|
|
 |
| (GMT+08:00)
2005-03-17 12:31:42
|
 |
|
ກອງປະຊຸມສຳມະນາປ້ອງກັນພະຍາດຫຼັງໄພພິບັດຈີນອາຊຽນໄຂຂຶ້ນຢູ່ປັກກິ່ງ
cri
Author: huachunmei
ຕາມຂ່າວ CRI: ວັນທີ 17 ມີນາ ຢູ່ທີ່ປັກກິ່ງໄດ້ໄຂກອງປະຊຸມສຳມະນາປ້ອງກັນພະຍາດຫຼັງໄພພິບັດຈີນອາຊຽນ,ກອງປະຊຸມນີ້ຈະໄຂເປັນເວລາສອງມື້. ຜູ້ແທນລັດຖະບານຂອງຈີນ,ປະເທດພາຄີສ່ວນໜຶ່ງຂອງອາຊຽນພ້ອມດ້ວຍມານດິຟແລະສີລັງກາ ແລະຜູ້ແທນຂອງອົງການຈັດຕັ້ງສາກົນທີ່ກ່ຽວຂ້ອງ 60 ກວ່າຄົນໄດ້ເຂົ້າຮ່ວມກອງປະຊຸມ.
ທ່ານນາງອູອີ ຮອງນາຍົກລັດຖະມົນຕີຈີນໄດ້ຝາກຈົດໝາຍອວຍພອນມາຍັງກອງປະຊຸມ,ຫວັງໃຫ້ກອງປະຊຸມສຳມະນາເທື່ອນີ້,ແລກປ່ຽນບົດຮຽນອັນອຸດົມສົມບູນໃນການປ້ອງກັນພະຍາດຫຼັງເກີດໄພພິບັດຢ່າງເຕັມສ່ວນ,ຊອກຫາຊ່ອງທາງຕິດຕໍ່ແລະສ້າງກົນໄກແຈ້ງສະພາບພະຍາດທີ່ບັງເກີດຜົນລະຫວ່າງບັນດາປະເທດ,ສ້າງພື້ນຖານໃຫ້ແກ່ການຮ່ວມມືສຸກເສີນເພື່ອກູ້ໄພແລະປ້ອງກັນພະຍາດລະຫວ່າງພາກພື້ນ.
ກອງປະຊຸມເທື່ອນີ້ຈະຫາລືແລະຮັບຮອງເອົາ"ແຜນການດຳເນີນງານປັກກິ່ງ",ວາງຂໍ້ສະເໜີປະຕິບັດງານອັນລະອຽດຂອງກົນໄກຮ່ວມມືສຸກເສີນເພື່ອກູ້ໄພແລະປ້ອງກັນພະຍາດຂອງພາກພື້ນ.
|
|
|
