|
|
 |
| (GMT+08:00)
2005-03-11 17:18:56
|
 |
|
ການຄົ້ນຄວ້າກ່ຽວກັບແຜນການສອງດາວທຽມໄດ້ຮັບໝາກຜົນຫຼາຍລາຍ
cri
Author: li
ຕາມຂ່າວ CRI: ວັນທີ 11 ມີນາ ຢູ່ທີ່ປັກກິ່ງ ໃນເວລາທ່ານລິວໂປ ຜູ້ຮັບຜິດຊອບທີ່ກ່ຽວຂ້ອງຂອງສະພາບັນດິດວິທະຍາສາດຈີນໃຫ້ສຳພາດຕໍ່ນັກຂ່າວວິທະຍຸພວກເຮົານັ້ນ ທ່ານເວົ້າວ່າ,ແຕ່ປະຕິບັດແຜນການສອງດາວທຽມມານີ້,ນັກວິທະຍາສາດຂອງຈີນແລະເອີລົບໄດ້ຮັບໝາກຜົນຄົ້ນຄວ້າຫຼາຍລາຍ.
ປີ 1997 ນັກວິທະຍາສາດຈີນໄດ້ສະເໜີແຜນການສອງດາວທຽມ,ຫວັງໃຫ້ນຳໃຊ້ດາວທຽມສອງໜ່ວຍທີ່ໝູນເດີນຢູ່ໂຄຈອນຕ່າງກັນມາສຳຫຼວດຢັ່ງແທກສິ່ງແວດລ້ອມອະວະກາດຂອງໜ່ວຍໂລກ,ປີ 2001 ຈີນໄດ້ເລີ່ມຮ່ວມມືກັບກົມອະວະກາດເອີລົບກ່ຽວກັບແຜນການດັ່ງກ່າວ,ແລະໄດ້ຍິງສົ່ງດາວທຽມສຳຫຼວດຢັ່ງແທກສອງໜ່ວຍໃນປີກ່ອນແລະປີກາຍນີ້,ແຜນການນີ້ຈຶ່ງໄດ້ເຂົ້າສູ່ໄລຍະສຳຫຼວດຢັ່ງແທກຕົວຈິງ. ທ່ານລິວໂປແນະນຳວ່າ,ປັດຈຸບັນ,ດາວທຽມສອງໜ່ວຍນີ້ໄດ້ໝູນເດີນເປັນຢ່າງດີ,ນັກວິທະຍາດສາດຂອງຈີນແລະເອີລົບໄດ້ຜ່ານການວິໄຈຄົ້ນຄວ້າຕົວເລກທີ່ດາວທຽມສອງໜ່ວຍນີ້ສົ່ງຄືນມາ ແລ້ວປະກາດວິທະຍານິພົນ 70 ກວ່າບົດ.
|
|
|
