|
|
 |
| (GMT+08:00)
2005-04-05 09:58:23
|
 |
|
ຜູ້ແທນຈີນບັນລະຍາຍທັດສະນະຂອງຈີນໃນດ້ານສິດພົນລະເມືອງແລະສິດການເມືອງ
cri
Author: li
ຕາມຂ່າວ CRI: ໃນກອງປະຊຸມສິດທິມະນຸດສະໄໝທີ 61 ຂອງອົງການສະຫະປະຊາຊາດທີ່ຈັດຂຶ້ນຢູ່ເຊີແນວໃນວັນທີ 4 ເມສາ ທ່ານເສີນຢົງຊຽງ ຮອງຜູ້ແທນຂອງຄະນະຜູ້ແທນຈີນຊີ້ອອກວ່າ,ສິດພົນລະເມືອງແລະສິດການເມືອງມີປັດໄຈວັດທະນະທຳອ່າວຫຼາຍ,ມີສ່ວນກ່ຽວຂ້ອງກັບປັດໄຈຕ່າງໆເຊັ່ນສະພາບແວດລ້ອມສັງຄົມ, ວັດທະນະທຳປະຫວັດສາດແລະມູນເຊື້ອສາສະໜາຂອງບັນດາປະເທດ,ບັນດາປະເທດຄວນແລກປ່ຽນກັນ,ເອົາຈຸດດີຂອງເພີ່ນເສີມຈຸດອ່ອນຂອງຕົນ,ກ້າວໜ້ານຳກັນ.
ໃນເວລາປະກອບຄຳຄິດຄຳເຫັນກ່ຽວກັບຫົວຂໍ້ສິດພົນລະເມືອງແລະສິດການເມືອງ ທ່ານເສີນຢົງຊຽງເວົ້າວ່າ,ສິດພົນລະເມືອງແລະສິດການເມືອງແມ່ນພາກສ່ວນປະກອບທີ່ສຳຄັນຂອງສິດທິມະນຸດພື້ນຖານ,ແຕ່ໃນເວລາບັນດາປະເທດເຮັດໃຫ້ສິດເຫຼົ່ານີ້ບັນລຸຜົນເປັນຈິງນັ້ນ ແນ່ນອນຈະມີເສັ້ນທາງພັດທະນາແລະເປົ້າໝາຍບຸລິມະສີດທີ່ຕ່າງກັນ. ປະຊາຄົມໂລກຄວນຍຶດໝັ້ນພິນິດພິຈາລະນາຂະບວນການບັນລຸສິດພົນລະເມືອງແລະສິດການເມືອງຂອງບັນດາປະເທດຈາກມຸມທີ່ເອົາລັກສະນະທົ່ວໄປປະສານກັບລັກສະນະພິເສດ,ໂຄລົບການຄັດເລືອກຫຼາຍຢ່າງຫຼາຍແນວຂອງບັນດາປະເທດ.ທ່ານເສີນຢົງຊຽງເວົ້າວ່າ,ລັດຖະບານຈີນເອົາໃຈໃສ່ໃນລະດັບສູງນຳການຊຸກຍູ້ແລະປົກປ້ອງສິດພົນລະເມືອງແລະສິດການເມືອງຢ່າງສະເໝີຕົ້ນສະເໝີປາຍ.
|
|
|
