອງຈີນ.

ທ່ານ​ນາງ​ຈ່າງ​ສິ​ເຢ້​ເວົ້າວ່າ, ຫວ່າງ​ມໍ່ໆ​ນີ້ ພາຍຫຼັງແຂວງ​ອ່ານ​ຮຸ່ຍ​ໄດ້​ເກີດ​ພະຍາດ​ໄຂ້ຫວັດ​ສັດ​ປີກ​ລາຍ​ໜ່ຶງ​ແລ້ວ, ພາກສ່ວນ​ທ່ີ​ກ່ຽວຂ້ອງ​ຂອງ​ຈີນ​ໄດ້​ໃຊ້​ມາດ​ຕະການ​ອັນ​ແຂງ​ແຮງ​ຢ່າງ​ເປັນ​ລະບົບ, ລັດຖະບານ​ຈີນ​ໄດ້​ຮຽກ​ຮ້ອງ​ໃຫ້​ເຂດ​ຊົນນະບົດ​ຕ່າງໆ​ແລະ​  ຟາ​ມລ້ຽງສັດ​ປີກ​ເປັນຕົ້ນ​ເພ່ີມ​ຄວາມ​​ປ້ອງ​ກັນ​ບໍ່​ໃຫ້​ພະຍາດ​ສັດ​ປີກ​ແຜ່​ລາມ​ອອກ.