ຕາມ​ຂ່າວCRI   ວັນ​ທີ 11 ພຶດສະພາ  ກະຊວງ​ວິທະຍາສາດ​ເຕັກ​ໂນ​ໂລ​ຢີຈີນ​ໄດ້​ປະກາດ​ວ່າ  ຈີນ​ໄດ້​ຄົ້ນຄວ້າ​ຜະລິດຢາ​ແບບ​ໃຫມ່​ສຳລັບ​ປິ່ນປົວ​ໂຣກສາຍ​ເລືອດຫົວ​ໃຈ​ຕັນ​ແລະ​​ໂຣກມະ​ເຮັງຢ່າງ​ສຳ​ເລັດ​ຜົນ ທັງ​ນີ້​ກໍ​ເປັນ​ຂີດ​ຫມາຍ​ສະ​ແດງ​ໃຫ້​ເຫັນ​ວ່າຄວາມ​ສາມາດ​ຄົ້ນຄວ້າ​ຜະລິດ​ຢາ​ແບບໃຫມ່​ຂອງ​ຈີນ​ໄດ້​ຍົກ​ສູງ​ຂຶ້ນ​ຢ່າງ​ເດັ່ນ​ຊັດ

ໃນ​ຫຼາຍ​ປີ​ມາ​ນີ້  ຈີນ​ໄດ້​ເພີ່ມ​ຄວາມ​ແຮງ​​ໃນ​ການສະຫນັບສະຫນູນການ​ຄົ້ນຄວ້າ​ຜະລິດ​ຢາ​ແບບ​ໃຫມ່  ປັດຈຸບັນ  ລະບົບ​ຄົ້ນຄວ້າ​ພັດທະນາຢາ​ປະດິດ​​ຢາໃຫມ່ຂອງ​ຈີນ​ກັບ​ແທ່ນ​ເຕັກນິກ​ໄດ້​ຈໍ່​ຕົວ​ຂຶ້ນ​ໃນ​ເບື້ອງ​ຕົ້ນ​ແລ້ວ   ພ້ອມ​ກັນ​ນັ້ນ   ຈີນ​ຍັງ​ໄດ້​ຄົ້ນ​ຄວ້າ​ຜະລິດຢາ​​ແບບໃຫມ່​ງວດ​ຫນື່ງຢ່າງ​ສຳ​ເລັດ​ຜົນ  ​ໂດຍ​ສະ​ເພາະ​ແມ່ນ​ຢາ​ຈຳນວນ​ຫນຶ່ງທີ່​ສຳລັບ​ປົວພະຍາດ​ຮ້າຍ​ແຮງ​ທີ່ຂົ່ມຂູ່ສຸຂະພາບຂອງມວນ​ມະນຸດ  ຕົວຢ່າງ​ຄື ຢາ​ປົວ​​ໂຣກສາຍ​ເລືອດ​ຫົວ​ໃຈ​​ແລະ​ສະຫມອງແລະ​ໂຣກມະ​ເຮັງ​ເປັນ​ຕົ້ນ