|
ຈີນຍິນດີພ້ອມກັນກັບກຳປູເຈຍຍົກການຮ່ວມມືດ້ວຍໄມຕີຈິດລະຫວ່າງສອງປະເທດຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ
cri
Author: q
ຕາມຂ່າວCRI,ວັນທີ29ເມສາ,ຢູ່ທີ່ປັກກິ່ງ,ທ່ານຖາງເຈຍສຽນ ທີ່ປຶກສາແຫ່ງລັດຈີນໄດ້ພົບປະພະບາດສົມເດັດນະໂລດົມ ສີຮະໂມນີ ເຈົ້າຊີວິດກຳປູເຈຍ,ທ່ານກ່າວວ່າ,ຝ່າຍຈີນຍິນດີພ້ອມກັນກັບຝ່າຍກຳປູເຈຍ,ຍົກການຮ່ວມມືດ້ວຍໄມຕີຈິດລະຫວ່າງສອງປະເທດຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ທ່ານຖາງເຈຍສຽນໄດ້ແຈ້ງຄວາມຖາມຂ່າວຂອງທ່ານຫູຈິນທາວປະທານປະເທດຈີນໃຫ້ພະບາດສົມເດັດສີຮະໂມນີໄດ້ຊາບ.ທ່ານຖາງເຈຍສຽນກ່າວວ່າ,ລັດຖະບານຈີນເອົາໃຈໃສ່ນຳການພົວພັນກັບກຳປູເຈຍ,ທະນຸຖະໜອມມິດຕະພາບພິເສດກັບພະບໍລົມມະວົງສານຸວົງ.
ພະບາດສົມເດັດສີຮະໂມນີຊົງຕັດວ່າ,ພະບໍລົມມະວົງສານຸວົງ,ລັດຖະບານແລະປະຊາຊົນກຳປູເຈຍມີຄວາມຮັກແພງອັນເລິກເຊິ່ງຕໍ່ຈີນ,ຈະເຮັດຄືແຕ່ເກົ່າເມື່ອຫຼັງ,ຍຶດໝັ້ນນະໂຍບາຍຈີນດຽວ, ພະຍາຍາມຢ່າງບໍ່ລົດລະເພື່ອປັບປຸງແລະຂະຫຍາຍມິດຕະພາບອັນມີມູນເຊື້ອແລະການພົວພັນຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງກຳປູເຈຍ ຈີນ.
|
|
