|
ຕາມຂ່າວCRI: ວັນທີ 5 ເມສາຢູ່ທີ່ປັກກິ່ງ, ທ່ານລີອີ້ຈົ່ງ ຫົວໜ້າກົມໃຫຍ່ຕິດຕາມຄຸ້ມຄອງຄວາມປອດໄພໃນການຜະລິດແຫ່ງຊາດຈີນເຜີຍໃຫ້ຮູ້ວ່າ, ຈີນຈະປະຕິບັດນະໂຍບາຍຢ່າງເປັນລະບົບເຊິ່ງມີຈຸດປະສົງຍົກສູງຄວາມປອດໄພຂອງບໍ່ຖ່ານຫີນ, ເພື່ອລະງັບທ່ວງທ່າອຸບັດຕິເຫດຄວາມປອດໄພໄດ້ເກີດຂຶ້ນຫຼາຍ.
ທ່ານລີອີ້ຈົ່ງແມ່ນກ່າວຄວາມດັ່ງກ່າວໃນງານຖະແຫຼງຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນມື້ດຽວກັນ. ທ່ານກ່າວວ່າ,ອຸບັດຕິເຫດທີ່ເກີດຂຶ້ນຫຼາຍໃນບໍ່ຖ່ານຫີນໃນປີນີ້ ແມ່ນຍ້ອນວິສາຫະກິດທີ່ກ່ຽວຂ້ອງບໍ່ເອົາຫົວຊານຳກົດໝາຍແຫ່ງລັດແລະການຕິດຕາມຄຸ້ມຄອງແຫ່ງລັດ, ຂຸດຄົ້ນແລະຜະລິດຖ່ານຫີນຢ່າງຜິດກົດໝາຍ.
ປະຈຸບັນ ຈີນເລີ່ມທວງໃຫ້ວິສາຫະກິດຜະລິດຖ່ານຫີນໃຊ້ຄ່າດັດແປງຄວາມປອດໄພຕາມອັດຕາທີ່ກຳນົດໄວ້ຈາກປະລິມານການຜະລິດ, ແລະລົງມືສ້າງລະບອບທຶນຮັບປະກັນຄວາມປອດໄພ.
|
