ຕາມ​ຂ່າ​ວສານ​ຊິນ​ຮວາ: ວັນ​ທີ 30 ທັນວາ ຢູ່​ທີ່​ປັກ​ກິ່ງ ສະພາກາ​ແດງ​ຈີນ​ປະກາດ​ວ່າ,ວັນ​ທີ 27 ​ແລະ​ວັນ​ທີ 30 ທັນວາ ອົງການ​ດັ່ງກ່າວ​ໄດ້​ຕອບ​ສະໜອງ​ຄຳ​ຮຽກຮ້ອງ​ຂອງ​ສະພາກາ​ແດງ​ແລະ​ສະຫະພັນ​ຊີກ​ວົງ​ເດືອນ​ແດງ​ສາກົນ,ບໍລິຈາກ​ເງິນ 3 ​ແສນ​ໂດ​ລາ​ສະຫະລັດ​​ເພື່ອ​ຊ່ອຍ​ຜູ້​ປະສົບ​ໄພ​ແຜ່ນດິນ​ໄຫວ​ແລະ​ຄື້ນທະ​ເລ​ຊູ​ນາ​ມີ​ຢູ່​ມະຫາ​ສະໝຸດ​ອິນ​ເດຍ.

ຜູ້​ຮັບຜິດຊອບ​ທີ່​ກ່ຽວຂ້ອງ​ຂອງ​ສະພາກາ​ແດງ​ຈີນ​ກ່າວ​ວ່າ,ຍ້ອນ​ວ່າ​ໄພ​ພິບັດ​ຍັງ​ເປີດ​ກວ້າງ​ອອກ​ເລື້ອຍໆ,ສະພາ​ກາ​ແດງ​ຈີນ​ໄດ້​ຕົກລົງ​ອອກ​ຄຳ​ຮຽກຮ້ອງ​ບໍລິຈາກ​ເງິນ​ໂດຍ​ດ່ວນ​ຢູ່​ພາຍ​ໃນ​ປະ​ເທດ​ຈີນ,​ແລະ​ຕັ້ງ​ໂທລະສັບ​ສາຍ​ດ່ວນ​ຮັບບໍລິຈາກ​ກູ້​ໄພ,​ໄດ້​ຕັ້ງກົ້ງບັນຊີ​ສະ​ເພາະ​ຮັບ​​ບໍລິຈາກ​ເງິນ​ຈາກ​ວົງ​ການ​ຕ່າງໆ​ໃນ​ສັງຄົມ.