|
|
(GMT+08:00)
2004-11-11 21:09:11
|
|
ໂຄສົກກະຊວງການຕ່າງປະເທດຈີນໃຫ້ສຳພາດກ່ຽວກັບທ່ານອາລາຟັດ ປະທານອົງການອຳນາດແຫ່ງຊາດປາເລັສຕີນເຖິງແກ່ກຳຍ້ອນເປັນພະຍາດ
cri
Author: MO
ຕາມຂ່າວCRI: ວັນທີ 11 ພະຈິກ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານນາງຈັ່ງສີເຢ້ ໂຄສົກກະຊວງການຕ່າງປະເທດຈີນກ່າວວ່າ, ສະແດງຄວາມໄວ້ອາໄລຢ່າງເສົ້າສະຫລົດໃຈຕໍ່ທ່ານອາລາຟັດ ປະທານອົງການອຳນາດແຫ່ງຊາດປາເລັສຕີນເຖິງແກ່ກຳຢ່າງບໍ່ເປັນຈັ່ງບູນ.
ທ່ານນາງຈັ່ງສີເຢ້ກ່າວວ່າ, ພາຍຫລັງໄດ້ຮັບຂ່າວທີ່ທ່ານອາລາຟັດ ປະທານອົງການອຳນາດແຫ່ງຊາດປາເລັສຕີນເຖິງແກ່ກຳຢ່າງບໍ່ເປັນຈັ່ງບູນແລ້ວ, ທ່ານຫູຈີນທ່າວ ປະທານປະເທດຈີນໄດ້ຝາກໂທລະເລກໄວ້ອາໄລໄປໃນທັງທີ.
ທ່ານນາງຈັ່ງສີເຢ້ກ່າວວ່າ, ການບັນລຸສັນຕິພາບຢູ່ພາກພພື້ນຕາເວັນອອກກາງແມ່ນເປົ້າໝາຍສູ້ຊົນຊົ່ວຊີວິດຂອງທ່ານປະທານອາລາຟັດ, ແລະກໍແມ່ນຄວາມປາຖະໜາຮ່ວມຂອງປະຊາຊົນບັນດາປະເທດຂອງພາກພື້ນຕາເວັນອອກກາງ. ການຊັກຊວນສັນຕິພາບແລະຊຸກຍູ້ການເຈລະຈາແມ່ນຫລັກໝັ້ນອັນສະເໝີຕົ້ນສະເໝີປາຍຂອງຈີນໃນບັນຫາຕາເວັນອອກກາງ, ຈີນມີເຈດຈຳນົງໃຫ້ຜ່ານການເຈລະຈາທາງການເມືອງມາແກ້ໄຂການວິວາດກັນລະຫວ່າງປາເລັສຕີນກັບອິດສະລາແອນໂດຍສັນຕິບົນພື້ນຖານຂອງມະຕິທີ່ກ່ຽວຂ້ອງຂອງສະຫະປະຊາຊາດແລະຫລັກການເອົາດິນແດນແລກປ່ຽນສັນຕິພາບ. ຈີນຍິນດີພ້ອມກັນກັບປະຊາຄົມໂລກ, ສືບຕໍ່ທຳຄວາມພະຍາຍາມເພື່ອບັນລຸສັນຕິພາບຢ່າງຮອບດ້ານແລະຖາວອນຢູ່ພາກພພື້ນຕາເວັນອອກກາງໂດຍໄວ.
|
|
|