|
|
 |
| (GMT+08:00)
2004-09-19 16:57:29
|
|
ຈີນມີຫວັງຈະເປັນປະເທດການຄ້າໃຫຍ່ທີສາມຂອງໂລກພາຍໃນປີນີ້
cri
Author: sayvanny
ຕາມຂ່າວ CRI:ວັນທີ 19 ກັນຍາຢູ່ທ່ີປັກກິ່ງ ທ່ານໂປຊີລາຍ ລັດຖະມົນຕີກະຊວງການຄ້າຈີນເວົ້າວ່າ, ຍອດມູນຄ່າການຄ້າຂາເຂົ້າຂາອອກຂອງຈີນໃນປີນີ້ອາດຈະລື່ນກາຍ 1000 ຕື້ໂດລາສະຫະລັດ,ມີຫວັງຈະເປັນປະເທດການຄ້າໃຫຍ່ທີສາມຂອງໂລກ.
ທ່ານໂປຊີລາຍເວົ້າວ່າ, ແຕ່ເຂົ້າເປັນສະມາຊິກອົງການການຄ້າໂລກເປັນຕົ້ນມາ,ການລຽງລຳດັບຂອງຈີນທາງດ້ານຍອດມູນຄ່າການຄ້າໃນທົ່ວໂລກພວມຖີບສູງຂຶ້ນດ້ວຍຄວາມໄວທ່ີສູງຂຶ້ນຫນຶ່ງລຳດັບຕໍ່ປີ.ແຕ່ເດືອນມັງ ກອນຫາເດືອນສິງຫາປີນີ້ ຍອດມູນຄ່າການຄ້າຂາເຂົ້າຂາອອກຂອງຈີນບັນລຸ720 ຕື້ກວ່າໂດລາສະຫະລັດ,ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 38%.
ຕໍ່ໄປພາຍຫນ້າຈີນຈະເພີ່ມທະວີການຄ້າດ້ານສິນຄ້າແລະດ້ານການບໍລິການຕື່ມອີກ,ໃນຂະນະສະຫນອງສິນຄ້າໃຫ້ຕະຫລາດສາກົນນັ້ນ,ຍັງຈະສືບຕໍ່ນຳເຂົ້າອຸປະກອນເຕັກນິກ ຜະລິດຕະພັນໄຮເທັກແລະວັດຖຸດິບພື້ນຖານຕ່າງໆ.
|
|
|
