ຕາມ​ຂ່າວCRI ,ວັນ​ທີ 30 ທັນວາ,​ໃນ​ງານ​ຊຸມນຸມ​ນັກ​ຂ່າວ​ທີ່​ຈັດ​ຂຶ້ນ​ເປັນ​ປະຈຳ​ຢູ່​ປັກ​ກິ່ງ,ທ່ານ​ລິວ​ຈ້ຽນສາວ ​ໂຄສົກ​ກະຊວງ​ການ​ຕ່າງປະ​ເທດ​ຈີນໄດ້​​ແນະນຳສະພາບຂອງ​ລັດຖະບານ​ຈີນ​ຊ່ອຍ​ເຫຼືອ​ປະ​ເທດ​ປະສົບ​ໄພຫຼັງ​ຈາກ​ເກີດ​ແຜ່ນດິນ​ໄຫວ​ແລະ​ຄື້ນທະ​ເລ​ຊູ​ນາ​ມີ​ຢູ່​ມະຫາ​ສະຫມຸດ​ອິນ​ເດຍ,ທ່ານ​ກ່າວ​ວ່າ,ຈີນ​ໄດ້​ສົ່ງ​ກອງ​ກອບ​ກູ້​ປິ່ນປົວ​​ໄປ​ເຂດ​ປະສົບ​ໄພ​ເພື່ອຊ່ອຍ​ກູ້​ໄພ

ທ່ານ​ລິວ​ຈ້ຽນສາວ​​ແນະນຳວ່າ,ກອງ​ກອບ​ກູ້​ສາກົນກອງ​ຫນຶ່ງ​ທີ່​ປະກອບ​ດ້ວຍ 35 ຄົນ​​ໂດຍກົມ​ອຸຕຸນິຍົມ​ແຫ່ງ​ຊາດ​ຈີນ​ຈະ​ເດີນທາງ​ໄປ​​ເຮັດ​ວຽກ​ກອບ​ກູ້​ຢູ່ເຂດປະສົບ​ໄພ​ຢູ່ອິນ​​ໂດ​ເນ​ເຊຍ​​.ພະນັກງານ​ປິ່ນປົວ 10 ກວ່າ​ຄົນ​ທີ່​ກະຊວງ​ສາທາລະນະ​ສຸກ​ຈີນ​ຈັດ​ຕັ້ງຈະອອກເດີນທາງ​ໄປ​ໄທ​​ໃນ​ຕອນ​ຄ່ຳ​ວັນ​ທີ 30 ​ເພື່ອ​​ໃຫ້ຊ່ອຍ​ເຫຼືອກ​ອບກູ້,ກອງ​ປິ່ນປົວ​ອີກ​ກອງ​ກໍ່​ຈະ​ເດີນທາງ​ໄປ​​​ໄທ​ໃນ​ວັນ​ທີ 31 ,ຜູ່​ຊ່ຽວຊານ​ກວດ​​ແຊນDNA ​ 5 ຄົນ​ຂອງ​ສະ​ພາບັນດິດ​ວິທະຍາສາດ​ຈີນ​ກໍ​ຈະ​ຂີ່​ຍົນ​ໄປ​​ເຂດ​ປະສົບ​ໄພ​ຂອງ​ໄທ​ໃນ​ຕອນ​ຄ່ຳ​ວັນ​ທີ 30​ເພື່ອ​ຊ່ອຍ​ເຫຼືອ​​ໃຫ້​ຈຳ​ແນ​ກ​ຜູ່​ປະສົບ​ເຄາະ​ຮ້າຍ.

​ໃນ​ສະ​ເພາະ​ຫນ້າ​ນີ້,ພັດສະດຸ​ຊ່ອຍ​ເຫຼືອງວດ​ທີ​ສອງ​ຂອງ​ລັດຖະບານ​ຈີນ​ຈະ​ສົ່ງ​ໄປ​ຮອດ​ແຂວງ​ຊູ​ມັດ​ຕຼາ​ເຫນືອ​ຂອງ​ອິນ​​ໂດ​ເນ​ເຊຍ​ໃນ​ຕອນ​ຄ່ຳວັນ​ທີ 30 ທັນວາ.