|
|
 |
| (GMT+08:00)
2005-04-15 17:10:41
|
 |
|
ຈີນຈະບູລະນະລະບົບປະກັນຄວາມປອດໄພດ້ານຄຸນນະພາບການປິ່ນປົວແຫ່ງຊາດໃຫ້ສົມບູນຂຶ້ນຕື່ມອີກ
cri
Author: huachunmei
ຕາມຂ່າວ CRI , ວັນທີ 15 ເມສາ, ຢູ່ທີ່ປັກກິ່ງ, ທ່ານວາງຢຸຍ ຫົວໜ້າພະແນກບໍລິຫານເພດສາດຂອງກະຊວງສາທາລະນະສຸກຈີນເວົ້າວ່າ, ຈີນຈະບູລະນະລະບົບປະກັນຄວາມປອດໄພດ້ານຄຸນນະພາບການປິ່ນປົວແຫ່ງຊາດໃຫ້ສົມບູນຂຶ້ນຕື່ມອີກ, ເພື່ອຮັກສາຜົນປະໂຫຍດຂອງຜູ້ເປັນພະຍາດ.
ທ່ານວາງຢຸຍແມ່ນໃຫ້ທັດສະນະດັ່ງກ່າວໃນເວລາທ່ານເຂົ້າຮ່ວມງານສຳມະນາຄົ້ນຄວ້າສາກົນກ່ຽວກັບຄວາມປອດໄພດ້ານຄຸນນະພາບການປິ່ນປົວຈີນ. ທ່ານກ່າວວ່າ, ພາກສ່ວນທີ່ກ່ຽວຂ້ອງຂອງຈີນຈະອອກກົດລະບຽບຫຼາຍກວ່າເກົາເພື່ອຕີລາຄາແລະຕິດຕາມກວດກາການບໍລິການປິ່ນປົວຢ່າງເຄັ່ງຄັດ, ບູລະນະລະບອບຕ່າງໆທີ່ມີສ່ວນກ່ຽວຂ້ອງກັບຄວາມປອດໄພດ້ານຄຸນນະພາບການປິ່ນປົວໃຫ້ສົມບູນເທື່ອລະກ້າວ. ພ້ອມກັນນັ້ນ, ທ່ານຊີ້ອອກວ່າ, ຈີນຍັງຈະສືບຕໍ່ເພີ່ມທະວີການຮ່ວມມືກັນລະຫວ່າງຊາດໃນຂົງເຂດດັ່ງກ່າວ.
|
|
|
