ຕາມຂ່າວສານ​ຊິນຮວາ: ​ເນື່ອງ​ໃນ​ໂອກາດ​ວັນ​ຄ້າຍ​ວັນ​ເກີດ​ຂອງ​ທ່ານ​ເຕີ້ງ ສຽວ​ຜິ​ງ ຜູ່​ນຳ​ຈີນ​ທີ່​ລ່ວງ​ລັບ​ໄປ​ແລ້ວຄົບຮອບ 100 ປີ​ໃກ້​ຈະ​ມາ​ເຖິງນີ້,ພິທີ​ເປີດ​ສາກ​ຂອງ​ຮູບ​ທອງ​ເຕີ້ງສຽວ​ຜິ​ງ​ໄດ້​ຈັດ​ຂຶ້ນຢ່າງ​ຄຶກຄື້ນ​ຢູ່​ເມືອງ​ກວາງ​ອ່ານ​ແຂວງ​ເຊ​ສວນ ບ້ານ​ເກີດ​ຂອງ​ທ່ານ​ໃນ​ຕອນ​ເຊົ້າວັນ​ທີ 13 ສິງຫາ. ທ່ານ​ຫູ​ຈິນທ່າວ ປະທານ​ປະ​ເທດ​ຈີນ​ໄດ້​ເຂົ້າຮ່ວມ​ພິທີ,​ແລະ​ໄດ້​ເປີດ​ສາກ​ໃຫ້​ຮູບ​ທອງ; ທ່ານ​ຈຽງ​ເຈີ​ມິນ ປະທານ​ຄະນະ​ກຳມະການ​ການ​ທະຫານ​ສູນ​ກາງ​ໄດ້​ຂຽນ​ຊື່​ໃຫ້​ຮູບ​ທອງ.

ທ່ານ​ຫູ​ຈິນທ່າວ​ເວົ້າວ່າ,ທ່ານ​ເຕີ້ງສຽວ​ຜິ​ງ​ແມ່ນ​ນາຍ​ຊ່າງ​​ໃຫຍ່​ອອກ​ແບບຂອງ​ການ​ປະຕິ​ຮູບ​,ການ​​ໄຂປະຕູ​ສູ່​ພາຍ​ນອກ​ແລະ​ການ​ກໍ່ສ້າງ​ທັນ​ສະ​ໄໝ​ຂອງ​ຈີນ​ສັງຄົມ​ນິຍົມ,ຕະຫຼອດຊີວິດ​ຂອງ​​ເພິ່ນ​ແມ່ນ​ຕະຫຼອດຊີວິດ​ອັນ​ສະຫງ່າ​ລາສີ​ທີ່​ບາກ​ບັ່ນ​ສູ້​ຊົນ​ຢ່າງ​ບໍ່​ລົດ​ລະ​ເພື່ອ​ປົດ​ປ່ອຍ​ຊາດ,​ເຮັດ​ໃຫ້ປະ​ເທດຊາດ​ມັ່ງ​ຄັ່ງ​ເຂັ້ມ​ແຂງ​ແລະ​​ເຮັດ​ໃຫ້ປະຊາ​ຊົນ​ມີ​ຄວາມສຸກ. ທ່ານ​ມີ​ຊີວິດ​ຢູ່​ໃນ​ດວງ​ໃຈ​ພວກ​ເຮົາ​ຈົນ​ເທົ່າ​ໃດໆ.