|
ມາກາວໃຊ້ມາດຕະການຫຼາຍຢ່າງປ້ອງກັນໄຂ້ແດັງກ໌
cri
Author: li
ຕາມຂ່າວສານຊິນຮວາ: ວັນທີ 22 ພຶດສະພາ ທ່ານຖາງເຈຍຢ້າວ ຫົວໜ້າສູນປ້ອງກັນຄວບຄຸມພະຍາດຂອງພະແນກສາທາລະນະສຸກເຂດບໍລິຫານພິເສດມາກາວຈີນກ່າວວ່າ,ເຂດພິເສດຈະເພີ່ມຄວາມແຮງໃນການຂ້າຍຸງທີ່ພາໃຫ້ເປັນພະຍາດ,ເພີ່ມມາດຕະການກວດກາພະຍາດຜູ້ເຂົ້າອອກເມືອງ,ເພື່ອປ້ອງກັນໄຂ້ແດັງກ໌.
ປັດຈຸບັນ,ຢູ່ອາຊີອາຄະເນມີໄຂ້ແດັງກ໌ລະບາດຢ່າງໜັກໜ່ວງ,ຢູ່ອິນໂດເນເຊຍ,ຫວຽດນາມ,ໄທແລະສິງກະໂປໄດ້ປະກົດມີຜູ້ເປັນໄຂ້ແດັງກ໌ບາງຄົນ. ຜູ້ຊ່ຽວຊານປ້ອງກັນພະຍາດຂອງມາກາວເຫັນວ່າ,ເຂດໃກ້ມາກາວມີໄຂ້ແດັງກ໌ແຜ່ລາມ,ໂອກາດທີ່ຜູ້ທ່ອງທ່ຽວນຳເອົາເຊື້ອໂຣກໄຂ້ແດັງກ໌ເຂົ້າມານັ້ນເພີ່ມຂຶ້ນຫຼາຍ; ໃນຂະນະດຽວກັນນີ້,ມາກາວໄດ້ເຂົ້າສູ່ລະດູຝົນແລ້ວ,ກະວ່າຕໍ່ໄປພາຍໜ້າຈະມີຍຸງຫຼາຍຂຶ້ນ, ໂອກາດທີ່ໄທເມືອງເປັນໄຂ້ແດັງກ໌ກໍຈະເພີ່ມຂຶ້ນຫຼາຍ.
|
|
