ຕາມຂ່າວCRI ວັນທີ12 ພຶດສະພາ ໃນງານຊຸມນຸມນັກຂ່າວທີ່ຈັດຂຶ້ນເປັນປະຈຳຢູ່ທີ່ປັກກິ່ງ ທ່ານຂົງຊວນ ໂຄສົກກະຊວງການຕ່າງປະເທດຈີນກ່າວວ່າ ຝ່າຍຈີນຄອງຄອຍໃຫ້ການແລກປ່ຽນລະຫວ່າງສ.ປ.ປເກົາຫຼີກັບອາເມລິກາ ຊ່ອຍຊຸກຍູ້ມໃຫ້ຈັດການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີຄືນໃຫມ່ໂດຍໄວ
ທ່ານຂົງຊວນກ່າວວ່າ ຝ່າຍຈີນເອົາໃຈໃສ່ວ່າທ່າທີຂອງສອງຝ່າຍສ.ປ.ປເກົາຫຼີອາເມລິກາກ່ຽວກັບການຈັດການເຈລະຈາ 6 ຝ່າຍຄືນໃຫມ່ມີຂ່າວຄາວອັນຕັ້ງຫນ້າທີ່ເປັນຫນ້າເອົາໃຈໃສ່ ຝ່າຍຈີນສະແດງຄວາມຊົມເຊີຍຕໍ່ເລື່ອງນີ້
ທ່ານຂົງຊວນກ່າວເນັ້ນວ່າ ຝ່າຍຈີນເຫັນວ່າ ການເຈລະຈາ 6 ຝ່າຍແມ່ນຊ່ອງທາງອັນຖືກຕ້ອງພຽງຫນຶ່ງດຽວໃນການສົນທະນາກັນເພື່ອແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິ ບັນດາຝ່າຍຄວນຍຶດຫມັ້ນຊ່ອງທາງດັ່ງກ່າວແລະທຳຄວາມພະຍາຍາມຢ່າງບໍ່ລົດລະເພື່ອຊອກຫາວິທີແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິໃນທີ່ສູດ
ທ່ານຂົງຊວນຍັງກ່າວວ່າ ຝ່າຍຈີນໄດ້ທຳຄວາມພະຍາຍາມເພື່ອຈັດການເຈລະຈາ 6 ຝ່າຍຄືນໃຫມ່ ຕະຫຼອດມາ
|