|
ຕາມຂ່າວCRI ,ຫວ່າງມໍ່ໆນີ້,ຢູ່ທີ່ປັກກິ່ງ,ທ່ານອູຕ້າເຫວ ຮອງລັດຖະມົນຕີການຕ່າງປະເທດຈີນກ່າວວ່າ,ພັກແລະລັດຖະບານຈີນເອົາໃຈໃສ່ນຳການຂະຫຍາຍການພົວພັນກັບຫວຽດນາມໂດຍຕະຫຼອດ,ຈະສືບຕໍ່ພ້ອມກັນກັບຝ່າຍຫວຽດນາມ,ຊຸກຍູ້ການພົວພັນມິດຕະພາບຖານບ້ານໃກ້ເຮືອນຄຽງແລະຮ່ວມມືຮອບດ້ານລະຫວ່າງຈີນກັບຫວຽດນາມກ້າວໄປສູ່ລະດັບໃຫມ່ຢ່າງບໍ່ຢຸດຢັ້ງຕາມທິດທາງທີ່ມີໄມຕິຈິດຕໍ່ປະເທດໃກ້ຄຽງແລະຖືປະເທດໃກ້ຄຽງເປັນເພື່ອນ
ເນື່ອງໃນໂອກາດຈີນຫວຽດນາມສ້າງສາຍສຳພັນທາງການທູດຄົບຮອບ 55 ປີ,ທ່ານອູຕ້າເຫວໄດ້ໃຫ້ສຳພາດເປັນລາຍລັກອັກສອນຕໍ່ສື່ມວນຊົນຫວຽດນາມ,ທ່ານອູ້ຕ້າເຫວກ່າວວ່າ,ໃນຫຼາຍປີມານີ້,ຄວາມໄວ້ເນື້ອເຊື່ອວໃຈເຊິ່ງກັນແລະກັນນລະຫວ່າງຈີນກັບຫວຽດນາມໄດ້ເພີ່ມທະວີຂຶ້ນຢ່າງບໍ່ຢຸດຢັ້ງ,ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆນັບມື້ນັບເປີດກວ້າງແລະລົງສູ່ລວງເລິກ.ບັນຫາດິນແດນຢູ່ເຂດຊາຍແດນທີ່ຕົກຄ້າງໃນປະຫວັດສາດໄດ້ຮັບການແກ້ໄຂເທື່ອລະກ້າວ, ການສຳຫຼວດຊາຍແດນທາງບົກໄດ້ເລັ່ງໄວເຂົ້າຢ່າງເດັ່ນຊັດ,ສັນຍາຂີດແບ່ງເສັ້ນ ຊາຍແດນອ່າວພາກເຫນືອແລະສັນຍາຮ່ວມມືປະມົງໄດ້ມີຜົນບັງຄັບໃຊ້ພ້ອມກັນແລະພວມຮັບການປະຕິບັດຢ່າງສະດວກ.ການຄ້າລະຫວ່າງສອງຝ່າຍໄດ້ເພີ່ມຂຶ້ນໃນຫນ້າພຽງກວ້າງຢ່າງວ່ອງໄວ,ຝ່າຍຈີນຮູ້ສຶກຄວາມເພິ່ງພໍໃຈຕໍ່ການຄືບຫນ້າອັນສຳຄັນທີ່ໄດ້ຮັບໃນການພົວພັນລະຫວ່າງສອງປະເທດ.
|
