ຕາມ​ຂ່າວສານ​ຊິນ​ຮວາ: ຈີນ​ຈະ​ກວດ​ພະຍາດ​ຕ່ອມ​ນົມ​ໃຫ້​ແມ່ຍິງ​ຈີນ​ 1 ລ້ານ​ຄົນ​ພາຍ​ໃນ 6 ປີ​ຂ້າງ​ໜ້າ ​ເຊິ່ງປະຕິບັດ​ຕາມ​ມາດຖານ​ສາກົນ, ​ເພື່ອ​ຊ່ອຍ​ພວກ​ເຂົາ​ເຈົ້າ​ປ້ອງ​ກັນ​ມະ​ເຮັງ​ຕ່ອມ​ນົມ, ຍົກ​ຄຸນ​ນະພາ​ບຊີ​ວິດ​ການ​ເປັນ​ຢູ່​ໃຫ້​ສູງ​ຂຶ້ນ.

ທ່ານ​ສິກ​ວງ​ເວີຍ ປະທານ​ຄະນະ​ມົນຕີ​ສະມາຄົມ​ຕ້ານ​ໂຣກ​ມະ​ເຮັງ​ຈີນ​ໄດ້​ເຜີຍ​ໃຫ້​ຮູ້​ຂ່າວ​ດັ່ງກ່າວ​ໃນ​ເວລາ​ເຂົ້າຮ່ວມ​ກອງ​ປະຊຸມ​ສຳ​ມະ​ນາສາ​ກົນ​ກ່ຽວ​ກັບ​ບັນຫາ​​ປິ່ນ​ປົວ​​ໂຣກ​ມະ​ເຮັງ​ຕ່ອມ​ນົມ​ທີ່​ຈັດ​ຂຶ້ນຢູ່​ທີ່​ປັກ​ກິ່ງ.

ທ່ານ​ສະ​ເໜີ​ວ່າ, ​ໃນຫຼາຍປີ​ມາ​ນີ້, ອັດຕາ​ເກີດ​​ໂຣກມະ​ເຮັງ​ຕ່ອມ​ນົມ​ຂອງ​ຈີນ​ໄດ້​ເພີ່ມ​ຂຶ້ນ​ຢ່າງ​ວ່ອງ​ໄວ, ​ເພື່ອ​ລະງັບ​ທ່ວງທ່າ​ນີ້​ໃຫ້​ໄດ້​ຢ່າງ​ບັງ​ເກີດ​ຜົນ, ພາກ​ສ່ວນ​ທີ່​ກ່ຽວ​ຂ້ອງ​ຂອງ​ຈີນ​ຈະ​ເລືອກ​ເອົາປະມານ 100 ​ໂຮງໝໍ​ກວດກາ​ທົ່ວ​ໄປຢູ່​ໃນຕົວ​ເມືອງ​​ໃຫຍ່​ແລະ​ຜ້ານ​ກາງ​ໃນ​ທົ່ວ​ປະ​ເທດ, ​ແຕ່​ປີ​ນີ້​ຮອດ​ປີ 2010 ຈະ​ກວດ​ພະ​ຍາດ​ຕ່ອມ​ນົມ​ໃຫ້​ແມ່ຍິງ​ຈີນ​ 1 ລ້ານ​ຄົນ, ​ໃນ​ນັ້ນ​ຜູ່​ໜຶ່ງ​ຈະ​ຜ່ານ​ການກວດ 4 ​ເທື່ອ​.