ຕາມ​ຂ່າວສານ​ຊິນ​ຮວາ,ວັນ​ທີ5​ເມສາ,ທ່ານ​ເຈິ້ງ​​ໄຜ​ຢຽນ ຮອງ​ນາ​ຍົກ​ລັດ​ຖະ​ມົນ​ຕີ​ຈີນ​ໄດ້​ຮຽກ​ຮ້ອງ​ໃຫ້​ຝ່າຍ​ທີ່​ກ່ຽວຂ້ອງ​ສືບ​ຕໍ່​ເຮັດ​ວຽກ​ຈັດ​ວາງຜູ້​ຍົກ​ຍ້າຍ​ຈາກ​ເຂດ​ອ່າງ​ນ້ຳຊ​ານ​ເສຍ​ແມ່​ນ້ຳ​ຢ່າງ​ເຊ​ໃຫ້​ດີ,​ເປີດ​ກວ້າງ​ຊ່ອງ​ທາງ​ປະກອບ​ອາຊີບ​ຂອງ​ຊາວຍົກ​ຍ້າຍ,​ແກ້​ໄຂ​ບັນຫາ​ ​ຊີວິດ​ການ​ເປັນ​ຢູ່​ຂອງ​ປະຊາຊົນ​ເຫຼົ່າ​ນີ້​ໃນ​ໄລຍະ​ຍາວ​ນານ.

ທ່ານ​ເຈິ້ງ​​ໄຜຢຽນ​ແມ່ນ​ໃຫ້​ທັດສະນະ​ດັ່ງກ່າວ​ໃນ​ກອງ​ປະຊຸມ​ວຽກ​ງານ​ຍົກ​ຍ້າຍ​ປະ​ຊາ​ຊົນ​ຢູ່​ຊົນ​ນະ​ບົດ​ເຂດ​ອ່າງ​​ນ້ຳຊານ​ເສຍ​ທີ່​ຈັດ​ຂຶ້ນ​ຢູ່ກຳ​ແພງ​ນະຄອນ​ຈຸ່ງ​ກິ່ງ.

ປັດຈຸບັນ, ວຽກ​ງານ​ຍົກຍ້າຍ​ປະຊາຊົນ​ຊົນນະບົດ​ຢູ່​ເຂດ​ອ່າງນ້ຳຊານ​ເສຍ​ແມ່​ນ້ຳ​ຢ່າງ​ເຊ​ທີ່​​ໄດ້​ປະ​ຕິ​ບັດ​ມາ​ເປັນ​ເວລາ5​ປີ​ແລ້ວ​ນັ້ນ​ໄດ້​ສຳ​​ເລັດ​ແລ້ວ,ລວມທັງ​ໝົດ​ໄດ້​ຍົກ​ຍ້າຍ​ປະ​ຊາ​ຊົນ​1​ແສນ​6​ໝື່ນ​6​ພັນ​ຄົນ.​ພື້ນຖານ​​ໂຄງ​ລ່າງ​ຂອງ​ບ່ອນ​ຈັດ​ວາງ​ຊາວຍົກ​ຍ້າຍ​ຕ່າງໆ​ເຊັ່ນ​ນ້ຳ​ປະ​ປາ,​ໄຟ​ຟ້າ,​ເສັ້ນ​ທາງ,​ສື່​ສານ​ເປັນ​ຕົ້ນ​ໄດ້​ປະກອບ​ຄົບ​ຖ້ວນ, ປະ​ຊາ​ຊົນ​ຍົກ​ຍ້າຍ​ຮັບ​ເໝົາ​ດິນ​ນາ​ປູກ​ຝັງ​ນັ້ນ​ໄດ້​ມີ​ການ​ຮັບປະກັນ,​ເງື່ອນ​ໄຂ​ເດັກ​ເຂົ້າ​ຮຽນ,ຜູ້​ເຈັບ​ປ່ວຍປິ່ນປົວ​ພະ​ຍາດ​ກໍ​ໄດ້​ຮັບ​ການ​ປົວ​ແປງ​ໃຫ້​ດີ​ຂຶ້ນ​ຢ່າງ​ເດັ່ນ​ຊັດ​ເມື່ອ​ທຽບ​ກັບ​ບ່ອນ​ເກົ່າ.