|
《ລະດູບານໃໝ່ຖາວອນ--ງານຕາເວັນວາງສະແດງຮູບພາບຂະໜາດໃຫຍ່ທ່ານເຕີ້ງສຽວພີງກັບການປະຕິຮູບແລະການໄຂປະຕູສູ່ພາຍນອກຂອງແຂວງກວາງຕຸ້ງ》ໄດ້ຈັດຂຶ້ນຢູ່ເມືອງກວາງໂຈ່ວ
cri
ຕາມຂ່າວສານຊິນຮວາ:ເພື່ອລະລຶກວັນເກີດຂອງທ່ານເຕີ້ງສຽວພີງຄົບຮອບຮ້ອຍປີ,ວັນທີ9 ສິງຫາ,《ລະດູບານໃໝ່ຖາວອນ--ງານຕາເວັນວາງສະແດງຮູບພາບຂະໜາດໃຫຍ່ທ່ານເຕີ້ງສຽວພີງກັບການປະຕິຮູບແລະການໄຂປະຕູສູ່ພາຍນອກຂອງແຂວງກວາງຕຸ້ງ》ໄດ້ຈັດຂຶ້ນຢູ່ເມືອງກວາງໂຈ່ວ.
ໃນພິທີໄຂງານວາງສະແດງ,ທ່ານຈູ່ສຽວຕັ່ນ ຫົວໜ້າພະແນກໂຄສະນາຄະນະພັກແຂວງກວາງຕຸ້ງໄດ້ກ່າວຄຳປາໄສວ່າ,ຈຸດປະສົງແຫ່ງການຈັດການເຄື່ອນໄຫວຄັ້ງນີ້ແມ່ນສະແດງຈິດໃຈຄິດຮອດຄິດເຖິງທ່ານເຕີ້ງສຽວພີງຢ່າງເລິກເຊິ່ງຂອງປະຊາຊົນກວາງຕຸ້ງ, ຊ່ອຍພະນັກງານແລະມວນຊົນຮູ້ຈັກຄຸນງາມຄວາມດີທີ່ຍິ່ງໃຫຍ່ຂອງທ່ານເຕີ້ງສຽວພີງແລະເນື້ອໃນອັນອຸດົມສົມບູນຂອງທິດສະດີເຕີ້ງສຽວພີງຮອບດ້ານແລະເລິກເຊິ່ງກວ່າເກົ່າ, ຍຶດໝັ້ນອຸດົມຄະຕິແລະຄວາມເຊື່ອຖືທີ່ເດີນຕາມເສັ້ນທາງສັງຄົມນິຍົມທີ່ມີສີສັນພິເສດຂອງຈີນຕື່ມອີກ.
|
|
