|
|
 |
| (GMT+08:00)
2005-01-27 10:37:05
|
 |
|
ຈີນໄດ້ເປັນຕົວສະແດງສຳຄັນໃນພາກພື້ນກໍຄືໃນໂລກ
cri
Author: li
ຕາມຂ່າວ CRI: ໜັງສືພິມເຢີນມິນຢືປາວຂອງຈີນສະບັບວັນທີ 27 ມັງກອນໄດ້ພິມບົດສຳພາດທ່ານຈຸນລະພົງ ນົນສີໄຊ ເອກອັກຄະລັດຖະທູດໄທປະຈຳຈີນໂດຍຈຳເພາະຕໍ່ນັກຂ່າວໜັງສືພິມດັ່ງກ່າວ,ໃນເວລາໃຫ້ສຳພາດ,ທ່ານຈຸນລະພົງ ນົນສີໄຊກ່າວວ່າ,ຈີນກອບກູ້ຊ່ອຍເຫຼືອປະເທດປະສົບໄພຄື້ນທະເລຊູນາມີມະຫາສະໝຸດອິນເດຍຢ່າງວ່ອງໄວເຮັດໃຫ້ພວກເຮົາໄດ້ເຫັນວ່າຈີນໃນຖານເປັນປະເທດໃຫຍ່ ໄດ້ເປັນຕົວສະແດງສຳຄັນໃນພາກພື້ນກໍຄືໃນໂລກ.
ທ່ານຈຸນລະພົງ ນົນສີໄຊເວົ້າວ່າ,ໄທຂອບໃຈຫຼາຍຕໍ່ການຊ່ອຍເຫຼືອຮູບການຕ່າງໆຂອງບັນດາປະເທດໃນໂລກ,ໂດຍສະເພາະແມ່ນຂອບໃຈນຳຈີນ, ການຊ່ອຍເຫຼືອຢ່າງເອື້ອເຟື້ອເຜື່ອແຜ່ຂອງລັດຖະບານແລະປະຊາຊົນຈີນເຮັດໃຫ້ພວກເຮົາກະຕຸ້ນໃຈ. ສະນັ້ນ,ໄທໄດ້ຟື້ນຟູໄວກວ່າໝູ່ຫຼັງໄພພິບັດ.
ທ່ານຈຸນລະພົງ ນົນສີໄຊຍັງກ່າວວ່າ,ເລື່ອງຈິງຢັ້ນຢືນໃຫ້ເຫັນວ່າ,ການຄືບໜ້າຢ່າງສຳເລັດຜົນຂອງວຽກງານແລະການຮ່ວມມືຫຼາຍຢ່າງໃນພາກພື້ນລ້ວນແຕ່ແມ່ນຍ້ອນການຊຸກຍູ້ຂອງຈີນ,ການເຂົ້າຮ່ວມຂອງຈີນໄດ້ຊັກນຳໃຫ້ປະເທດອື່ນກໍເຂົ້າຮ່ວມຢ່າງຕັ້ງໜ້າ,ຕົວຢ່າງຄືເຂດການຄ້າເສລີຈີນອາຊຽນ,ຖ້າບໍ່ມີຈີນເຂົ້າຮ່ວມ,ການຮ່ວມມືພາກພື້ນກໍບໍ່ຫ່ອນຈະຂະຫຍາຍຕົວໄວປານນີ້.
|
|
|
