|
ຕາມຂ່າວສານຊິນຮວາ: ວັນທີ 25 ພຶດສະພາຢູ່ປັກກິ່ງ, ທ່ານ ຫຼີວຢຸນຊານ ກຳມະການກົມການເມືອງ ເລຂາຄະນະເລຂາ ຫົວໜ້າຄະນະໂຄສະນາຂອງສູນກາງພັກກອມມູນິດຈີນໄດ້ພົບປະຄະນະຜູ່ແທນພັກປະຊາຊົນປະຕິວັດລາວທີ່ນຳໂດຍທ່ານ ສົມສະຫວາດ ເລັ່ງສະຫວັດ ກຳມະການສູນກາງພັກປະຊາຊົນປະຕິບັດລາວ ຮອງນາຍົກລັດຖະມົນຕີທັງເປັນຫົວຄະນະພົວພັນຕ່າງປະເທດແລະລັດຖະມົນຕີກະຊວງການຕ່າງປະເທດລາວ.
ທ່ານ ຫຼີວຢຸນຊານ ເວົ້າວ່າ, ໃນຫຼາຍປີມານີ້, ຊັ້ນສູງລະຫວ່າງສອງພັກຈີນລາວມີການໄປມາຫາສູ່ກັນຢ່າງເນື່ອງນິດ, ໄດ້ຮັບໝາກຜົນການຮ່ວມມືດ້ານເສດຖະກິດການຄ້າຢ່າງຫຼວງຫຼາຍ, ແລະປະສານງານໃນວຽກງານສາກົນແລະພາກພື້ນຢ່າງແໜ້ນແຟ້ນ. ຝ່າຍຈີນຍິນດີພ້ອມກັບຝ່າຍລາວ, ພະຍາຍາມຍົກສູງການພົວພັນໄມຕີຈິດຮ່ວມມືລະຫວ່າງຈີນລາວຂຶ້ນສູ່ລະດັບໃໝ່.
|
