|
|
 |
| (GMT+08:00)
2005-03-11 17:26:07
|
 |
|
ສະຖາບັນຂົງຈື້ແຫ່ງທີສອງຂອງເອີລົບຈະສ້າງຕັ້ງຂຶ້ນຢູ່ແບນຊິກ
cri
Author: li
ຕາມຂ່າວ CRI: ວັນທີ 10 ມີນາ ຢູ່ສະຖານທູດຈີນປະຈຳແບນຊິກ ເຈົ້າໜ້າທີ່ສະຖານທູດຈີນປະຈຳແບນຊິກແລະປະທານສະມາຄົມແບນຊິກຈີນຂອງແບນຊິກໄດ້ເຊັນສັນຍາກໍ່ສ້າງສະຖາບັນຂົງຈື້ບຼູແຊນ,ນີ້ເປັນຂີດໝາຍສະແດງໃຫ້ເຫັນວ່າ,ສະຖາບັນຂົງຈື້ແຫ່ງທີສອງຂອງເອີລົບຈະສ້າງຕັ້ງຂຶ້ນຢູ່ບຼູແຊນ.
ທ່ານຈາງຊິນເຊີ້ງ ຮອງລັດຖະມົນຕີກະຊວງວັດທະນະທຳຈີນທີ່ເຂົ້າຮ່ວມພິທີລົງນາມກ່າວວ່າ,ຈຸດປະສົງຕົ້ນຕໍຂອງການສ້າງຕັ້ງສະຖາບັນຂົງຈື້ແມ່ນເພື່ອແນະນຳພາສາແລະວັດທະນະທຳຂອງຈີນໃຫ້ໂລກ. ບຼູແຊນແມ່ນບ່ອນຕັ້ງຫຼາຍອົງການຈັດຕັ້ງສຳຄັນຂອງສະຫະພາບເອີລົບ,ເຊື່ອວ່າສະຖາບັນຂົງຈື້ຈະກາຍເປັນຂົວສະພານທີ່ແນະນຳພາສາແລະວັດທະນະທຳຂອງຈີນໃຫ້ສະຫະພາບເອີລົບ.
ສະຖາບັນຂົງຈື້ແມ່ນອົງການທີ່ບໍ່ຫາຜົນກຳໄລຂອງໜ່ວຍນຳພາການສິດສອນພາສາຈີນໃຫ້ຕ່າງປະເທດແຫ່ງຊາດຈີນໃນການເຜີຍແຜ່ການສຶກສາແລະການແລກປ່ຽນວັດທະນະທຳພາສາຈີນໃນຂອບເຂດໂລກ. ເມື່ອເດືອນມິຖຸນາປີກາຍນີ້ ສະຖາບັນຂົງຈື້ສະຕົກໂຄມເອີລົບເໜືອ ເຊິ່ງເປັນສະຖາບັນຂົງຈື້ແຫ່ງທຳອິດຂອງເອີລົບໄດ້ສ້າງຕັ້ງຂຶ້ນຢູ່ມະຫາວິທະຍາໄລສະຕົກໂຄມແຫ່ງສະວິສ.
|
|
|
