ຕາມ​ຂ່າວCRI ວັນ​ທີ 1 ມີນາ ຢູ່​ທີ່​ປັກ​ກິ່ງ ທ່ານ​ເກີ​ຈີ້​ຢົງ ຮອງ​ຫົວຫນ້າ​ກົມ​ໃຫຍ່​ຕິດຕາມ​ກວດ​ສອບ​ຄຸນ​ນະພາ​ບແລະ​ກວດກາພະຍາດແຫ່ງ​ຊາດ​ຈີນ​ກ່າວ​ວ່າ,ຫວ່າງ​ມໍ່ໆ​ນີ້,ຈີນ​ໄດ້​​ເພີ່ມ​ຄວາມ​ແຮງ​ໃນ​ການ​ປ້ອງ​ກັນ​ແລະ​ຄວບຄຸມ​ເພື່ອ​ບໍ່​ໃຫ້ໄຂ້​ຫວັດ​ສັດ​ປີກ​​ແຜ່​ລາມ​ເຂົ້າ​ມາຢູ່​ເຂດ​ຊາຍ​ແດນ,​ຕາມ​ສະພາບ​ໃນ​ສະ​ເພາະ​ຫນ້ານີ້​ເຫັນ​ວ່າ, ມາດ​ຕະການ​ຂອງ​ຈີນ​ແມ່ນ​ບັງ​ເກີດ​ຜົນ​ຕໍ່

ທ່ານ​​ເກີ​ຈີ້​ຢົງ​ແນະນຳວ່າ,ຫວ່າງ​ມໍ່ໆ​ນີ້ ປະ​ເທດ​ອາຊີ​ອາຄະ​ເນ​ເຊັ່ນ​ຫວຽດນາມ​ເປັນຕົ້ນ​ໄດ້​ເກີດ​ພະຍາດ​ໄຂ້ຫວັດ​ສັດ​ປີກ​ປະ​ເພດ​ຮຸນ​ແຮງ​ອີກ​,ລັດຖະບານ​ຈີນ​ເອົາ​ໃຈ​ໃສ່​ທີ່​ສຸດ​ນຳເລື່ອງ​ນີ້,ຢູ່​ເຂດ​ຊາຍ​ແດນ​ໂດຍ​ສະ​ເພາະ​ແມ່ນ​​ເຂດ​ກວາງຊີ​​ແລະ​ແຂວງ​ຢຸນນານ​ຢູ່ທີ່​ພາກ​ຕາ​ເວັນ​ຕົກສ​ຽງ​ໃຕ້​ທີ່ແປະ​ກັບ​ຫວຽດນາມ​ ໃກ້​ກັບໄທ​ໄດ້​​ກວດ​ຄົນ ສິນຄ້າ​ແລະ​ພາຫະນະ​ຂົນ​ສົ່ງທີ່​ເຂົ້າ​ແດນ​ຢ່າງ​ເຄັ່ງ​ຄັດ,ປ້ອງ​ກັນ​ບໍ່​ໃຫ້​​ໄຂ້ຫວັດ​ສັດ​ປີກ​ແຜ່​ລະບາດ​ເຂົ້າ​ມາ, ນັບ​ມາ​ຮອດ​ປະຈຸ​ບັນ,​ເຂດ​ຊາຍ​ແດນ​​ຈີນ​ຍັງບໍ່​ໄດ້​ປະກົ​ດ​ເຫັນ​ໄຂ້ຫວັດ​ສັດ​ປີກ​ແຜ່​ລະບາດ​ເຂົ້າມາ​ເທື່ອ,ຈີນ​​ບໍ່​ໄດ້ມີ​ໄຂ້ຫວັດ​ສັດ​ປີກ​​ເກີດ​ຂຶ້ນ.